يالله زمان عن ركن الحلويات
مع اني غايبه عنكم بس والله ببالي وعندي تطبيقات حلوه بس الوقت مش مسعفني لحتى انزل مشاراكتي
بس انا جيت لكم هلاء وياووويلي من ركن التغذيه ههههههه
ماعلينا
كيكة النسكافيه
مشاءالله الاخوات بدعو في طرقها ووصفاتها
لكن انا سويتها بطريقه بسيطه وبلمسه خاصه
الحمدلله من داقها اشاد فيها وشهد لي بالطعم والشكل ….. يمكن سويتها فوق ال6 مرات
وهلاء رح تشوفو اكتر من صوره
لدرجه صرت مميزه فيها
طبعا مع التشيزكيك
الطريقه والمقادير بكل بساطه بس للاسف بدون تصوير الخطوات
المقادير للكيكه فقط
2 بيضه
2/1 كوب سكر
3/1 كوب زيت
1 كوب ماي
4 ملاعق حليب بودر
1 كوب طحين
2 ملاعق باكنج بورد
زره فانيلا
القليل من النسكافيه
يضرب بالخلاط وليس خفاق الكيك الخلاط الخاص بالعصير ضعي البيض والماي والزيت والسكر والحليب والفانيلا لحد مايتمازجو مع بعض منيح……
ثم اخلطي الطحين مع الباكنج بورد وصبي خلط السائل عليهم شوي شوي مع التحريك البطىء
واخبزي الكيكه بالطريقه المعتاده والدرجه المناسبه لفرنك…
نيجي هلاء لتحضير الزينه
اخفقي كريمه واضيفي لها مربع جبنه وهواختياري وليس ضروري ثم خليها بالفريز لتجمد شوي
اغلي كوب ماي واضيفه له ثلاث ملاعق نسكافيه و5 ملاعق سكر وخليهم يغلو لوقت طويل لحد مايصير تقيل متل القطر وطعمه مسكررر .. وخليهم يبردو ….
حضري الكروكان وهو عباره عن لوز مع سكر خليهم يتحمصو بالمقلاي لحد ماينحرق السكر متل الكراميل قم صبيهم في صينيه تانيه وبعد فتره دقيقيهم متل فتافيت المسكرات وطعمه روووووووووووووووووووعه
هلاء استوت الكيكه خليها تبرد ثم اقلبها( ملاحظه ممكن استخدم كيك جاهز بكيتات لللسرعه)
واسقيها في النسكافيه المبرد من كلللللللللللللللللللللل الجهات…ثم خليها بالبراد شوي… ثم غطيها في طبقه من الكريمه وحاول توزعي الكريمه بشكل خفيف ومتساوي ثم رجعيها للبراد لحد ماتبرد……..
ثم اخيرا غطيها في فتافيت الكروكان ولبسها فيه من كل الجهات
والنتيجه
طبعا الطعم رائع…… انا شخصيا صعب استطعم بشي حضرته لكن هاي بحس في طعمتها
وهي جانب اخر لها……
وان قدمت مبرده بتكون اطيب واطيب متل البوظه
وصحتين وعوافي لاتنسووني من الدعوه
كيكة النسكافيه بلسمتي الخاصه
قصدك بلمستي.. والا بلسم يا عسل
بتجنن والحمد لله اني اول وحدة ردت
ويعني الكيكة كلها لعيوني
اعمل كيكة ثانية للصبايا
طول عمرك معدلة يا ست الصبايا
طبعااااااااا لعيونك
لي في اغلي منك ع قلب طيف
ولا انتي بتغلللي علينا ياجميل
شوفي هي لمستي صح هههههه بس خطا مطبعي الله يسعدك عدليه حبيبتي
بعدين ولا يهمك تانيه وتالته ورابعه كمان
بعدين ولا يهمك تانيه وتالته ورابعه كمان
يسعدك ربي .. بس شو غيري الموديل
يعني كيكات باشكال ونكهات مختلفة خلي الصبايا تتفنن
Done 
ماهو هادا الحاصل
حتى شوفي
رح اجربها
بتزبط بلا كريمة؟
فعلا انها هل كيكة روعة روعة لانه كنا نعملها
بس الفرق الوحيد انه احنا بندهنها بعلبة قشطة مو كريمة
ومع الكروكان ما تسألوا عن الطعم
تميييييييييييييييز بدها
جربوها بنات والله ما بتندموا
ها وعود حبيبتي شورايك بالنكهات
ام البنين حبيبتي بدون كريمه مارح يثبت الكروكان
اصلا نكتها في اختلاط الكروكان مع الكريمه امممممم صدقيني بستتاهل التعب