₪موضوع متميز₪محشي ورق عنب وكوسا .وصينية زهرة بالطحينية .TOTO 2024.

السلام عليكم ورحمة الله وبركاته
كيفكم يا أحلى صبايا أنا رح أبدا على طول
بسم الله نبدأ
المقادير:
كاستين ونص رز كمصري (صن وايت)منقوع ومغسول
لحمة مفرومة
حبة بندورة حمرة مبروشة
فصين كبار ثوم مهروس
ربع ملعقة صغيرة قرفة
ربع ملعقة صغيرة كمون
ربع ملعقة صغيرة فلفل أسود
ملعقة صغيرة هيل مطحون
ملعقة كبيرة وربع بهارات مشكلة
ملعقة كبيرة ونصف نعنع ناشف
مكعبة ماجي
طريقة عمل الحشوة:
نضع كمية من الزيت في طنجرة وبنقلب اللحمة فيها حتى الاستواء وبنطفي النار (أنا بخليها تستوي لاني بطبخو ثاني يوم فالأفضل تكون مستوية )ثم نضع مكعبة الماجي حتى تدوب مع اللحمةثم نضع الثوم المهروس والبندورة المبروشة على اللحمة وبنحركهم ثم نضع الرز والبهارات والملح والنعنع وبنحركهم

ثم نقطع بندورة ونضعها أسفل الطنجرة

انا لا أضع لحمة أو جاج تحت المحشي لانو زوجي ما بحب أضع خضرة بطاطا شرائح خميلة شوي وبصلتين شرائح خميلة شوي

من ثم نحشي الكوسى ونلف الورق

ثم نغلي كمية من الماءوندوب فيها مكعبةونصف ماجي وملح ونضعهم على المحشي ونضع صحن كبير يغطي أكبر كمية من المحشي ونضع ثقل أنا بحط صحنين فوق الصحن الأول

ونضع الطنجرة على النار حتى الاستواء

صينية الزهرة بالطحينية
المقادير:
رأسين زهرة(قرنبيط) بين المتوسط والصغير
لحمة مفرومة
فصين ثوم كبار مهروسين
ملعقة كبيرة ونصف كزبرة خضراء مفرومة ناعم
ملعقة كبيرة خل ملعقة كبيرة عصير ليمون
ملئ فنجان قهوة ونصف طحينية أنا بستعمل النخلة
كوبين ماء
مكعبة ماجي
الطريقة :نقلي الزهرة وبنصفيها .في طنجرة كبيرة نضع اللحمة من غير زيت وبنقلبها حتى الاستواء بنوطي النار تحت اللحمة بنخليها على نار هادية ثم نضع الثوم المهروس وبنقلبو ثواني مع اللهمة ثم نضع الزهرة وبنقلبها أنا ما بقلبها بالمعلقة علشان ما تتفتفت الزهرة بغطي الطنجرة وبحط عليها فوطة بمسكها باحكام من الطرفين وبخضها(بحركها للاسفل والأعلى حتى تمتزج مع بعض نتركها دقيقتين على نارهادئة جدا

ثم نضعها في صينية

ثم نضع بالخلاط الطحينية والخل وعصير الليمون ومكعبة الماجي وملح والماء ونخلطهم ونضعهم في طنجرة على النار ونحركهم بستمرار حتى الغليان

ثم نضعها على الزهرة

ثم نضع على الصينية قصديرونعمل فيها فتحات وندخلها الفرن تقريبا 25 دقيقة مش لازم تنشف لازم يكون فيها مي لانها بعد ما تبرد شوي بتنشف

تؤكل بالخبز العربي وصحتين

ادعو لستي(جدتي) الله يشافيها ويعافيها

راااااااااااائع ما شاء الله تسلم ايديك والله يشفي ستك يارب ويرفع عنها