بسم الله الرحمن الرحيم
السلام عليكم ورحمة الله وبركاته
حوح يا بردي ما عندي قشقوشة حطبة
شو في احلى شي بها البردات من صينية حلبة بزيت الزتون المعتبر والقطر
يوم الخميس عملت صينية حلبة بتجنن عشان اخدها معي على دار سيدي
وفعلا هيك صار
تعو شوفو شو عملت
اول شي حضرت الحلبة لحتى اسلقها
وسمعت مرة بالمنتدى انه لو حطيت قشر بصل مع سلق الحلبة ما رح يطلعلها ريحة
فقلت اجرب
وهيها بس استوت وتركتها تبرد وتتصفى من المية وطبعا شلت اوراق البصل منها
نخلت كاسة طحين مع بكيت باكنج باودر ورشة ملح
وضفت عليهم كاسة سميد
دور السوائل بابريق المولينكس كاسة لبن رايب او حليب (انا خلطت لبن وحليب) وكاسة سكر وكاسة زيت
خفقتهم كويس بعدين ضفت بيضتين وفانيلا ونقطتين لمون عشان اضمن انه ما يكون في ريحة زنحة للبيض
نيجي للعجينة خلطت الحلبة مع الطحين والسميد وبعدها ضفتلهم الخليط السائل
انا هون كنت خايفة تطلع العلبة كتيرة على المعيار بس بعد ما عجنتها قلت لو اني سلقت زاد كان اتحملت كمان نص كاسة حلبة زيادة
دهنت الصيني زيت خوف لا تلزق ويروح تعبي بالهواااااااااااااااا
وهيا بس طلت من الفرن رشيت عليها شوية جوز هند والقطر البارد
وبس بردت قطعتها وزي ما تحبي مربعات…. وربات…مستطيلات
حبيت اورجيكوو صحن التقديم من الخزف……………..الخليل مشهورة بصناعة الخزفيات شوفو ما احلى…..
وهاي قطعتين لاول رد
امانة البيت بيتكو….كل وحدة تاخد صحن وما تستحووو
ومش قلتلكو هذا مهرجان الحلبة
هدول عملتهم بقالب الكب كيييك
وضل اشوية كمان قلت احطهم بالصينية الصغيرة وازوقهم بالزبيت
ورشة جوز هند
وريتة صحة وهنا على قلوبكو ومطرح ما يسري…………يمري
وكل سنة وفلسطين بخير وسلامة
تحياتي واحتراماتي
الماسة
ام سهام واسيل
كتبت بواسطة حبيبة48 
تسلم ايدك
حبيبة الله يسلمك يا رب
تسلم ايدك يا ماسة
أطباقك تستاهل كلها التطبيق من حلاوتها
يميميميمي
شكلها بيشهي كتيييييييير
يسلم يا احلى ماسة على الحلبة
ميممييي
غايبة وجايبة
مش تقولي مفجوعة
بس اخذت هاد الصحن عشان اذوق الزملا
تسلم الايادى الجميلة
والف هنا وعافية على قلوبكم يارب
تسلم الايادى الجميلة
والف هنا وعافية على قلوبكم يارب
بمووووووووووووووت فيها 
شكلها بشهي
والصحن كتير حلو