قطايف حادقة تجنن ادخلوا وجربوا مشحتخسروا السلام عليكم ورحمة اللة وبركاتة
عندى ليكم عدة طرق للقطليف الحادقة جربوها صدقونى حلوة وشهية قوى
نبدأ بسم اللة
المقادير
قطايف سادة
الحشو
- لحمة عصاج عبارة عن(بصلة مفرومة فى ملعقتين سمنة حتى تتجدع ونضع اللحمة المفرومة وملح وفلفل وعند سويها وضعت ملعقة صلصة وفلفل اخضر مقطع صغير وقبل حشو القطايف بها وضعت عليها جبنة رومى مبشورة)
- خليط جبن(جبنة كيرى وجبنة بيضة حادقة او جبنة رومى وبسطرمة او جبنة رومى وجبنة بيضة)
- بيض مسلوق(بعد سلق البيض يهرس مع جبنة بيضة وزعتر)
المهم ان مشلازم تلتزمى بالحشوات دة ممكن حشو تانى على زوقك وممكن استغلال البواقى الموجودة فى التلاجة زى رقم 1 كان باقى عندى من الامس بعد ما حشيت بة صينية جلاش
وبعد حشو القطايف سواء واحدة واحدة على شكل هلال او اتنين على بعض شكل دائرة يمكن قليها قبل الافطار مباشرة والف هنا وشفا
وفى طريقة افضل من القلى اولا ادهن القطايف بالزيت وادخلها الفرن حتى تحمر وتستوى
كتبت بواسطة تغريد 
يسلمووووووو دياتك حبيبتي طريقة القطايف الحادقه غريبه وجديده
تسلميلى انت يا قمر
ماشاءالله عليك
شكلها بيفتح النفس
تسلم الأيادي
فكره جدييييييده
بانتظار المزيد من ابداعاتك
بالفعل طيبة مالحة .. عملنها مرة باللحمة والجبنة والخضار وبيتزا ..
يعطيك العافية .. ورمضان كريم
شكلها رهيب ماشاء الله
تسلمى يا عيونى