✿✿هديتى (الكيك الإسفنجى بالشوكولا والشوفان وببيضه واحده بس ؟؟؟؟؟ 2024.

السلام عليكم و رحمة الله وبركاته

بعد وصول الضيف الأول اللى جه من طرف لولو
وبعتوه مشرفات ركن الحلويات قولت دا ضيف عزيز لازم نستغله عشان ما يمرش الإسبوع و ما نضايفوش
فكرت فى افتكاسيا من افتكاساتى بس والهى طلعت رهيييييييييييييييبه

كيكه وفيها بيضه واحده بس مممممممممممم؟؟؟
المقادير:
2 كوب دقيق
ربع كوب شوفان
نصف كوب كاكاو بودره
كوب وربع سكر
ملعقه كبيره الا ربع بيكنج بودر
ربع ملعقه كبيره بيكنج صودا
2كوب زبادى
كوب الا ربع زيت او سمن
بيضه واحده مع فانيليا

للتزيين:
كريم شانتيه
صوص توفى او اى صوص ترغبين

الطريقه
ننخل الدقيق مع البيكنج وبعدين نضيف الشوفان و الكاكاو الزيت و السكر و نقلبهم جيدا الخليط غير سائل مفتت نضيف البيضه و الزبادى ونحضر قالب مبطن بالدقيق و الزيت ونفضى باقى الدقيق منه ونصب الخليط و نسخن الفرن على 180 قبل دخول الكيك بعشر دقايق وما نفتحشى الفرن الا بعد مرور 30 دقيقه على الإقل عشان ارتفاع الكيك وتخرج و نسيبها تبرد و نبدأ بالتزيين
نشوف الصور