انا عضوة جديدة
جاية اسلم عليكم واكتب اول مشاركة لي في هذا المنتدى الرائع وان كنت من متصفحي المنتدى من فترة طويلة ادخل في الموضوع وهو اني من اسبوعين تقريبا رحت مع اختي لمشغل وكانت الكوافيرة فلبينية فقلت اسألها عن شي يكثف الشعر ويكثره فقالت انتم في السعوديه كثير منكم يكون شعرهم خفيف وهذا كله من الموية حقتكم لأنها تكون حاره بالمره وتسبب تساقط في الشعر وتقول انا يوم جيت السعودية كان شعري اكثر من كذا مرتين وكنت ما اقدر امسكه الا بربطه كبيرة مرة (( بس بصراحه ما شاء الله كان كثير و حلو مادري وش كان قبل )) المهم ادخلت معنا الفلبينية الثانية وايدتها بالكلام وقالت انا بعد ما شفت هالنتيجة صرت اعبي البانيو من اول الليل واذا جاء الصبح تروشت فيه لأنه يكون باااارد وما يأثر على الشعر …(( لكن احس ان هالطريقة بعيده عن شواربنا لأننا ما نحس اننا تنظفنا الا اذا ضرب علينا الدش ضرب ))المهم ( ما كاني قلتها قبل ) المهم …… خلاص خلاص ….. قالت انه فيه شامبو اسمه هورس وهو فلبيني استخدموه كثير من الناس وكثر شعرهم وطال وقالت انه يباع بالبطحاء بـ100 ريال بس انه بسرعة يخلص من السوق لكن انا الى الآن ما اشتريته لأن ما عندنا سواق يشتري لي اياه من البطحاء والله انه مشوار
قلت ما لي الا حبيباتي في المنتدى اللي اكيد فيه احد منهم جرب الشامبو حتى تخبرنا عن مدى فاعية هذا المنتج والنتائج التي تحصلت عليها بعد استخدامه …….(قلبت الأخت فصحى تحاول تصير مثقفة )
المهم انه خلصت السالفه وتراي حاوت اختصر لكن كلما جيت احذف شئ لقيت قدامه( المهم ) وانا مادريت ان سالفتي مهمه الى هالدرجة
(…………..اللي هذا اوله ينعاف تاليه ضفي عفشك واقلبي وجهك ولا عاد نشوفك مره ثانيه ======> عادي مجرد تهزيئة بسيطة من المشرفات ) 
sid [/SIZE][/COLOR]
هلا وغلا بمجاهدة نت…
أولاً… خلينا نعاتبك شوي…. ليه حبيبتي لك فترة وأنتِ تتصفحين من غير مشاركه؟؟ هذي ما نرضى فيها وودنا نشوف أسمك على طول مفيده ومستفيده ومكرمه بإذن الله كمان….
ثانياً.. بالنسبة للشامبو صراحه ما عمري سمعت عنه..لكن مو مشكله حنا ما نبعد كثير عن البطحاء كلها حوالي 1200 كيلو…نروح ندور له عادي…..
والمويه والله كلامها صح ميه الميه..المويه الحاره دمااار للشعر…
يعطيك العافيه حبيبتي على أفادتك لأخواتك..
ولا تضفين عفشك ولاشئ…بالعكس إلا شوفي لك زاوية بالركن وسنترررري فيها..
وحياك الله معانا مره ثانيه…
اختي مجاهدة-نت .. انا الصراحة اول مرة اسمع بهالشامبو العجييب
.. عااد مادري اذا ينبااع بالكويت ولا لأ ؟ بس انشاالله بدور عليه بالجمعيات عندنا .. والسلاااام ختام 
ايه صح نسيت اسلم السلاااااااام عليكم ورحمة الله وبركاته
اول شي قولوا آمين الله يجعل محبة القرآن و لهب و اصغر مابة الذهب يدخلون الجنة ويتقلبون على سررها ويشربون من الحوض شربة لايضمأن بعدها ابد بعد عمر طويل ان شاء الله
بس تراي مهب دايم ابدعي للي يرد علي بس لأنه اول مشاركة لي
محبة القرآن عتابك عسل على قلبي والله وتهقين ارجع عفشي الي ضفيته وابشري ان شاء الله بالعلوم الزينة اللي كله مهمة ومفيده =====> صدقت نفسه الاخت
والف شكر لمشرفتنا الغالية
الغاليه لهب لاتنسين تقولين لنا إذا لقيتيه ان شاء الله وووالله يعطيك عافية ..
اصغر مابة الذهب الله يرفع قدرك مثل ما رفعتي معنوياتي وما عليك زود يا بعد قلبي ……وبصراحه من كلام الفلبينية حسبت ان كل الناس يعرفون الشامبو …… وافر الشكر والتقدير لقبك الطاهر ..
شكل الفلبيينية طلعت تبالغ يوم تقول :كثير ناس سوي شامبو شعر كويس
أسعدني دعاءك جدددداً….
فلا تحرمينا من دعوه عالطاير في ظهر الغيب….
بالنسبه للشامبو…بالفعل غريبه أن البنات ما يعرفونه…
لكن أن شاء الله يكون في تفاعل أكثر…
ودمتي…..