طبعا الاكلة هادي من الاكلات الليبيه
واكله حلوة بجد
وحلوة لضيوف
المقادير والطريقه
الصراحه ماعنديش مكيال محدد
لحم مفروم وبصل مفروم ومعدنوس مفروم
يتخلطو مع بعض
ونضيفلهم ملح وقرفه و القليل من معجون الطماطم والفلفل الاحمر البودرة
ويتخلطو كويس ونضيفلهم بياض بيضة ونعجن العجينه
ولو حسيت العجينه لزجه ممكن اضافه القليل من الدقيق او الخبزة المرحيه
وبعدين ناخدو فلفل حلو ونغسلوه كويس
ونقصوه شرائح مش رقيقه كتير يعني ممكن علي قد الاصبع
ونضع بوسطه الحشوة السابقه
تم نضعه في بيضه مخفوقه تم في خبز مرحي و يقلى في زيت
تم يوضع في طاجين ويوضع عليه شريحه طماطم وجبنه ويزين بزيتونه ويوضع في فرن
حتى تدوب الجبنه
ويقدم
وهده الصورة
سامحوني يا بنات ماصورتش الخطوات
لاني كنت بروحي في البيت وايديا مشغولات
ان شاء الله تعجبكم
هذة الوصفة مثل الكفته البانيه عندنا حتى قليه فى الزيت
أى بدون وضعه فى طاجن و دخوله الفرن هذا فكرته جديدة و جميلة
سوف أجربها إن شاء الله
أشكرك
سلم اليدين اللي داروها
ودكرتيني يوم كليتها عندك كان خاطري انزيد طريف
تحشمت يومها توا هاتي الصونيه كلها ههههههههه
ساطبقها ولكن في الفرن بدل القلي
سلمت وسلمت يمناك
والله انا لما تعلمت الطريقه من الاخت الغاليه جباليه علي طول عملته
وهذا شغلي
اممممممممممممم شكلللللللللللللللله شهي بشكل رائع