السلام عليكم ورحمة الله وبركاته
بصراحه ودي اعرف شو احلى دخون ينباع بصراحه ودي بدخون يتم في الملابس لمدة طويله بس ابغي محلات يافي دبي – الشارقه
ومشكورين ما اتقصرون 
سيري محلات اجمل او سويس آريبيان او الرصاصي والحرمين في هذي المحلات بتحصلين الي تبينا …………… واعتقد هالمحلات في كل مكان
مشكوره الغاليه عذابه بس انا قصدي اي اسم دخون انتو جربتوه وتنصحوني به ومشكوره عزيزتي
هيه والله
حتى أنا أريد أعرف أنواع حلوة من الدخون
فيا ريت تخبرونا
مرحبا حبيبتي انا كنت قبل اشتري من السوق بس من سنوات وانا استخدم الدخون اللي يبيعونه
الحريم يعني شغل بيت وريحته روعه وتبقى في الثياب 00بس ما اعرف وحده معينه تبيعه كل مرة اوصي خواتي او صديقاتي يعني كل ما اسمع عن دخون عند حرمه اشتري منه
واكيد اذا سالتو بتحصلون00 والسموحه لاني ما قدرت اخدمكم
اختي دمعة فرح
أنا أدور الدخون اللي ينباع عند الحريم مش من السوق
فيا ريت تخبرينا اذا كنا تعرفين حرمة دخونها حلو
وخاصة اذاكانت من بو ظبي
الغاليه دمعة فرح مشكوره على ردج بصراحه ها الحريم يختفن يوم انكون بحاجه لن بعدين الدخون اللي ينباع عند الحريم احلى بس اضني شىء في المحلات اشياء حلوه اذا حد عنده فكره
المزيونة2017
مشكوره على التعاون
ما قصرتوو حبيباتي
محد عنده فكره !!
اهلا اختي مزيونه والله ما اعرف حد من ابوظبي لاني من الشارجه
ويا ليت اقدر اساعدج 00000
نسيت اقول للاخت الاماراتيه فيه بخور بتلقينه عند الرصاصي اسمه بخور راقية ريحته حلوه واغلب صديقاتي يستخدمونه ويقولون ريحته حلوه 000ان شاء الله يعجبج الكرتون احمر وداخل على شكل دوائر وكل دائرة فيها ثلاث 0000(بخور را قيه) باااااي