هناك وصفة جربتها لنفخ الخدود وهو عبارة عن زيت خروع + زيت الحلبة
ماناسبتني وسوت بقع في وجهي فصار الوجه ما شاء الله (بقع + خدود مفشوشة)
الشكوى لله بغيت اكحلها عميتها المهم صارت سالفة
فقلت حسافة خليني استعملها للشعر
لان اصلا هذين الزيتين مكتوب للشعر واتكلت على الله واستعملته
لكن تفاجئت من النتيجة نعومة ولمعة للشعر قلت الحمدلله( خدود مفشوشة+ شعر حلو)
حشى معادلة رياضية
جربوا ماراح تخسروا وخبروني انا في الانتظار
ومعرووف زيت الخروع للشعر 
ماادري ايش الي صار يمكن عشان بشرتي حساس في البداية شعرت بحكة ثم ظهر لون غامق
او يمكن استخدمت زيت حق الشعر مو للبشره ..الله اعلم
لكن مو قاعده ان كل شي طبيعي ما يؤثر على البشرة انا مثلا لا يناسبني الليمون ولا البيض
المهم انك جزاك الله خير نبهتيني في موضوعك على ان هناك زيت الحلبة الخاص بالبشره
لكن استخدامي لهذه الوصفة من زمان ( قبل موضوعك بكثير)واستمريت على هذه الوصفة للشعر ووجدت نتيجة