الطريف فى الموضوع ان طريقته هى نفس طريقة الكيك الاسفنجى الا ان تشكيله بواسطة قمع الحلوانى الى وحدات على شكل اصابع و فرن 180 يجعله مقرمش و خفيف زى اى بسكويت بس للأسف ضعيف جدا تجاه الرطوبة لذا يجب الحفاظ عليه فى علبة محكمة الغلق حتى وقت الاستخدام , بس ما تتأخريش كتير.خاصة لو كنتى فى اسكندرية علشان الرطوبة المهم انه بعد كده بنبله بالقهوة و هو عنده قدرة فظيعة على الامتصاص لأنه اسفنجى فى الأول و الاخر!!!!!!
يالا على المقادير:-
-3 بياض بيض +3 م.ك سكر بودرة
-3 صفار بيضة+2م.ك سكر ب
-نصف كوب دقيق كيك "دقيق كيك يعنى 1 ك دقيق كيك = 1 ك دقيق عادى – 1م.ك دقيق + 1 م.ك نشا
– نصف م.ص فانيلا
-ثمن م.صcream of tartar
-سكر بودرة للوجه
الطريقة:-يضرب البياض حتى يصير كالثلج ثم يضاف له بالتدريج السكر مع الترتار
يضرب الصفار حوالى 5 دقائق مع اضافة السكر و الفانيليا بالتدريج حتى يصير لونه فاتح
يخلط الدقيق المنخول 3 مرات فى خليط الصفار و يقلب فى شكل 8 بالانجليزى و يمكن تخفيف الخليط بمزيج البياض
و يضاف البياض على دفعتين و يقلب بخفة حتى لا يخرج الهواء من المزيج , نضع العجين بحرص فى قمع الحلوانى و يشكل على صاج مفروش بورق الزبدة و يخبز فى فرن سابق التسخين على180 درجة , اه ممكن ترشى سكر بودرة على الوجه , و انتظرن منى التيراميسو الطلعة الجاية
tthp://www8.0zz0.com/2017/07/20/20/431326822.jpg
و هذه هى الصورة يالا اعملوه استعدادا لعمل التيراميسو علشان هتتعبوا لو عملتوا الاتنين فى يوم واحد
وشكرا لكم و على تفاعلكم معى
ألف شكر شهيرة جزاك الله كل خير
يعطيك العافيه يا غاليه
جزاك الله كل خير