اليوم بأقدم لكم نوعين من السلطات
الأولــــــى : سلطة الكابوريـــا أو الكراب سالاد
1 فلفل أخضر رومى مقطع ( إستخدمت نص أخضر ونص برتقالى)
1 بصلة حمراء أو عادية مقطعة
1 كوب مايونيز أو أقل حسب الذوق
1 باكيت كراب صوابع ( حوالى 12 صباع)
3 معالق صغيرة زبدة
خبز محمر ناشف أو محمص بالفرن
خس
فى طاسة صغيرة على نار هادئة أضيفى البصل والفلفل مع الزبدة ونتركهم قليلا على النار يعنى بس تشويحة خفيفة
ثم نقطع أصابع الكابوريا ونضيفها على الخليط اللى على النار بس 3 دقايق
فى وعاء نضع الخليط السابق مع ذرة ملح خفيفة جدا مع المايونيز ويقلب
نحضر وعاء التقديم ونفرشه بالخس ونضع فيه الخليط السابق ويجمل بالخبز المحمص
أترككم مع الصور
تقـــــدم باردة أو ســـاخنة أنا شخصيا أفضلها باردة
وألف هنــــا
ثـــانيـــا : سلطة الفاصوليا
ودى السلطة المسكرة اللى بتكون فى بيتزا هت والمطاعم السريعة
بصراحة من زمان بأحاول فيها لكن كانت دائما ناقصة حاجة أو المقادير مش مظبوطة
المرة دى زبطت والحمد لله
السلطة دى يستحسن تتعمل قبلها بيوم أو إتنين
كل أما بتبات بتكون أطعم وأحلى
المـــقادير
12 كيلو فاصوليا خضراء مسلوقة أو علبة جاهزة مصفاة
12 كيلو حمص برضه مسلوق أو علبة حمص جاهزة
12 كيلو فاصوليا بيضاء مسلوقة أو علبة جاهزة
وممكن برضه تضيفى الفاصوليا السودء بس أنا مش بأحبها
وممكن مقدار من الفاصوليا الصفراء
وممكن تستغنى عن الفاصوليات دى كلها وتكتفى بالفاصوليا الخضراء 
فلفل أخضر رومى مقطع
بصلة مقطعة
12 كوب زيت (زيتون مثلا)
12 كوب خل
12 ملعقة صغير ملح
12 كوب سكر أبيض
12 ملعقة صغيرة فلفل أسود
الطـــريقة
نضيف السكر والزيت والخل والملح والفلفل الأسود معا ونفلب الخليط حتى يمتزج ويذوب السكر تماما
نخلط المكونات معا ( خليط الفاصوليا) مع الفلفل الرومى والبصل
ثم نضع عليه التتبيلة السابقة ويقلب جيدا
توضع بالثلاجة لمدة لا تقل عن 8 ساعات
وأنا بأقول لك كل أما تطولى كل ما بتكون أحلى
ودى الصورة النهائية للطبق لذيذة فعلا أتمنى تجربوها
يا ريت تكون السلاطات عجبتكم
وبألف هنا وشفا
وصحيات يسلمو الايااااااااااااااااااادي
يا مرحبا يا مرحبا
انا بمووووووووووووووت فيها
لازم اجربها بطريقتك
يعطيكي الف عافيه
يا حيا الله
طبعا السلطات بتشهي
ولعدم توفر الكراب
لازم اجرب
سلمت الايادي
وصحتين وعافية
تسلم ايدك يا بطوطه
رووعه حبيبتي ماشاء الله عليكي كعادتك مميزه
الف هنا عليكم يارب
السلطه بتشهي الله يعطيكي الف عافيه
نور الركن بوجودك
تسلم إيدك على الاطباق الجميله
وريتها ألف صحه وهنا
وبانتظار المزيد من الاطباق الشهيه
كتبت بواسطة ابريكه 
وصحيات يسلمو الايااااااااااااااااااادي
تسلمى يا قمر
كتبت بواسطة الشفاعة الله يسلمك حبيبتى مشكورة على مرورك
كتبت بواسطة د.سوسن يا مرحبا يا مرحبا
انا بمووووووووووووووت فيها
لازم اجربها بطريقتك
يعطيكي الف عافيه
هههه الله يسعدك يا سوسو جربيها فعلا لذيذة … يعافيكى يا قلبى
كتبت بواسطة وعود الخير يا حيا الله
طبعا السلطات بتشهي
ولعدم توفر الكراب
لازم اجرب
سلمت الايادي
وصحتين وعافية
ههههه ما تعرفيش إسم المحروس !!! إزاى ده أنا كل أطباقى عليها إسمه حسونة باشا على فكرة من على الله بمحروسين حسن وعبد الرحمن
السلطة دى بقى أكثر من رااااااااااااائعة أنصحك فيها لو بتحبى السلطة بتاعة بيتزا هت وتكا والمحلات الجاهزة فعلا روووعة
مشكورة على مرورك يا غالية