هنبدأ باذن الله دروس المستوى الأول للغه الانجليزيه وباذن الله هتبقى هنا في الموضوع ده
طبعا الاشراف الكلي لأساتذه وموجهين من مصر في اللغه الانجليزيه
أنا فكرت اني أبدأ المستوى الأول من نطق الحروف
لكني لقيت ان العديد من الدروس اللي اتعملت قبل كده في المنتدى شملت النقطه دي واستوفت فيها
فلو حد حابب يراجعها أنا ممكن أعمللها اقتباس هنا أو أحط لينكبعض الموضوعات دي
فقررت بعد اذنكم طبعا اني أتخطى نطق الحروف مبدئيا
نبدأ بقى الدرس الأول على بركة الله
جملتنا العربيه بتتكون من فعل فاعل ومفعول به
وفي النصوص البلاغيه يستحسن بناء الجمله بنفس الترتيب ده
يعني في التعبير كانوا يقولولنا الجمله الأقوى هي التي تبدأ بفعل مضارع
نيجي بقىللجمله الانجليزيه
فبتتكون من
فاعل ، فعل : و مفعول به
طبعا زي مافيه جمل عربي ليها ترتيب يشذ عن القاعده فأكيد فيه جمل انجليزي بتشذ برضه عن القاعده لأن لكل قاعده شواذ
English is a Subject-Verb-Object (SVO) language – meaning that sentences are made with the subject first, then the verb, and finally the object
subject=فاعل
verb=فعل
object =مفعول به
نبدأ نتكلم عن الفاعل
الفاعل ده ممكن يكون اسم انسان أو جماد أو حيوان
وممكن يكون ضمير وطبعا وظيفته بيوضح من قام بعمل الفعل
مادام جبنا سيرة الضمير تعالوا نراجع الضمائر مراجعه سريعه" طبعا بتكلم عن ضمير الفاعل "
Heهو …………………> Theyهم
Sheهي ………………..>Theyهم
Itهو أو هي لغير العاقل …………>Theyهم
اتكلمنا عن ضمائر الفاعل أو personal pronoun
ومادام جبنا سيرتهم لازم نعرف بعض أحكامهم
الأحكام بتتلخص في حاجتين أحكامهم مع الأفعال المساعده
وأحكامهم مع الأفعال العاديه
وده اللي هناخده المره الجايه باذن الله مع بعض الحاجات التانيه
ابقوا معنا
ملحوظه لو حد الدرس صعب عليه أو فيه حاجه مش مفهومه ياريت يكتب كده 
لو حد شايف برضه ان مستوى الكورس بطئ يقول 
ولو حد مش عاجبه المدرس اللي بيشرح يبلغ الموجه عنه في أول فرصه
ملحوظه مافيش دروس خصوصيه 
انا معاك اول بأول وجدااااا مهتمة
ويشرفني اكون اول وحدة ترد عليك,,,
جزيتي خيرااااااا…
كتبت بواسطة @ze_ze@ 
انا معاك اول بأول وجدااااا مهتمة
ويشرفني اكون اول وحدة ترد عليك,,,
جزيتي خيرااااااا…
جزانا الله واياكم خيرا باذن الله
ومنتظره رد فعل باقي الاخوات اذا كانوا مكتفيين بالجزء ده ولا انزلهم جزء كمان
يعني لو اني ما اخطات كنت انتقلت لمستوى اعلى
كمللللللى واعطينا جزء اكبر شوى بالواجب عشان نصير متحمسين اكثر
انا ممكن اغيب عنك بس هاحاول ادخل كل يوم ان شاءالله عشان ظروف مرض زوج اختى الله يشفيه يارب
كتبت بواسطة omamaal خلاص أوك
وأنابخصمهم من الواجب بقى
تنوريني يا أم أمال
كتبت بواسطة حازمه يعني لو اني ما اخطات كنت انتقلت لمستوى اعلى
الخيره فيمااختاره الله
على فكره فعلا هتلاقيفي الاعاده افاده وهتعرفي حاجات ممكن تكوني كنتي ناسياها