السلام عليكم ورحمة الله وبركاته
أحبتى
كل عام وأنتن بخير
أعاد الله عليكم الأيام المباركة بالخير واليمن والبركة
جاء عيد الأضحى وإنتهى بنفحاته الطيبة
وفى أول أيام العيد .. أستعد 
الذبح والتقطيع والتوزيع .. يالها من سعادة وفرحة
سأقدم اليوم وصفتين مشويتين إهداء منى للحبيبة وعود الخير
فهى تأتى دوما بالخير إينما تحل 
بادئ ذى بدء
نظرة عابرة للأضحية وهى تحتل مطبخى 
ورايا على الوصفات 
ستيك اللحم المشوى على الفحم
وصفة عشاءية ممتازة
بتبل اللحم فى الصبح ونشوى فى الليل تحت القمر 
و
التتبيلة بسيطة والطعم روعة
المقادير لـ 1 كيلو لحم
2 حبة طماطم
1 حبة بصل
2 حبة فلفل اخضر
1 حبة فلفل شطة
2 ملعقة صويا صوص
1 علبة زبادى
عصير ليمونة
فلفل اسود
كل المقادير بخلطها فى الكبة ناعم جدا
وبقطع اللحم شرائح سمك 1 سم واتبلها فى التتبيلة 12 ساعة وكل ما كانت المدة أطول كل ما كانت النتيجة أحلى
ملحوظة : لما بكون هاتبل لحوم او فراخ مش بضيف الملح فى التتبيلة لأنها بتنشف اللحم وبتخليه يتحرق بسرعة على النار
لكن بعمل التتبيلة بدون الملح .. وقبل الشوى مباشرة بضيف ملعقة كبيرة ملح على اللحم المتبل وهو لسة فى التتبيلة
وبكدة انا ماخلتش الملح يتفاعل مع انسجة اللحم ويسحب منها المية اللى فيها وينشفها
وهنا اللحم فى التتبيلة
وفى وقت الشوى
نجهز الشواية النونو بتاعتنا 
والشوى طبعا مسئولية محمد (الشيف التانى وعودى 
)
وهنا رصينا شرائح الستيك
بنقلبها بعد مرور 10 دقائق على الوش التانى
ونسيبها شوية علشان تستوى
النتيجة اممممم 
بألف هنا
الكفتة المشوية أو كفتة الحاتى
وليها طريقتين
إما تتشوى على الفحم أو فى الفرن ونبخرها بفحم بعد السوا
انا هاعرض الطريقتين بإذن الله
نصف كيلو لحم مفروم مع قطعة دهن (شحم)
وعليهم نصف كوب بقدونس مفروم
بصلة مفرومة ناعم
ملح وفلفل أسود
نخلط المكونات وبإيدينا نعجنها كويس
لو هاتعمليها فى الفرن
نشكلها على معلقة خشب
ونراعى يكون صباع الكفتة كبير لأنه هايكش ويصغر فى التسوية
ونرصهم فى صينية
ونرفعهم على نار وسط
هانلاحظ أنهم بينزلوا المية بتاعتهم
هانسيبها لغاية ما تشرب المية تانى
وبعدها ندخلها الفرن عشر دقائق بس علشان تتحمر وأول ما تطلع نبخرها بالفحم
أما لو على الفحم فبنشكلها على الأسياخ الخاصة بالكفتة
وهنا كفتاية لطشتها أثناء الشوى
اجهز سلطاتى
سلطة الطحينة
والجرجير حبيب ألبى
وطبق خضار بسيط
واجهز طبق التقديم
أعمل ورداية فى النص كدة
وأقدم الكفتة بألف هنا
بألف هنا
صحه وهنا على قلبكم يا قمر انا عاوزه اصباع الكفته مع الجرجير
تسلم ايديكى ياحبيبتى
السلام عليكم ورحمة الله وبركاته
ماشاء الله لاقوة إلا بالله
حفظك ربي وحماك
بالهنا والعافية
أنا السنة حجيت مع الوالدة وماعملت فطور العيد
طبعا كان الوالد وزوجي عزاب فعملوا الفطور مع بناتي في بيتي وفطروا مع بعض
طمنيني عن والدتك وسلمي لي عليها ربي يحفظها ويحميها وكل الأحباب
ما شاء الله تبارك الله
مشهي جدا ….
تسلم يدينك الجميليتين يختي 
تسلم الايادى حبيبتى
وكل عيد وانتى الى الله اقرب
السنه الجايه باذن الله تكونى على عرفات ونكون جمعا