هذه القصة خطّها قلمي ..
وأحببت أن تشاركوني فيها..
مني لكم أرق التحية وأعذبها..
أختكم:
نزل سلطان من درج بيتهم وكانت أصوات خالاته كثيره ….اللي تزغرد واللي تصلي على النبي صلى الله علية وسلم واللي تبارك له واللي تصفق. ..والكل كانوا فرحانين بخطوووبة سلطان …….سلطان عمره 25سنة وهي آخر سنه له في الجامعه كلية اللغات والترجمة القسم الإنجليزي ,,,,,
وعائلته تتكون من …..
ابو عبد الرحمن (فهد) وهو استشاري عيون كبير مررررره وكان من اكبر الاخصائيين للعيون في السعودية كلها وكان لما يأخذ حاله معينه لازم يعالجها وما يعرف شئ اسمه الاستسلام او الانهزام امام المرض , حنون على اولاده بس" سلطان" له مكانه خاصه عنده.. وشخصية ابو عبدالرحمن سلسة وتسلك مع أي أحد ومثقف ومتواضع جداً جداً ….
ام عبدالرحمن (لطيفة) وهي إنسانة مستحيل نلاقي مثلها ..مو لأنها طيبة وحنونه وعسل لأ لأنها
إنسانه على كثر ماهي حنونه وطيبه إلا أنها ذكية ودائماً تفهم الشحص اللي قدامها من عيونه وتقرا في عيونه كل الكلام اللي راح يقوله..والأفضل من هاذا أنها ربّت عيالها تربية صالحة وحتى لو أخطو.. متأكده إنهم في يوم من الأيام راح يرجعون للصواب اللي هي مربيتهم عليه ….
عبدالرحمن عمره29سنة ويشتغل بحلال ابوه >>>بالتجاره يعني .. وانسان ممكن نقول عنه ان الحياة ما عطته فرصة بس انه عصبي مره وحامي يعني يبي كل شئ سريع سريع وعبدالرحمن متخرج من قسم الإدارة العامة …..
بعده اخوه سلطان اللي فرحانين بخطوووبته ..
محمد عمره 23سنه مخلص الجامعه قسم الإدارة العامة ويشتغل مع اخووه عبدالرحمن وشخصية حلوه وانسان مسالم لأبعد حد ويحب كل الناس ودائماً يظن فيهم ظن حسن ويحس انهم نفس تفكيره ….
وأمل ,,, البنت الوحيده لهم وهي الصغييره عمرها 15 سنه >>>يعني في اول ثانوي وأمل وجهها جمييييل وبشرتها صافية وبيضاء و أنثى بكل ما للكلمة من معنا وأفضل أخو لها هو سلطان لأنه كان الوحيد اللي ترتاح تتكلم معاه وتحس أنه يسمعها من قلبه….
وعائلة ..ابو عبدالرحمن من العوائل اللي مستواها المادي متعدي الــ "مرتفع جداً">>>يعني ممكن نقول عنهم أثرياء جداً…… طبعا بيتهم كان كبيير ويضيع الواحد فيه من كبره وعندهم خيمة محتلة المركز الثالث بأفضل خيمةـــ من ناحية التصميم والديكور والالوان ـــ في السعودية …
وباب الخيمة كان محتل الأول على أفضل باب في السعودية وكانت مجلة اجنبية كاتبة مقال
عن هذا الباب لأنه فعلاً باب فيه لمسات فنية رائعة الغرابة ..وكانوا معلقين المقال في الخيمة ,,,,
كان سلطان جمييييييييييل وأجمل اخوانه كانت عيونه حكاية ثانية من جمالها,,,, وكان مو ابيض ولا اسمر >>>يعني حنطي ‘‘‘‘
وملامحه جذاااابه "هذه غير عيونه اللي مجننة كل اللي حوله" ‘‘‘‘ما كان طويييل ولا قصيييركان اقرب للطول من القصر وكان يهتم في جسمه ودائما يرووح للــ "جم" ـــ يعني النادي الرياضي ـــ مع اخوه محمد وكانوا "محمد وسلطان"اقرب لبعض من باقي أخوانه ,,,
وسلطان من النووع الحبوووب واللي الكل يحبه ويشهد له بالروح الرياضيه والانطلاق وما كان أحد يشتكي منه لانه فعلا مثال لشخص صادق الاحساس و كان يحس بكل اللي حوله عن طريق قلبه ,بكل رقه وبكل عذوووبه ……
سلطان لما نزل من الدرج كان لابس جينزحلووو وقميص مقلم مررره انيق وحزام جلد بني مناسب للبس وكان سلطان ـــــــ راااااائع الجمال ـــــــ وكان لابس نظاراة شمسيه من النوووع القديييم اللي طايحين فيه وجزمه { وأنتم بكرامة} جلد طبيعي لونه بني وكانت بعد مناسبه للبس……وينزل بــ هدوووووووء~~~~ مع كل الضجه والزحمه اللي مسوينها اهله وخالاته …
اول ما نزل مسكته خالته منيرا وقالت: الف الف الف مبرووووووووووك والله اني من الفرحة مو عارفه وش أسوي و وش أحط ……. مره فرحت لك الله يوفقك ياااارب ويهنيك..
سلطان بإبتسامة عريضه :الله يسلمك يا خالتي والله إني لحد الأن مو مصدق الله يعيني وأصدق..
خالته هدى :مبروووووووووووووك مبرووووووووووووووك وش ذا الحركات والله ما توقعناها منك أبد بس عرفت تلعبها صح‘‘‘‘ والله إنك مو هيّن ما شاء الله عليك بس تدري عرفت تنقي وحتى العائله مو عاااديه ابداً ابداً الله يرزقك من أوسع أبوابه قل آميييين ’’’
سلطان: آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآمييين يا رب
خالته فوزيه:الله الله من يصدق أنه هاليوم ممكن يجئ ههههههههههههههههههههههههههههههههه منك المال ومنها العيال …
سلطان :تونا يا خالتي على هاذي الدعاوي خليها لما نملّك على الاقل أضمن ؛؛؛؛؛
هههه
والكل مستانس وسعيد بهذه الفرحه اللي ما جت على البال ولا على الخاطر~~~~~~~~~ وشوي وجاء صوت بنت>>(وكانت هذه البنت، بنت خالته!! وكان معاها كل بنات خالاته ) وقالت : مبروك مبروك الله يوفقك ويسعدك ياااااااكريم ..ههههه{وضحكت وقالت} هاذي التهنئة مو مني بس لأ …كل البنات بعد يهنونك …
سلطان تنرفز وما عرف يرد وسكت بعدين قال:الله يعطيك العافيه !!!!!!
وبعد لحظة جاء عبدالرحمن وقبل ما يدخل قال :يـــــــــــــــــــاولد يــــــــــــــــــــــا ولد الدرب الدرب …… وقالت خالته فوزيه :لحظه لحظه خل البنات يتغطووووون!!!! وبعدها دخل وسلم على خالاته وسلم على اخوه سلطان وقال:يالله استأذنكم أنا طالع أرتاح ….
خالته فوزيه :الله يهديك كان ما غطينا البنات مدامك مو جالس معنا ….
عبدالرحمن:…………………. أبتسم ما يدري وش يقول!!!!
سلطان متنرفز بقوه من كل اللي صار وقام وقال:يالله أنا بعد برتاح أشوفكم على خير ….
خالته هدى :لييييييييييييييه ؟؟!!!! والله ودنا فيك معانا… من زمان عنك ؟!!!!
سلطان :والله يا خالتي حتى أنا بس وش أسوي الدنيا ومشاغلها …وطلع سلطان وعبدالرحمن سوا للدور الثاني بـ اللفت ــ السلم الكهربائي ــ وسأل عبدالرحمن وقال…….
عبدالرحمن: وش فيك شكلك متنرفز بقووووووووووووووه ؟!!!من إيش ؟!!!!
سلطان :وش دعوه كأني مو رجال!!! حشى مافي شئ مالي عينهم اففففف ……
عبدالرحمن:لييييييييييييييييش وش صاااااااااااار؟؟؟؟؟ لحظه خل ندخل غرفتي علشان نسولف على رواااااااااااااااااق ..
ودخلوا غرفة عبدالرحمن وجلس سلطان على الكنب ..
عبدالرحمن :ايوا ما قلتلي وش صاار؟؟
سلطان :أبد ما صار شئ بس أنت لما دخلت قالت خالتي "لحظه خل البنات يتغطووون"
ليييه وأنا مالي رب ولا عاااادي يفتشووون لي والله قلت حيا … على الاقل لا ترفعين صوتك علشان ما أسمع ولا قصدك" يا سلطان اسمع" آآآآآآآآآآآه من هالناس ما أدري متى تعطي الانسان قيمة وقدر ؟؟
عبدالرحمن:أنت اللي معطيهم وجه ….
سلطان :أناااااا؟؟؟؟!!!!!
عبدالرحمن :إيه أنت، أنت لما تدخل عليهم ما تتنحنح ولا تقول يا ولد ولا حتى شوفولي الدرب ولا شئ!!!علشان كذا حسواا أنه عااادي خل يدخل والبنات مو متغطيييين ..
سلطان :تهقى كلامك صدق ؟!!!!
عبدالرحمن:خل ننزل الحييين وتنحنح وشف وش يصييير !!!
سلطان :طيب ننزل وش نسوي ؟؟
عبدالرحمن :خل نروووح للسوق ونتفرج على الذهب والمجوهرات علشان الملكه قريييب إن شاء الله ….
سلطان :طيب أأأأأأأأأأأأأأأأأأأأأأأأأأأأأ بس…… مدري …….أأأأأأأأأأأأأأأأأأأأأأأأأأأأأ ……..
عبدالرحمن :قل لا إله إلا الله وخل نتوكل ونشوف إن عجبنا شئ ولا رجعنا من غييير ما نشتري
سلطان:بس أخاف أمي تزعل إن شرينا من غيرها..
عبدالرحمن:إذا جبنا شئ وقالت ليش ما ليش خله صباحية المدام وجب أنت وأمي الشبكه ؟؟؟طيب !!!
سلطان :طيب !!!! توكلنا على الله ..
ولما جواا بينزلون قال عبدالرحمن لسلطان :يلا تنحنح وشف وش راح يسوون !!
سلطان بأول الدرج: يـــــــــــــــــــــــــــا ولد يـــــــــــــــــــــــــــــاولد طريق طريق !!
عبدالرحمن :إيه كذا خلك رجال ..ههههه
ام عبدالرحمن: تفضل ياااااوليدي حياك محد في طريييقك حياك حياك…
نزل عبدالرحمن وسلطان ..وقالت ام عبدالرحمن:هلا والله بعياااالي هلا فيييكم وغلا ..
سلطان :الله يحييك ويبقيك ..
عبدالرحمن: يمه حنا طالعين الحيين تبين شئ ؟؟
ام عبدالرحمن :وين طالعيييين ؟؟
سلطان :السوو……
عبدالرحمن ضرب سلطان على رجله وقال :السوبرماركت يمه ..السوبرماركت ..بنجيب شويت أغراض ناقصتنا وراجعين إن شاء الله ما راح نطول ..
ام عبدالرحمن : الحافظ الله … مع السلامة …
وطلع عبدالرحمن وسلطان وهم في الطريق رايحين للسياره قال سلطان: ليييش ما تبغى أمي تدري ؟؟
عبدالرحمن : يا ذكي لو درت وين حنا رايحين كااان ما شفتنا طالعييين للسياره تعرف الوالده الله يخليها لنا ..
سلطان : بس على الاقل كان ما كذبت مو أحسن ؟؟!!!!!
ولأنه عبدالرحمن مو مررره مع سلطان حاااول يضيع الموضوع وقال :خل نرووح نسلم على أبوي !!!!
سلطان :وينه فيه ؟؟؟
عبدالرحمن :في الخيمة وعنده رجال ..
وراااحوا لم الخيمة الفخمة الكبييره ودخل عبدالرحمن ..ابو عبدالرحمن(فهد) قال: هلا والله بولدي ..
وراح عبدالرحمن سلم على رااس ابوه وكان ابوه جالس وبعدييين سلم على الرجال اللي عنده و ابو عبدالرحمن ما شاف سلطان لحد الأن بس لما شااافه قام على طوول ووقف وقال:هلا والله ومرحبا ومسهلا وش ذا الوجه اللي طل علينا ما شاء الله …وراح على طووول لم ولده سلطان وسلم عليه وقال : هلا بوليييدي وش لونك وانا ابوك عساك بخير ؟….. وكان سلطان واقف في اول الخيمة وجوا الرجال وسلمواا علييه وجاء ابو عبدالرحمن ومسك بيد سلطان وجلسه على الكنب وقال: هااااه يا وليدي بغييت شئ؟؟ نااااقصك شئ ؟؟؟
سلطان يتحسس وجه ابوه وباس راسه وقال:خييرك واصل الله يحفظك لنا ..
ابو عبدالرحمن: الله يجزاك خير ويفتحها عليك وين ما تروح ..
عبدالرحمن :يبه حنا طالعين للسوق الذهب قلت خل نشوف شئ إن كان عجبنا شئ ,,
ابو عبدالرحمن :إيه إيه هوووو أكيد إن شاء الله بيعجبكم شئ بس عاد إذا جبتوااا شئ وروني إياه ..
سلطان : أفا عليك بس يا أبوي لا توصي حريص ..
عبدالرحمن يمسك بيد سلطان ويقول :يالله نشوفكم على خير … سلام عليكم
وهم طالعيين من الخيمة لحقهم ابوه( ابو عبدالرحمن )قال لسلطان :معك فلووس
سلطان: أأأأأأأأأأأأأأ وطلّع البوك علشان يخلي أبوه ولا أخوه يطالع ويشوف إذا فيه فلوووس بس ابوعبدالرحمن على طووول قال: خلاص خلاص ما يحتاج _ودق على مدير أعماله وطلب منه يحول "مبلغ" على بطاقة الصرف حقت سلطان _وقال: حولت لك الفلووس ..
سلطان : الله يغفرلك يبه ما يحتاج والله… أن شاء الله إنه معاي وبيكفيني ..
ابو عبدالرحمن : لا لا لا معليش خذها إحتياط ما تدري وش الاسعار بتصير ..
سلطان : الله يخليك لنا يا أبوي….
عبدالرحمن : اللهم آآآآآآآآآآمين هههههههههههههههههه
ابو عبدالرحمن: تراهم طايحين بالألماس المذّهب لا تجيبون من الذهب الأبيض…
سلطان+عبدالرحمن: ما شاء الله وش ذا الخبره ؟؟!!!!!
ابو عبدالرحمن:ههههههههههههه كل هذا سوات أمكم وصرت أفهم بالمجوهرات ..
يالله موفقين إن شاء الله وتلاقوون اللي تبوون ..ودخل ابو عبدالرحمن للخيمة عند الرجال اللي عنده …….
وعبدالرحمن وسلطان كانت هذي أول طلعه لهم سوا من زمااااااان لأنه ما كان فيه ترابط بينهم قوي مثل اللي بين سلطان ومحمد وكان سلطان مبسووووووووووووووط بس مو مبين عليه وراحواا للقرااااج ـــ بيت السيارات ـــ علشان ويروحوون للسوق وجاء لمّهم "خليل" وهو السواق الخاص لسلطان ودليله وصديقه وكان دائماً يعرف يتصرف بالمواقف الصعبة و فاهم لسلطان و على الطاير يلقطها ويفهمها …
خليل : مرحبا طال عمرك >>>ويمسك بيد سلطان ويقول : وين رايحين الله يعزك ؟!!!
ويفتح خليل باب السيارة ويساعد سلطان على أنه يركب السيارة وصكرباب السيارة وراح يفتح الباب لعبدالرحمن ….وركب
وقال :ما قلتلي طال عمرك وين رايحيين ؟؟!!!!
سلطان : بنروح إن شاء الله لسوق الذهب علشان نشوف إذا فيه شئ عليه الكلام نشتريه …
خليل : الله يقويك ..وإن شاء الله بتلاقي اللي تبيه !!…
سلطان : بس أبغى ذوقكم بصراحه ولا تجاملون خل نشوف لنا شئ عليه الكلام ..
عبدالرحمن : لا تخاف إن شاء الله ما راح نجامل ولا شئ ,, وبنأخذ اللي نشوف أنه مناسب بإذن الله …
سلطان : يوووووووووو على طاري" اللي نشوفه" ذكرتني ..تؤ… يـــــــــــالله …
عبدالرحمن: وش فيك وش نسيت ؟؟!!
سلطان: نسيت أحظر الدورة يــــــــــــالله !!!!
عبدالرحمن: أي دورة ؟؟؟
سلطان: دورة "إبداع الظلام للمكفوفين" تدري فيني أحب النحت ..
عبدالرحمن:الله يرجك روعتني ..أنا قلت نسيت شئ مهم ..الله يرحم لي والديك يالرومنسي ..أجل نحت هااااه ..
سلطان: ههههههه وش دخل الرومنسية بالنحت …شكلك فاهم غلط..
وبعد لحظات وصلواا للسوق ونزل خليل وفك الباب لسلطان ومسك بيده ودخلوا السوق وكان عبدالرحمن متوتر مو عارف طبيعة سلطان وكيفية التعامل معه وخصوصاً في وضع مثل كذا !! هل يخلي "خليل" هو اللي يمسك بيده.. ولا هو اللي يأخذ بيد أخوه.. ولا يتصرف على سجيته.. ولا يخاف يجرح شعور أخوه بكلمة من غير ما يقصد ..ولا ..ولا ..ولا .. وكانت هاذي الأفكار اللي تدور برأس عبدالرحمن …
وبعد كذا دخلوا محل من محلات المجوهرات ومالقوا مطلبهم وطلعوا من المحل وقال عبدالرحمن:راح أدق على وااحد من الشباب متزوج من قريب وفاهم بهاذي الحركات ونشوف وش يقول ؟؟؟!!!
سلطان :يلا وقلي وش يقول ..
عبدالرحمن: طيب … هلا والله ومرحبا ..كيف الحال وش علومك ؟؟
لا لا حنا بخير والحمد لله …. لا بس أنا عندي سؤال كذا على السريع ؟؟
ما يآمر عليك عدو ..الله يسلمك. أقول ذكرني بـ المحل اللي جيت مره منه وما وقفت مدح عنه ابد
إيه إيه حق المجوهرات …وشو ؟؟! وش أسمه إيييه إيييه طيب ,,طيب ,,خير إن شاء الله
يلا أجل ما أطول عليك .. سلام عليكم ..
سلطان :هااااااه بشر وش قال ؟؟!!!
عبدالرحمن : قال أسمه "لمسة أنوثة " للمجوهرات .
سلطان :طيب المحل هنا ولا لأ ؟!!!
خليل : لحظة يا طويل العمر خل أروح وأسأل ,,,رجع خليل وقال:يقول راعي المحل هاذا إنه قدام شويتين بعد !!!!
سلطان :ههههههه حلوه شويتين !!!!
عبدالرحمن: يلا يلا مشينا ’’’
ولما وصلواا للمحل قال خليل :هنا الله يعزك المحل _ ووجه سلطان للمحل ودخلواا ولحقهم عبدالرحمن على طووول وجلس سلطان على الكرسي_ وجاء عبدالرحمن وقال:يااخوي نلاقي عندك أطقم ألماس ممكن تكون لـ " شبكة "..
راعي المحل : اكيد اكيد بس لحظة أطلع لك الأشكال وأنت أختار _ولما طلع الأشكال وفرجهم لخليل وعبدالرحمن سأل راعي المحل عبدالرحمن وقال : ميين العرييس أنت علشان تختار على ذوقك ؟!!!
عبدالرحمن تضايق من الموقف السخيف وما عرف وش يرد وسكت …….
خليل على طوول تدارك الموضوع وقال:ما عندك غير هاذي الأنواع ؟؟؟
راعي المحل :لا والله هاذي كل اللي عندنا ممكن أنت ترسم وإحنا نفصل على نفس الرسم اللي أنت رسمتة …
خليل : لا لا لا خلاص خلاص _ومسك بيد سلطان وطلعواا من المحل من …. وبعد مسافة ماهي طويل ابداً قال خليل:هاذا المحل شكله زيين خل ندخل ونشوف _وفعلاً دخلواا لهاذا المحل وكان أختيار موفق لخليل وفي المحل أشياء جديده ورائعه …
عبدالرحمن : الله وش هاذا المحل والله أنك جبتها يابو خليل …ههههههه
سلطان والفرح ما لي قلبه : لقيتواا شئ ؟!!!
خليل : وش رايك يا عمي عبدالرحمن بهاذا الطقم _وأشر على طقم من العود الأصلي ومحفر عليه للألماس الأبيض بس كان من جد غرييييب و رائع …
عبدالرحمن: وااااااااااااااااو وش ذا الشكــ ……._ بعدين سكت فجأة وحس أنه غلط في حق سلطان بهاذي الحركه وأختبص وما عرف وش يسوي_ وقبل ما يكمل
تكلم سلطان وقال:وش فيك ما عجبك الطقم ؟!!!
خليل : خذ طال عمرك وشف أنت وش رايك ؟؟
_ومد خليل لـ سلطان الطقم اللي كان موجود بعلبة فخمة وحطه له على الطاولة اللي قدام سلطان وأخذ خليل يد سلطان وحطها على الطقم … سلطان يمشّي أطراف أنامله على الطقم بكل رقه ويحاول يتخيل الشكل اللي قدامه بس كان شوي صعب عليه ..وبعد فتره من تحسس سلطان للطقم قال:والله إن اللي إنرسم في بالي جميييل ويعبر بس أنا أبغى رايكم فيه ..
هاااااااه يا عبدالرحمن وش رايك فيه ؟؟
عبدالرحمن يطالع خليل ويأشر بيده وكان يقول "وش أرد وأقول"…خليل أشر لعبدالرحمن"أنه عادي قل رايك"… وقال عبدالرحمن:والله أنه زيييين وأنا متأكد أنه راح يعجب أمي..!!!
سلطان: وأنت يا خليل ؟؟
خليل : والله يا طويل العمر أن رأيي من رأي العم عبدالرحمن..
سلطان :أجل نتوكل على الله ؟!!!
خليل :نتوكل ولا يا عمي عبدالرحمن ؟؟!!!
عبدالرحمن مو عارف كيف يتصرف !!: إيه إيه نتوكل على الله ونشتريه ..
سلطان : أجل على بركة الله خل نروح يا خليل الله يجزاك خييير ونحاسب عليه..
عبدالرحمن: طيب أنا عن إذنكم شوي …ترا أنا عند الباب ما راح أطول _وطلع عبدالرحمن من المحل وطلع جواله ودق على أخوه محمد بما أنه أقرب الناس لسلطان _
عبدالرحمن: الو _بصوت خافت وخايف _
محمد: هلا وش فيك ؟؟
عبدالرحمن : أقول أنا متورط ومو عارف وش أسوي ؟؟!!
محمد: خيير إن شاء الله عسى ما شر ..
عبدالرحمن:أنا الحين طالع مع سلطان للسوق علشان نشتري لشبكتة و….
محمد: طيب وين الورطه في الموضوع ..
عبدالرحمن :أنا ما عرفت أتصرف مع سلطان وش أسوي ؟…..أمسك يده ؟؟…..أخلي خليل يمسك بيده ولااا كيف أتكلم مررررررررره مو عارف ولا شئ…
محمد:ههههههههههههههههههههههههههههههههههههههههههههه ههههههههههههههههههههههههه
والله أنك داج وما عندك سالفة الحييـ………..
عبدالرحمن: تدري الشرهه مو عليك على اللي يدق عليك ..أنا خلني أشوفك وأنواع الطق وتشوف..
محمد:لا والله اني صادق أنت مره مكبر الموضوع خلك كوووول معاه لا تتحفظ أبد في كلماتك..يعني شفت شئ صااار بالسوق وتبغاه يدري .. قله "تخيل وش صااار تو كانواا.."
وعلى طول كمل السالفة ولا تستناه يقولك "وش صااار " وأمسك يده تراه أخوك بس لا تمسك يده زي خليل ترا ما يحب أبد ذي الحركة وما في أحد يضبطها إلا خليل ….أنت بس أمسك يده عااادي كأنك تتمشى مع واحد من الربع وتذكر دائماً خليك كوووووووول على طوووووووول …..وبس هاذي أهم القواعد ..
عبدالرحمن: طيب طيب يلا سلام عليكم ..
محمد: سلام ..
ودخل عبدالرحمن داخل المحل وكان خليل واقف مع سلطان عند المحاسب علشان يشترووون الطقم ولما سأل سلطان عن السعر قال راعي المحل:70 ألف وتسع مئة وتسعين ..
ضحك ههههههههههههههه سلطان وقال : ما بقى إلا عشرة ريال وتصير 71 ألف ..
وطلع البوك ومده من لخليل وأخذه خليل وقال: طال عمرك نكتب له شيك ؟؟!!
سلطان :لا لا ..الوالد توه محول لي فلوس على البطاقة ..أسحب منها..
خليل:على أمرك…_وطلع البطاقة ودفعوا المبلغ..
جهز لهم راعي المحل الأغراض وحطها بكيس حلووو وراقي وجوا بيطلعون ومسك خليل بيد سلطان وجاء بيمشي قال عبدالرحمن: لا لا لا أنا راح أمسك سلطان خذ أنت يا خليل الكيس ..
ومسك عبدالرحمن يد سلطان…. ومن الفرحة… سلطان قبض على يد أخوه عبدالرحمن بقوه ومررره مبسوط ..
سلطان:هه ههه هههه ههه ههه ههه "ضحكات خفيفة مو واضحة وغير مفهومة "
عبدالرحمن: يــــــــــــــــــــــــــــــــــــــــا الله وش ذا الطق تخيل وش فيه قدامنا ..أثنين يتطاقووون من قلب وااااااو والله عفسواا بعض يؤ يؤ يؤ يؤ الحمدلله على نعمة العقل الحمدلله ..
سلطان : هههههههههههههااااااااااي
عبدالرحمن: خل نروح من هنا أسلم لنا …
ويوجه سلطان للإتجاه اللي راح يسلكونه ..
وسبقهم خليل على أساس يشغل السياره ويحميها..ولما وصلوا وركبوا راحوا للبيت..
ورجعوا للبيت وكان عبدالرحمن مستانس من اللي قدر ينجزه في السوق مع أخوه… وسلطان مبسوووط من اللي أشتراه "مع أنه ما شافه" وأول ما وصلت السياره لداخل البيت قال سلطان :بسررررررعه تكفى يا خليل أفتح لي الباب متحمس أوريهم وش جبنا ..
خليل :سم طال عمرك ..ونزل من السيارة وبسرعه فتح الباب لسلطان ونزله من السياره وجاء بيوصله لحد باب البيت الداخلي بس جاء عبدالرحمن ومسك بيد سلطان وقال: خلاص يا خليل أنا أوصله ,,,ويضحك عبدالرحمن على خليل ويقول :ههههههههههه طاح كرتك خلاص جيت أنا هههههههههههههه
سلطان : لا خليل يدري مين ما جاء ما يطيح كرتك ..ولايابو عبدالله >>هذا لقب خليل..
خليل : والله إنك فوق الراس والعين طال عمرك بس العين ما تعلى على الحاجب …
وضحكووواا ….دخل سلطان وعبدالرحمن داخل البيت ولما دخلوا لقوا ابوعبدالرحمن
وام عبدالرحمن وأمل ومحمد جالسين في الصالة وراح عبدالرحمن وهو ماسك بيد سلطان ودخلوا عليهم ….
ام عبدالرحمن:هلا والله وغلا بوليدي هلا بروحي وعيوني ..تعال تعال وأنا أمك أجلس عندي وبعدت عن أبو عبدالرحمن علشان سلطان يجلس بينهم ..
سلطان لف على أبوه وباس يده..ولف على الجهه الثانية ومد يده… إلا ويد تحيط فيه وتظمة لصدر حنون وكانت هذي ام عبد الرحمن وقالت:آآآآآآآآآآآآآآآآه من هاذا الولد ….
سلطان :سلامات عسى ما شر؟؟؟؟؟ ههههههههههههههههه
محمد: لا تقعدوون تتغزلون بولدكم وبس ، ودنا نشوف اللي جابه معاه من السوق ..
ام عبدالرحمن: هاااااه من السوق ؟_وتضرب كتف سلطان_وراه رحت للسوق وأنا أمك ؟؟ووش جبت معاك ؟
عبدالرحمن:جبنا طقم وااااااااو من جد عليه الكلام …
ام عبدالرحمن:هااااه طقم لييييه إن شاء الله لخطيبة سلطان لا والله ابداً ما راح تخلون هاذا الطقم شبكة البنت !!!
سلطان: يمه الله يرضى عليك أنت بس شوفيها وبعدين أحكمي وأنا أبداً أبداً ماراح أعترض على حكمك ؟؟؟طيب ..
ابو عبدالرحمن: يلا يلا عاااااااااد يا قلبي والله ما تردين ولدنا !!!
ام عبدالرحمن: طيب أشوف وأحكم !!!
ولما طلع عبدالرحمن الطقم من الكيس أعطاه لسلطان علشان يوريهم …ومسكه سلطان وقطع شوي من الكرتوون علشان ما عرف يفكها وكانت الأم ودها تساعده بس أشّر لها أبو عبدالرحمن أنه "خليه يحاول" ..
وفعلاً حاول يفهم وشلون هي مسكره وفتحها لهم ..
أبو عبدالرحمن: ما شاء الله ,,,,,ما شاء الله ,,, وش ذا الزين لا حول ولا قوة إلا بالله
أم عبدالرحمن: أشوف إيه والله ما شاء الله من جد عرفت تختار يا وليدي ونعم فيك والله ..
عبدالرحمن:محمد هااااااه وش رايك عاد أنت رايك مهم ..
محمد حس أنه كشخة: أحم أحم ,,,أأأأأ أنا من وجهة نظري أنه لو صار اللونيـ..ههههههه
عبدالرحمن:تكلم زي الناس لأصكك بكف …مسويلي فيها "أنا وجهة نظري"طيب يا وجهة نظري..أخلص علينا ..
محمد:أعوذ بالله يا أنت عصبي الله يعينك …لا والله يا سلطان صدق عرفت تختار ما شاء الله ..يلا الله يوفق ويتمم على خير
سلطان بعد ما تأكد أنه سمع أغلب الآراء قال: عاد تبغوون الصدق مو أنا اللي إخترتها شافها خليل وعبدالرحمن أخوي وعجبتهم وقال خليل أنها حلووه وأنه لازم أمسكها علشان أتخيل الشكل وصدق مسكتها وحاولت أتخيل شكلها بس ما قدرت لانها شوي صعبة على واحد كفيف …فقلت لهم أنها حلوووه وهاذا بناء على آآرائهم من قبل ورسينا عليها وتوكلنا على الله وجبناها >>>يعني لا تنسبووون الذووق لي وأنا حتى ما شفتها هههههههه بس حبيت أوضح هذي المعلومة ….. ….
بعد كلام سلطان التفتت أم عبدالرحمن وأبو عبدالرجمن ومحمد وأمل إلى عبدالرحمن ينتظرووون تفسيير للوضع وكأنه الكورة صارت في ملعب عبدالرحمن!!!
عبدالرحمن:………….انواع الصمت مو عارف وش يقول بعدين تذكر كلام محمد له لما قال"خليييك على طبيعتك" قام وجلس جنب سلطان ومسك يده بقوه وقال …سلطان أنااااااااا …..أناااااااا
أسمع أنت كنت مصدرإلهام لي في كل شئ كنت أسويه في حياتي …كنت مثال للكفاح ومثال للإنسان النبيل اللي همه على طوول إسعاد الآخرين ومثال لـ الترفع عن الدنايا ومثال للحب الصادق الجامع لكل معاني الرقه والعذوبه ومثال للتواضع والتسامح ومجاراة الآخرين في أهتماماتهم …..يعني أنا بالنسبة لك أخوك الكبير… أما أنت بالنسبة لي ولكل أخواني …. مدرسة كبيره نتعلم منها كيف نصيير مكافحيين في هذه الحياة المؤلمة ,وكف البصر هو اللي زاد من بصيرتك وعلمك في الحياة… وأنت تشوف….. تشوفنا بقلبك …تشوف كل اللي حولك بقلبك وإحساسك فيهم …وهذا يدل على كمال الشخص إذا تجنب الصوره وعمل بالإحساس لأنه الأصدق …وأنت مو ناقص عنا بشئ أنت كامل بأخلاقك وأسلوبك وكفاحك مع الحياة ,,,مولأنك ما تبصرنا تكون غير عنا !!!كلنا ما نبصر وقت الغضب .مو لاننا ندلك على الطريق تكون غير عنا !!!كلنا نضيع عن الطريق الصحيح ونرجع له .مو لأنك ما تمشي إلا إذا أحد معاك ويدلك تكون غير عنا!!!كلنا نحتاج لصحبة في روحاتنا وجياتنا…….
أنت يا سلطان أخوي الكفيف!!!بس تدري يا سلطان بعد اللي قلته منهو اللي فعلاً أصبح كفيف؟؟!
كانوا كل الأهل متنحييييييييييييييييييييييين بقوه وسارحييييييييييييين في كلام عبدالرحمن لأنه فعلاً
كلام له وقع وأثر على النفس وكل واحد هاااااايم بأفكار عبدالرحمن من وجهة نظره ..وكل واحد وردة فعله … ولما خلص عبدالرحمن _ و طووول ما كان يتكلم كان منزّل راسه وماسك يد سلطان بقوه _ رفع راسه ولف على سلطان ..
طبعاً سلطان ما قدريستحمل هذا الكلام وفك نظاراته ومسح الدموع من عينه وحضن عبدالرحمن ..
ابو عبدالرحمن:كفو كفو والله يا وليدي قلت كلام أنا ماقدرت أعبر عنه .._ وباس جبهة عبدالرحمن _..
ام عبدالرحمن:………………بس تصيح من غير صوت وحاطه يدها على ظهر سلطان ..
محمد عجبه الكلام بس ما أيد هذا الوضع وما حب انه عبدالرحمن يفتح موضوع زي كذا..
أمل فاتحه فمها مو مصدقه الصراحه الحلوه اللي تكلم فيها عبدالرحمن عن حالة سلطان
أمل:…..انواع الصمت والتفكير في رد على موضوع مثل هاذا ؟!!!!!!
سلطان بعد الحضن :أنا ما قد تخيلت أنه فيه أحد ممكن يصارحني بهذا الأسلوب أبداًً…بس كان أسلوبك مؤثر جداً ,,,,,أنا الحين فعلاً مو عارف أعبر عن أي شئ بداخلي فأفضل السكوت!
بعد وقت قصيير هدأ الوضع في الصالة وتأخر الوقت وجاء أبو عبدالرحمن قال: يلا أنا أستأذنكم تأخر الوقت ولازم أروح أنام وراي بكره مستشفى _جاء وباس أمل على جبهتها وأخذ
أم عبدالرحمن معاه ..
أمل راحت وجلست جنب سلطان وحضنته من ورا ظهره وقالت تهمس بإذنه : كل الكلام اللي قاله عبدالرحمن صحيح وعن جد ينطبق علييييك … وباست على راسه وطالعت الساعة وركضت لغرفتها..
محمد جاء وجلس جنب سلطان وكان سلطان بالوسط بين عبدالرحمن ومحمد ولما حطواا يدينهم على ظهره وكأنهم يواسونه ….حزن حزن حزن وما تحمل ..ووقف وقال :أنا طالع انام..
محمد: الله يهديك وش فيك ؟؟؟!!!!!!
سلطان:ما فيه شئ بس أبغى انام ؟؟!!
عبدالرحمن: طيب روح نام..تصبح على خييير ..
سلطان:وانت من أهل الخير ..
محمد: لا لا وش دعوه ما جلسنا سوا ..
سلطان : انا بروح أنام أحس أنه من زمان ما نمت وأحس إني مرهق ..
محمد:أجلس و خل نشوف أمور زواجك وملكتك ونتكلم فيها ..
عبدالرحمن: إيه والله ودنا فيك بس ما أبي أضغط عليك ..
سلطان:والله حمستني بس من جد ما اقدر لازم اروح أناااااااااااااااااااااااااااااااام ..
محمد:طيب على راحتك مع انه ودنا انك تجلس معنا ….بس عاد فيك النوم ..
سلطان: يلا تصبحون على خييييييير…. محمد لا تنساني ..قومني لصلاة الفجر طيب ؟!!
محمد:على أمرك ..ههههههههههه
وقام وطلع من السلم الكهربائي لغرفته … ودخل الغرفة ورما بجسمه على السرير وتنهد تنهيده طوييييييييييله وفك النظاره …ورمى العصا البيضاء….وبكى بكى ..ما يعرف ليش يبكي ومن البُكى نااااااااااااااااااااام