فأول مشاركه ليا في ركن الاطباق الرئيسيه عملت انهارده علي الفطار كفته مشويه مع خضار وبطاطس بيوريه..ندخل في المهم..
-الكفته:-
–نص ك لحم مفروم
-بصله مبشوره ناعم
-1ونص م ص ملح
-بهارات زي ما تحبي (فلفل ..كمون..شطه..بهارات لحوم..جنزبيل…..)
-كميه من البصل والطماطم والفلفل الملون مقطعه شرائح+حبه بطاطس نص مسلوقه ومقطعه مكعبات
………عملت الكفته بالطريقه العاديه وبعدين رصتها فالصينيه ووزعت عليها باقي المكونات وضفت رشه بهارات لحم علي الوش وبشر جوزه الطيب..وزيت ذره أو زيتون زي ما تحبي..ودخلتها الفرن ودي الصور
فاتكو بتقولو مش هي دي الكفته اللي كانت في الصينيه الاول.(انا مطمعتش فيها والله
)بس كشت جامد اصل كان فيها دهن شويه..
-بطاطس البيوريه
-بطاطس مسلوقه ومهروسه
-بيضه مخفوقه
-2ملعقه لبن او قشطه او زبادي (المتوفر عندك)
-ملح وفلفل
-بقسماط
-لحم عصاج
………….اخلطي البطاطس بالبيضه باللبن والملح والفلفل كويس جدا
-ادهني القالب بالزيت ثم بطني بالقسماط
-وزعي نصف كميه البطاطس في القارب وبعدها ضيفي العصاج مع رشه بقدونس وبعدين ضيفي بقيه البطاطس
-علي الوجه ضعي كميه من البطاطس في كيس الحلواني(قمع الكريمه)وشكلي وردات علي الحواف
-ادهني الوجه بالبيض المخلوط بذره ملح ودخلي الفرن للتحمير ودي الصور….
وقت الفطار قدمتهم مع سلطه خضرا وطحينه وعيش بلدي…. و ده أحلي طبق لأحلي رد
تسلم ايدك
ويسلمو هل الايدين
عجبتنى فكرة البطاطس اوى وان شاء الله اعملها بكره
تسلم ايدك يا قمر