لانه هون انا تعلمت كل اشي ماكنت اقدر اعمله
وهون تعرفت على احلى صبايا وعلى احلى مشرفات
انا بهاد المنتدى ابتديت احب اعمل كل اشي
هاي الكيكة طيبة كتير وكتير سهلة ومابدها شغل
علبة جبنة فيلادلفيا او 12 حبة جبنة كيري يعني 225 غرام
بيضة
فانيلا
ربع كاسة سكر
بنخلطهم بالخلاط منيح وبنحطهم على جنب
1ونص كاسة سكر
كوب ماء
نص كوب بودرة كاكاو مرة
نص كوب زبدة او اصبع زبدة
3 بيضات
ملعقة فانيلا
1وربع ملعقة بكنج باودر
ملعقة صغيرة كربونة
بنضيف البيض وحدة وحدة مع الفانيلا
وبنضيف كوب الماء وبنخفق
وبنضيف الطحين وبنخفق
بطلع الخليط عنا جامد
بنحط تلات ارباع الخليط بالقالب ونضع مقادير الحشوة بالنص
وبعيدن بنضيف باقي الخليط
مش مشكلة لو ماتغطى كل الخليط الابيض بس تستوي الكيكة بتصير الحشوة بالنص
لي عودة ان شاء الله
بتجنن
الله يعطيك العافية
باين عليه روعة
بس راح خليها للي بعدي
مابدي وزني يزيد
الله يعطيك العافية وصاحبة الوصفة الاصلية
هاي الوصفة كنت ماخدتها من كتاب طبخ فلسطيني لسهام بغدادي
ولقيت كتير صبايا هون عاملينها بنفس الطريقة
المقادير
4 كاسات حليب سائل
تلات ارباع كاسة سميد
نص ملعقة صغيرة مستكة مطحونة مع شوي سكر
ملعقتين سكر للتحلاية
معلقتين قشطة
بيضة مخفوقة مع فانيلا
للتزيين كريما مخفوقة مع معلقتين قشطة
وفستق حلبي
وكرز اختياري
الطريقة
نضع الحليب والمستكة و السكر عالنار
وبس يدفى نض السميد ونحرك
والقشطة
بس يجمد الخليط نضع البيضة المخفوقة مع الفانيلا ونحرك
بنحطه بطبق بايركس او اي طبق لديك
انا حطيته بصحون صغيره
بنخليه يبرد ساعة زمان والافضل نغطيه منشان ما يجف وجه السميد
ونزينه بكريما مخفوقة مع القشطة
انا حطيت الكريما بكيس التزيين
نرش وجه الكريما بالفستق المجروش
وهاي الصور بتمنى تعجبكم
كيكة كتيييييييير طيبة وما بنشبع منها
وهي للاخت هند اللي يجزاها الخير
بس انا غيرت في المقادير
3 بيضات
كاسة سكر
كاسة الا ربع حليب سائل
4 حبات كيري ومرات بحط 3 حبات
وبتقدري تحطي لافشكري مش مشكلة
نص كاسة زيت
وكاسة طحين منخول مرتين مع بكنج باودر
انا بستعمل طحين خصوصي للكيك فما بحط بكنج باودر
بس بنخله مرتين
للزينة ربع علبة حليب مكثف محلى مع شوي زبدة
الطريقة بخلاط العصير
نضع البيض والفانيلا وانا كتير مرات بحط خل بعطي طراوة غير شكل للكيك
بنخفقهم منيح وبنحط الحليب الدافي والزيت والكيري
وبنشغل الخلاط عليهم 5 دقائق لحت يتغير لون الخليط ويصير ابيض
بنصب الخليط على كاسة الطحين وبنخفق بالخفاقة اليدوية
وبنصبه بصينية مدهونة
انا استخدمت قالب طويل دهنته بسمنة نباتية وطحين
هون بعد ما طلعت من الفرن شوفو لونها شو روعة ما شاء الله
بنحط الحليب المحلى على النار مع شوية زبدة وبنحركهم منيح لحد ما يدفى الخليط
وبنصبه طوالي الكيكة وهي سخنة
وهون بعد ما حطينا الحليب المحلى
هي كاتبة بالوصفة انه بتحمص جوز هند وبتحط عالوجه
بس انا يومها ما كان عندي
طعمها مميز كتييييييييير جربوها
كيكة منها وفيها
كتير صبايا جربوها هون بالمنتدى
وانا معتمدتها عندي وكتير زابطة معي الحمد لله
المقادير
كاسة زيت
كاسة سكر
كاسة ماء
بنحطهم بخلاط العصير
وبنخلطهم منيح
بنضيف عليهم 4 ملاعق حليب بودرة و4 ملاعق كاكاو باودر
بنخلطهم منيح كتير
بنشيل من الخليط تلات ارباع الكاسة وبنحطها بالتلاجة
وبنحط على باقي الخليط بيضتين وفانيلا وبنخلط
وبعدين بنصب الخليط على كاسة طحين منخلة مرتين مع بكنج باودر
وهاي صورة تطبيقي
انا عملتهم بقوالب مدورين وكتير طلع شكلهم روعة
انا هون زينتهم بالصوص تبعهم طبعا وبجوز مجروش
انتهى بحمد الله
بتمنى الوصفات يعجبو الغالية حنونة ويعجبوكم
ادعولي بالفرج القريب ان شاء الله
كتبت بواسطة ام مرمر و ليلو 
بتجنن
الله يعطيك العافية
باين عليه روعة
بس راح خليها للي بعدي
مابدي وزني يزيد
الله يعطيك العافية وصاحبة الوصفة الاصلية
الله يعافيكي ام مريومة ويخليلك اولادك يارب
هههههه خلص ما تاكي كله ولا الروجيم يخرب
تسلم ايدك
وربنا يشرح صدرك يااارب ويفرج كربك يا رب
يسلموا ايديكي عليهم وياريت الف صحه وهنا
الله يفرجها عليكم عن قريب
تسلم ايدينك الحلوة غاليتي
