مش عارفة تشوفوا الاول و لا الطريقة الاول 
الطريقة الاول
انا بصراحة اول مرة اجرب البف باسترى و كنت عايزةاعمل حاجة حلوة بسرعة و تكون جديدة و مبتكرة
افتكرت ان عندى بف باسترى و جوزى بيحيب التوفى او الكراميل يعنى (الصراحة اتعلمت طريقته من الاخت هند) و بستخدم التوفى ده مع الكيكات كمان
المهم عملت التوفى الاول
سيحت نص كوب سكر على النار و معاه معلقة زبدة لغاية ما اصبح كراميل
ضيفت عليه علبة قشطة و قلبته كويس لغاية ما اصبح توفى
دخلته التلاجة
و أدى الصورة
وبعدين طلعت البف بسترى تفك شوية
وشغلت الفرن على حرارة عالية
و جبت صينية دهنتها بنقطتين سمن
وقطعت العجينة مربعات صغيرة و فردتها شوية بايدى لأنى ماعنديش الشوبك اللى بيفرد
و مسحتها بالسمن من فوق و من تحت و رصيتها فى الصينية
دخلت الصينية الفرن و بعد خمس دقايق طلعتها و قلبت المربعات على الوش التانى عشان يتحمر و ضغط عليها بالمعلقة لأنها كانت نفشت اوى
بعد خمس دقايق كمان طلعتها و حطيت عليها التوفى اللذيــــــــــــــــــــــــــذ
ورشيتها بالسكر الناعم للتزيين
ايه رأيكم بقى؟؟؟؟؟؟؟؟؟؟؟؟؟؟
شكلها طيبه
جزاك الله كل خير
يعطيك العافيه
دى اول مرة ليا اخد شعار و فرحانة بيه اوىىىىىىىىىىىىىىىى و اللهى العظيم
الف شكر لكل البنات على المرور و التشجيع