مربى الجوز و ما أدراك ما مربى الجوز !!
متعة للنظر و متعة للتذوق و متعة للشم ..
و هو نوع من المربيات الي ما بيعرف طريقة تحضيرها الا القليل و لحسن حظي كانت ام جوزي منهم لهيك علمتني سر الطريقة و بالتفصيل , ربي يجزيها الخير …
هلا بالأول خلوني فرجيكم صورة المربى لفتح النفس
هل المربى بيتقدم ضيافة بالمناسبات و جمعات الستات , يعني مو متل باقي انواع المربيات الي بتتقدم مع الخبز و الزبدة
هدا بيتاكل لحاله , بس المهم ان تنتبهوااا على صابيعكم وراه 
إذا الواحدة فيكم حابة تجرب هل المربى لازم تعرف شغلتين كتييررر مهمات , أول شي أن تقشير اللجوز رح يخلي كفوفها لونهم غاامق , يعني مو تقشري الجوز و عندك تاني يوم صبحية عند سلفتك 
و الشغلة التانية ان هل المربى رقيق و أكابر و ما بيتحمل الحرارة ابدا …
يلا بسم الله نبدأ
أول الشي بالمقادير :
50 حبة جوز أخضر
كيلو و نصف سكر ( تقريبا 6 كوب من السكر )
كوب ماء
رشة ملح ليمون
ملعقة صغيرة جوزة الطيب مطحون
نصف ملعقة صغيرة قرنفل مطحون
ربع ملعقة صغيرة فلفل أسود مطحون
كيلو و نصف سكر ( تقريبا 6 كوب من السكر )
كوب ماء
رشة ملح ليمون
ملعقة صغيرة جوزة الطيب مطحون
نصف ملعقة صغيرة قرنفل مطحون
ربع ملعقة صغيرة فلفل أسود مطحون
الطريقة
منقشر الجوز باستخدام سكينة و منتخلص من الجزء القاسي الصغير من أعلى الجوزة ( مكان التقاء حبة الجوزة بغصن الشجرة ) بعدها بتعملي فيه ثقوب باستخدام سيخ معدني رفيع ( هل المرحلة ما عملتها و لا صورتها لأن حماتي الله يخليلي يها بعتتلي الجوز مقشر و مثقب و خالص )
بعدها منحط يوضع الجوز في مرطبان بلور و يغمر بالمي و يترك منقوع لمدة عشر أيام من دون تغيير المي , و هل المي اسمها مية دم الجوز .
بعد مرور العشر أيام يغير الماء على الجوز و يترك لمدة أربع أيام اضافية مع تغيير الماء كل يوم , و هل المرحلة لحتى يحلى الجوز و نخلص من كل مررراره.
هلا منغمر الجوز بالماء و منحطه على نار متوسطة و منتركه حتى يبدأ يغلي , بس ما منخليه يغلي و لااااا غلوة و قبل ما يغلي أول غلوة يرفع من الماء على مصفاة و مباشرة تحت المي الباردة لحتى يبرد .
هلا مقسم السكر على ثلاثة أقسام , منحط أول قسم مع الماء حتى يذوب السكر تماماً على النار و منخليه يغلي لحتى يذوب السكر بعدها منخليه يفتر شوي لحتى تقدري تدخلي إدخال طرف إصبعك الصغير فيه و تتحملي الحرارة , وقتها يضاف الجوز و بتخليه لمدة 24 ساعة .
– بعد مرور يوم كامل ترفع حبات الجوز من القطر وبتضيفي القسم الثاني من السكر و بتغليه مجدداً حتى يذوب السكر , و بتخلي القطر يبرد شوي لحتى تقدري تتحملي حرارة القطر بطرف اصبعك الصغير عندها يضاف الجوز و يترك لمدة 24 ساعة .
هلا أخر مرحلة بعد مرور يوم كامل ترفع حبات الجوز من القطر و يضاف القسم الثالث من السكر مع البهارات و ملح الليمون و بتغليه حتى يذوب السكر , و بعدها يضاف الجوز وبتتركيه حتى يغلي أربع غلوات فقط .
صار المربى جاااهز , بتعبيه في مرطبان زجاجي و بتغمريه بقطره و يوضع في البراد حتى وقت التقديم و الأحسن أنك تتركيه كم يوم قبل تقديمه لحتى يتشرب النكهات اللذيذة للبهارات و الاحسن و الاحسن انك تعزمينننني عليه لحتى اتاكد انه ضبط معك
هنا و عوافي يا جماعة , و نصيحة للأخوات المتوفر عندهم شجر جوز , يجربوه لانه مو رااائع , اكتر من رااائع بكتيرررررررر ..
سلام يا حلوات و لا تنسوا تر تدعولي دعوة من القلب تفرج همي و هموم كل المسلمين و يشفيلي قلبي و بدني و يباركلي باولادي و يرزقني من حيث لا أحتسب , ياا رب أمين
مشكورة ياغالية وصفة جديدة على
الله يفرج همك وهم كل محبيك يارب
و يجزيك كل ما تتمنى واكثر
تفرج همي و هموم كل المسلمين و يشفيلي قلبي و بدني و يباركلي باولادي , ياا رب أمين
أمين
كتبت بواسطة tegeety 
ماشاءالله عزيزتى منى دائماً مواضيعك ذات فائدة
مشكورة ياغالية وصفة جديدة على
الله يفرج همك وهم كل محبيك يارب
و يجزيك كل ما تتمنى واكثر
مشكورة ياغالية وصفة جديدة على
الله يفرج همك وهم كل محبيك يارب
و يجزيك كل ما تتمنى واكثر
خليلي عينك يا عسل 
هادا بس من زووءك و اتمنى انك تجربيها , وصفة كتيررر مميزة
و ان شاء الله ليك متل هل الدعوات و اكتر يا رب
كتبت بواسطة shaier الله يعطيك العافية
أمين
الله يعافيك شي حبيبتي
نور الموضوع يا قمر و ليك متل هل الدعوات و لكل المسلمين يا حق
كتبت بواسطة فاطمة ال اسحاق غريب بس مشكورة على جهودك اختي
هلا فاطمة
ما غريب الا الشيطان
أظن انه مو كتير معروف برة سوريا , بس خسارة لو فيني دوقك منه 
نورتي
وشقد بتمنى جربو ع ايدي لانو بيت حماي عندهن ارض جوز ما شاء الله لا قوة الا بالله بس ما بوصل ع سوريا الا بكون خشب وما بعود بصير
ربي يسلم دياتك الحلوة
الله يفرج همك وهم كل المهمومين ويعافيكي في قلبك وروحك وبدنك
والسلام يا اطيب منى