●•°حلى متميز°•●بوظة الموز بادرة وطيبه ومابدها مكونات موجود كله بالبيت 2024.

بقدملتكم اليوم بوظة روووووعه لعشاق الموز يعني متل اولادي مابدها مقادير ولاشيء

كله من البيت موجود عندك اتمنى تعجبكم وطبقوها يلا على سلة الفاكهة بسرعة والي عندها موز صار مستوي كتير تعمل احلى واطعم بوظة

بسم الله نبدأ وصفتنا

موز كيلوا
عصير ليمونه
أسانس موز اذا موجود عندك واذا ماعندك مو مشكلة استغني عنه
بسكوت ماري 10 حبات"ساده غير محشي"
علبة حليب محلى ومكثف لازم يكون بارد كتير
اذا ماعندك حليب في الخلاط ضعي كوب حليب بودرة معكوب سكر وكوب ماء ةاخلطيهم بخلاط العصير مدة دقيقتين وبصير عندك حليب محلى ومكثف صناعة منزليه وطبعا بدك تبرديه بالنلاجه
نعنع للزينه او ممكن فتات بسكوت

قطعي الموز الى مكعبات واخلطيه مع عصير ليمونه وغطيه بورق بلاستيك علشان مايسود وضعيه في الفريزة مدة 3ساعات

بعد 3 ساعات اخرجي الموز وضعيه في الفود بروسيسل او خلاط العصير وضيفي نص علبة الحليب عليه واخلطيه اذا كان لا يزال الخليط كثيف ضيفي القليل من الحليب وانتبهي ما تحطي الكميه كلها مرة وحده لانه مابدنا يصير سائل كتير ممكن تحتاجي للحليب كله واغلب الاحيان مارح تستخدمي كمية الحليب كامله
طبعا لاتهرسي الموز كامل بدنا يضل فيه شوية كتل
ثم ضعيه في وعاء بلاستيك

كسري البسكوت بيد وضعيه على الخليط وحركيه جيدا "على فكرة البسكوت رح يضل يقرش قليلا مارح يذوب"

اغلقي الوعاء وضعيه بالفريزة وبعد نصف ساعه اخرجيه وحركيه جيدا حتلاحظي انه كثافته زادت

كرري العمليه ثلاث الى اربع مرات ضعيه بالفريزة وكل نصف ساعه حركيه حتى يصبح بالشكل التالي

ممكن تتركيه كمان وقت بالفريزة علشان يجمد اكتر بس انا علشان عندي اطفال بحب يكون بهذه الدرجه من البروده والكثافه

وقدمي احلى واطيب بوظة لاولادك وضيوفك ممكن تزينها بالمكسرات او فتات بسكوت انا قدمتها مع عرق نعنع اخضر

يارب تعجبكم وصفتي ودعواتكم لاهل بيتي وبرجوع زوجي لنا بالسلامة