●•° موضوع متميز°•● كيك و مبروشة بشوووووووووووو,,,,,,بالتفاح,,,,,,,شو لذيذ 2024.

السلام عليكم و رحمة الله و بركاته
مرحبا يا حلوين
تمنياتي للجميع بالصحة و العافية و راحة البال المفقودة هذه الأيام
مع ما يجري من أحداث
المهم
عملت كيك و مبروشة بالتفاح و حبيت أقدمهم لكن يا غاليات
نبدأ بسم الله:
1- كيك بالتفاح و البرتقال:
المكونات
3 بيضات
2 كوب سكر
2كوب طحين
1 م ك بيكنغ باودر
1 م ك فانيليا
1 كوب عصير برتقال
ربع كوب زيت نباتي
بشر قشر برتقال
نصف كوب سكر بني
تفاح مقشر و مقطع شرائح رفيعة
الطريقة
* نخفق البيض و السكر و الفانيليا و مهم الخفق كتير لفترة طويلة
* نضيف باقي المواد بالتدريج مع استمرار الخفق
حتى نحصل على عجينة كثيفة.
* نحضر القالب المعد للخبز. ندهن بالزيت و نرش بالطحين ثم نرشه بالسكر البني و نصف التفاح فوقه

* نسكب خليط الكيك على مهل حتى ما يخرب ترتيب التفاح

* نخبزه في فرن محمى مسبقا" و على الرف الأوسط ..على حرارة 180 لمدة ( 40-45) دقيقة.
و هي بعد ما طلع من الفرن

* نقلب القالب و ننزعه برفق
و هذا هو جاهز لكم

* و هي قطعة مع شوية تفاح للحبايب

* كتير بيطلع هش و طري
يعني بيناسب الأسنان الخربانة متل حالتي..ههههههه
شوفوا من جوا

مع ألف صحة و هنااااا
الطبق التاني المبروشة أو تارت سموه على كيفكن
مبروشة بالتفاح
المكونات
4 بيضات
1 كوب سكر
1 كوب زبدة طرية
فانيليا
م ك بيكنغ باودر
برش ليمون
حوالي كيلو طحين
للحشو
تفاح مقشر و مقطع قطع صغيرة
م ص قرفة
ربع كوب كاجو
نصف كوب شوفان
نصف كوب سكر
م ك زبدة
الطريقة
*نبدأ بخفق البيض و الفانيليا و السكر ثم نضيف الزبدة و البيكنغ باودر و الطحين حتى يتشل لدينا عجينة سميكة قابلة للتشكيل.
*نقسم العجينة قسمين و يكون الأول أكبر قليلا"
نمده بالصينية.
* الآن نحضر الحشوة:
في مقلاة على النار نضع المكونات المذكورة مع بعضها

*نحرك حتى تذوب الزبدة و يصبح التفاح طري
ما بيتغير لونه بيبقى أصفر بس بتختلط المواد مع بعضها حوالي 10 دقائق فقط.
* نرفعها عن النار و ننتظر حتى تبرد نضيف الكاجو
ما منضيفه و الحشو ساخن حتى يبقى مقرمش

* نفرد الحشو فوق العجينة.

* نقطع القسم الآخر من العجينة بشكل حبال و نغطي بها بشكل الشبكة.
* في الفراغات نضع حبات رمان

* نخبزها في فرن متوسط الحرارة حوالي نصف ساعة و نقدمها مع ألف عافية

معليش الصورة مو كتير مظبوطة
كنت مستعجلة

أنتو اعملوها و صوروها أحسن مني

صحتين و مية هنااااااا