كيف حالكم?انشاء الله تبقوابخير على طول
بلاش اطول عليكم بدي انواع حلويات يدخل فيها المربى لانه عندي مربى عنب وفراولة ومشمش ومش عارفة شو اسوي فيهم فحكيت ما الي غير اخواتي بالمنتدى يساعدوني لاني متأكدة انكم معدلات وانه ما في مشكلة الا والها حل عندكم انشاء الله والله يجزيكم الحير
عندي حل بيقضي عليه
تعملي تارت من المربي نحن بنسميها البسكويت المبشور
يعني
المقادير
2 بيض نصف كوب زيت او زبده بفضل الزبده فانيلا ب .ب 2 ملعقه صغيره
طيحين حسب العجينه سكر نصف كوب
الطريقه نضيف المقادير مع بعض ونقسم العجينه الي ثلث و ثلثين
يعني بتفردي العجينه في صينيه مربعه متوسطه الحجم
و بتخرميها بالشوكه حتى ما ترتفع كثير
ونضيف المربى على العجينه
نضيف العجينه الباقيه و نبشرها بالمبشره اللي بنبشر فيها البرتقال الجه الكبيره
ممكن عمل منها أشكال شو ما بتحبي من قوق وبتخبزي العجينه بالفرن حتى تشقر من تحت ثم من قوق
و تقطع مربعات وتقدم بارده وأدعيلي اذا ما خلص المربى بس من مرتين
يلا وشك على المطبخ
عنجد انك عسللسة عاملتها قبل يومين وزوجي بحبها كمان
بس بدي شغلة تانية علشان التغيير ولو اني غلبتكم ععي (شو بدكم اتساوا شحاد وبيتشرط)
