امبارح بعد مما استجمعت شجاعتى قررت اجرب اعمل الفرخه المشويه فى الفرن بعد تردد لانى كنت خايفه احسن ماتستويش فدوخت ام نور معايا و جربت طريقتها اللى على الرابط ده₪موضوع متميز₪فراخ مشويه فى الفرن وصينيه لازانيا من مطبخ نور الهدى بالصور
و عملت معاها ارز بالكبد و القوانص
و بطاطس محمره و سلطه و كركديه بالتمر الهندى و كان الاكل روعه
و دى الصور
لو عايزين طريقه الرز اقولهالكم بس اصلكم ما شاء الله كلكم شاطرين
و بالهنا
رأيكم يهمنى
سلمت يداك شكلها بيشهى
ياريت تقولى طريقة الرز
شكرا يا ام مصطفى
بصى يا ميرو الرز بتجيبى بصله و تبشريها و تشوحيها بشويه سمن و تكون مقطعه الكبد و القوانص و نقعاهم فى شويه فلفل اسود و خل عشان الزفاره 10 دقايق و بعد كده تشطفيهم بميه و تحطيهم على البصله و تحطى توابل لحمه و جوزه الطيب وسنه قرفه لحد ما يدخلوا فى السوا 10 دقايق تقريبا و بعد كده تكونى غسله كوب ارز بسمتى او حسب حاجتك و تكونى نقعاه فى شويه ميه دافيه و ملح و تصفيه و تضيفيه للكبد و القوانص و كل كوب حطيله 1 و نص كوب ماء انا اضفت نص مكعب مرقه كمان و قلبى و سويه عادى و بالهنا
تسلم ايدك
تحت امرك يا مرمر
ماشاء الله روعه تسلم ايدك
ياعينى عالجمال يا مروتى ايه الحلاوه دى ماشاء الله
شكل الاكل يجنن
وانتى ولا غلبتينى ولا حاجه
انا تحت امرك ياقمر
ورمضان كريم
تسلم ايديك ياقمر
الف هنا وشفا