من يحل هذي المشكلة مع زوجي، باسرع وقت ممكن 2024.

بنات انا صارلي ست سنين ونص متزوجة وعندي بنتين، المشكلة بيني انا وزوجي والسبب البنات،

هو موضوع محرج شوية اتكلم عنه بس غصبا عني،

المشكلة وما فيها هو وقت الجماع زوجي يسويها مشكلة كبيرة وخاصة امس وجنه كان قنبلة موقوته وانفجر

اولا يقول البنات ما يخلني ارتاح وياج ويشتكي من سهرهن المشكلة بناتي وحدة عمرها سنة ونص والثانية 4 شهور يعني انا متمشكلة في الصغيرة اتعب وياها طول الليل والكبيرة تنام لين الظهر واظل صاحية حتى المغرب تاخذ ساعة وتصحى وتسهر لين 2 باليل وزوجي متحج يقول انا عمري ما شفت يهال يسهرون لين وحدة وهنتين باليل،

اقولة خلني انيمنهن وبعدين خذ راحتك وياي ويعصب ويقول انا اريد انام من وقت وبناتك يتاخرن وما صارت حياة،؟

والله اول مرة في حياتي اشعر بالعجز قلتلة هذي فترة وبتعدي بيكبرن البنات شوية شوية وبينتظم نومهن بس ما قدرت افنعه مصر إني انا السبب في سهرهن وعدم التنظيم
وززجي فيه صفة غريبة ابدا ما يذكر الاشياء الزينة والاوقات الحلوة إلي اعطيها اياها ولو مر عليها يومين، ويجلس يذمني ويطلع عيوب غريبة ولا يذكر الاوقات الحلوة حتى ما يحطها في باله بس يعيشها في لحظتها وينام ويصحى وينسى

انا مليت من اسلوبة ما عرفت شو اسوي هل المشكلة هو ما يقدر كيف تعبت في ها البنات في حملهن مشكلة وفي ولادتهم مشكلة ويقولي بين الحين والثاني هذا واجبج يعني لا كلمة شكر محتاجة ولا شي

والله حتى ما اقدر اوصل المعلومة لكم مشكلتي انا ما اقدر اعبر في كلامي العبرة دوم تخنقني والدموع هو تعبيري
ساعدوني الله يخليكم في هذي المشكلة

فيه شيء بقولك عليه حاولي انك تغمرين زوجك بالحنان …..الحنان شيء مهم جدا جدا جدا .

المهم انا جلست طوووووووووول الليوم افكر والحمدالله حليت المشكلة وسويت شي جديد فكرة حلوة بيني انا وياه والحمدالله عجبته وااااااااااااااااااااااااااااااااايد وناوية اطرح الفكرة في موضوع خاص علشان تستفيد كل وحدة وتجدد مع زوجها.

يا خواتي انا كنت منظمة وقتي ويا البنات، بس زوجي هو بنفسة بيدة خرب النظام لان خذ اجازة شهر وقبل الاجازة كانت بنتي تنام الساعة عشرة ونص واقدر اسوي اشياء وااااااااااايد، بس هو ما دامة في البيت بنتي ما تريد تنام تبي تجلس ويا ابوها ولو كانت ميتة نواااااااااااااد ، يعني لازم انيمها قبل ما يرجع ابوها والمشكلة هو دايما يفاجئنا ويدخل الغرفة وتكون بنتي نايمة نص نومة وبعدين تنش وشوي شوي اخترب النظام وهو السبب من غير ما يحس