بمناسبة العيد الكبير
عيد الاضحى المبارك اللي خلص امبارح اللاثنين وكان رابع وآخر يوم
ويارب ينعاد علينا وعليكم السنة الجاي بالخير والبركة
كله شقفتين وشقفة
يادوب راسي براس زوزي وبناتي الصغار يادوب ياكلو من الجمل دانه
ومين سمعني زوزي التاني نفس الاشي
ضليتني اعزم عليه
ولا رضي ياكل……….انا بحب الزلمة اللي هيك بسلخ اللحم عن العظم
ههههههه بحسس الوحدة انها فعلا طبخت وابدعت وانه مش قادر يستطيع من كتر زكاوة الاكل
شوفو هذا لبن رايب احنا مروبينه اشترينا حليب طازة وروبناه انا بحب اخلط لبن رايب مع لبن جميد عشان تخف ملوحته لانه معزوزي بحبش المالح كتير
على الذوق كيف بتحبي الطعمة تاعت اللبن مركزة ولا عادي وخفيفة انا بحبه عادي وسط ومزبوط
بس شو المرقة طلعت
رهييييييييييييييييبة دسمة وبتجننننننننن
وعلى سيرة البلدية بحب اهديكو مقطع من
منسف عجاج لا لا لا لا ما ينفع
هذا المنسف بده لحمه بلديه
هيا هيا هااااااااااااااااااي
انا بحب اقلي ارز اشوية بقاع الطنجرة هيك بحس انه كل حبة رز لما تتقلى بالزيت بتاخد نكه وطعم اقوى
اخخخخخخخخخخخخخخخخخخ اشي فاخر على الاخر
بس استنو ما خلصش العيد
وهاي تاني شمعة
وهاي كاسة عصير هنااااااااك
وهاي التانية جنب اختها على قولة اسولة
عرفتو القصة ولا لسا؟
هلاء بينت
ضيافة صغيرة لمعزوزي بمناسبة العيد
صحن المعمول
عصير برتقال فريش
قهوة سادة
شوكولاته
مكسرات
وبس
وكل عيد وانتو سعداء واحباء مع عيلتكو واهاليكو واحبابكووووووووو
واذا فاقو بناتك الصبحيات وشافو الشمعة وباقي ها الاختراعات لاقيلك حجة مقنعة عشان رح يسألوكي
وليش ضويتو شمعة؟
وانا ليش بتضويلييييييييييش شمعة؟
ومن وين جبتو الشمعة
هههههههههه
خلص يا اسيل والله مخولتي مخاتي
لكم تحياتي واحتراماتي
الماسة
ام سهام واسيل
يسلموا ايديكي الضيافه بتجنن والمنسوف بشهي وخاصه المرقه بموت فيها
كل عام وانتي بخير ومعزوزك والبنات بخير وان شاء الله بقومتك بالسلامه وبحضنك الصبي يارب
وريتك سالمة غانمة انتي واولادك وكل عيلتك
تسلم ايدك حبيبتي
وكل سنه وانتي سالمه يارب
ويفضل جوزك وبناتك منورين حياتك يارب
وتضلي انتي الهم ست الستات يا قمر
ويخليلك عرسانك وتشوفيلهم احلى العرايس يارب
ويعملولك احلى المناسف
صحتين يا رب
وريته صحة وهنا
أخيرا الماسة قالت تفضلوا …. لولولولوليييييييييييش
ايه شط ريقي على هالمنسوف وانت عم بتمطي بالقصة
بس ماستنا
عندي سؤال بريء
وليش ضويتو شمعة؟
على فكرة انا عجبتني فكرة مزج الجميد مع اللبن لتقليل الملوحة
علشان سي السيد ما بيحب الملح زيادة
ريته صحا وهنا ومطرح ما يسري يمري
وان شاء الله السنة الجاية تحتفلي بالعيد مع ابو الشبابو اسيل وسهام وعلى حضنك ولي العهد
وتضوي شموع ع طوووول
صحة وعافية على المنسف الزاكي
وما شاء الله على هالضيافة اللي بتجنن انشاالله بضل بيتك عامر