3 انواع ديال الخبز و 3 اشكال ديال السندويتش 2024.

السلام عليكم ورحمة الله وبركاتة

كيدايرين البنات كاملين كنتمنى تكونو كلكم بخير وعلى خير

هادي وقيتا ديال النزهات والجو جميل
الى بغيتوتخرجو وليداتكم هادي وصفة في بلاصة ما تديو ولادكم متلا ل ماك دونالد تبقاو مزاحمين وسط الناس ديهم للطبيعة وديو معاكم احسن من ماك دونالد في السلا ديالكم
منها الدراري يتمتعو بالخرجة ومنها اتمتعو باكلة زوينة
ومنها حتى الوالدين مساكن تقام عليهم رخيصة
وغادي تبقاو دوزو وتشوفو الناس مزاحمين وسط ماك دونالد وضحكو عليهم وتمشيو ههههههه الشر لاكي

الموضوع اليوم اينقاسم لقسمين القسم الاول فيه الخبز وطريقتو

والقسم التاني فيه السندويتشات

نبداو على بركة الله

300gr دقيق
دقيق فورص عادي
5gr خميرة
140gr ماء

تتخلطي العجينة ديالك واتلاحظي انها اتكون قاصحا ما تزيديش الما غير بقاي معاها تا تجمع ليك
وما اتحتاجيش تدلكيها المهم تجمع لك

بحال هاكدا

ديريها في شي وعاء وغطيها بالبلاستيك الغدائي
وخليها 24h

في الغد هاهي اتكون واجدا

اتزيدي عليها هادشي

500gr دقيق
350gr فورص عادي و150gr دقيق فورص من النوع الممتازالخاص بالحلوى في المغرب خدو الي ككون في الباكية الاخوات الي في ايطاليا هدي الدقيق الي مكتوب فيه tipo 0 او manetoba لان العادي ككون مكتوب فيه tipo 00
70gr زبدة
هنا كيديروها شحمة ديال الحلوف ردو البال البنات الي في ايطاليا
16gr ملح
27gr سنيدة
الحليب بين 200gr حتى ل 300gr
كختالف على حسب التقل ديالو والنوع ديال الدقيق ودرجة الامتصاص ديالو طبعا
نتي عينك ميزانك
10gr خميرة

اتخلطي كلشي وتجمعيها بالحليب