من غير الفتة ما يحلى العيد 2024.

كل سنة وانتم طيبين .. أعاده الله علينا وعليكم وعلى الأمة الإسلامية بكل الخير
ويارب كل اللى نفسه يحج .. ربنا سبحانه وتعالى يحقق أمنيته

للفتة طرق مختلفة ومتعددة ..التقيلة أوالخفيفة
تعالوا بقى اقولكم على طريقتى الخاصة ويارب تعجبكم

• 2 رغيف عيش أسمر مقطعين .
• 3 فص ثوم مهروسين.
• 2 معلقة زبدة.
• زيت ذرة.
• بهارات.
• ورق لورو.
• قرفة خشب.
• قرنفل.
• ملح.
• 1 كيلو لحم ضأن مسلوق (أو أى نوع لحم على حسب الرغبة ).
• 1/2 كيلو أرز مغسول (أرز مصرى أو بسمتى ).
• 1 كوب عصير طماطم.
• 1 معلقة معجون طماطم.
• معلقة خل على حسب الرغبة.

-نبدأ بالأرز .. نضع الزيت (مقدار مناسب لكمية الأرز) يسخن قليلاً

ثم نضيف الأرز ونقلبه لمدة دقيقتين.
-نضيف الماء ( الأرز المصرى يأخذ نفس الكمية ماء – البسمتى يأخذ مقدار ونصف ماء ) والملح ونقلب جيداً ثم نضيف ورقتين لورو وعود قرفة خشب وبعض مسامير القرنفل , مع معلقة زبدة صغيرة لتعطى لمعان و نكهة طيبة للأرز.. كل هذا على نار عالية.
-بعد غليان الماء مع الأرز نهدى النار إلى أن يتشرب الماء وينضج الأرز.
-أثناء طهى الأرز نقوم بعمل الفتة .. نضع العيش المقطع فى صينية بالفرن ونتركة من 5:10 دقائق ليتحمص.
-نضع معلقة زبدة فى طاسة على النار ونضع معها فصين ثوم مهروسين ونشوح قليلاً ( وأنا شخصياً أفضلها صفراء قليلاً ولا أتركها لتغمق) ثم اضيف ملعقة صغيرة من البهارات واشوحها ثم أرفعها من على النار.
-أضيف الثوم إلى العيش المحمص وأقلبه جيداً ثم أضيف مقدار مناسب من الشوربة واغطيها حتى تتشرب .
-يمكن وضع معلقة خل مع الثوم على حسب الرغبة.. ( أنا بحبها من غير خل).
– على فكرة وضعت مع اللحم عند سلقها بهارات الكبسة (قرفة -قرنفل-هيل"حبهان"-ليمون أسود"لومى"-فلفل أسمر- كمون -لورو- معلقة معجون طماطم – وطبعا بصل وثوم) (أخواتى السعوديات يصححولى لو سمحتم).
-للصلصلة .. نشوح فص ثوم مهروس فى زيت أو زبدة ثم نضيف له عصير الطماطم ونتركها لتتسبك (أفضل أن يكون سمكها غليظ).
– طبعا كل المقادير بقت جاهزة الآن.
– نضع فوق الفتة الأرز الأبيض الأورينتال (طبعاً نزيل ورق اللورو والقرفة والقرنفل ) .. ثم نرش بعض من الصلصة على الوجه .. وأخيراً نضع قطع اللحم المسلوق …. وبـــــــــ

وتسلم الايادى الحلوة

وكل عام انتى باالف خير