ياليبيات .وينكم .ممكن تدخلوا وتساعدونى ولا تبخلوا علية .؟؟؟!!! 2024.

مساء الخير للجميع …
حابة تساعدونى ياليبيات …فى كل مرة نسئل على قالب او اله مانلقاااها فى السوق الليبي …

المشبك

والله لو وحدة من الليبيات تقدر توفرلنا هذه الاشياء ونحن نشريها منها ….
ويجزيها الله الف خير …يااريت اللى تقدر …تبلغناااا ….فى حاجات يقولوا من مصر وفى حاجات من دبى …لو فى وحدة تسافر …تجيب معاها وانا وحدة نشرى منها …
مع فائق احترامى للجميع ………

حبيبتي لو انتي في طرابلس ممكن تشوفي سوق الثلاثاء الحديث

ممكن تلقيها غادي ولو ما لقيتيهاش وصيهم عليها مرات ايجيبوهالك

بالنسبة للمشبك موجود في اغلب المحلات الحاص بالمنزيلية غير بري جيهة باب الحرية
فيه محل يفتح مقابل سوق الحوت على الجنب عنده شكال والوان وصية اجيبك اجيبك لتبية

بصراحة الات المشمبك من زمان فيه شريتها بدينار ونص

بالنسبة للمتاع الكبة اول مرة اشوفها

انشا ء الله اكون افتدك تحياتي

خلية النحل عند ابو زودة في قرقارش ……….

وخلية النحل …

صحيتوووووووووووو يابنات بلادى …كفيتوووووووووو ووفيتووووووووو…
والله مش عارفة شن انقول الا ….ربى يخليكم لية ويخليكم لماليكم …
توة نمشى وين ماقلتولى ..بس هل ممكن نلقاااها فى بنغازى ..لو وحدة من بنغازى خليها اتفيدنا وين؟؟؟؟؟؟.
وبعدين قالب الخلية بكم سعره تقريبا؟؟؟؟!!!!.
بس امتاع الكبة …لو وحدة لقتها اتقولى …وانا لو القيتها حانقوللكم عليهااااا…
تحياتى لكم

اختي انا من بنغازي تلقي المشبك و امتاع خلية النحل في

سوق المصرية في محلات المواد المنزلية اما امتاع الكبة

حتى انا اول مرة انشوفها

بس ننصحك انك اديريها بيدك احسن هي و خلية النحل

لان انا اندير فيها بيدي و تظبت معايا

اهلين بعيون احمديتو

غريبة انك مالقيتيش فيه لان اختي شرت خلية النحل من فترة من السوق

المصرية بس ما نعرفش اسم المحل وانا شايفة المشبك غادي و انا تو

موجودة في امريكا و ياريت نقدر نساعدك بس نصيحتي لك انك اديريها

بيدك احسن و ان شاء الله حتظبط معاك