طيب ياحبيبتي تعرفي يعني ايه اصلي ؟ وبيجي منين الاصلي؟ وتعرفي ازاي تفرقي بين المضروب والاصلي؟؟؟
الاجابة طبعا بتكون معرفش او قالولي او سمعت او يوحي الي او بيتهيألي او او او بس مفيش حد بجد بيكون عارف
تليفون تاني
الووو … لو سمحتي ممكن اسألك علي حاجة؟
انا جبت كيراتين كذا من فلان وبعد ما حطيتة
علي شعر الزبونه اتقطع وبهدلتني واكتشفت انه نوع مضروب ومش عارفة ازاي اعرف افرق بعد كده وميتكررش اللي حصل؟
وكتييييييييير قصص لبنات وكوافيرات اتنصب عليهم واتباعلهم انواع متقلده ومضروبة
من بعد ما كتر الكلام عن الكيراتين والضرب عليه والناس اللي مش فاهمة فيه واللي ملهاش شغلانه عملته شغلتها و
بقدرة قادر بقوا تجار ولا خبراء تجميل
والناس النصابين اللي ربنا يهديهم اللي واكلين عقول البنات وبيبيعولهم الوهم والمنتجات المضروبة والمقلده علي انها اصلية و اللي بتسبب بلاوي وآذاها كتير
اولا مامعني كلمة كيراتين اصلي???
معناها انه يكون منتج كيراتين فيه نسبة الكيراتين الطبيعي عالية وباقي المكونات تكون مطابقة للمعايير القياسية لمنظمة الصحة العالمية لجودة وسلامة المنتجات المشابهة ومن شركة مضمونة وتكون شركة لانتاج منتجات الكيراتين فقط وليس لمنتجات اخري لان تصريح شركات الكيراتين بيكون لانتاج الكيراتين فقط وليس لاي منتجات اخري وتكون الشركة امريكية او برازيلية فقط لان الشركات الامريكية هيا الوحيدة اللي اخدت حق تصنيع وتوزيع الكيراتينفي العالم كله يعني لما تلاقي نوع(اسباني ايطالي لبناني الخ)يبقي منتج مفيهوش كيراتين طبيعي ومش اصلي يعني منتج بمواصفات معينة وليس الاصلي حكر علي اسم منتج محدد او البرازيل بس ولا امريكا بس وعموما اكبر وافضل الشركات في انتاج الكيراتين من يوم ما ظهر و حتي الآن هيا الشركات الامريكية
ازاي نحمي نفسنا ونعرف ان المنتج اصلي ولا لأ؟
اول حاجة واهم حاجة لما تيجي تفكري في نوع
اولا اعرفي اسمه ايه من التاجر مثلا وادخلي موقع الشركة المنتجة واتأكدي انه نوع له شركتة موجودة فعلا
وثانيا ابعتي للشركة دي ايميل عن مين اللي بيتعاملوا معاه اديهم اسم التاجر وشوفي هيقولولك بيتعامل معاهم فعلا ولا لأ عشان تتأكدي انه مش نوع مضروب
ولو هتروحي تعملي اي نوع عند كوافير برضو اسألي التاجر اللي الشركة نفسها هتديكي اسمه واسأليه هل بيدي الكوافير ده فعلا ولا لأ
ولو حد يقولك بجيب المنتج من وكيل الشركة في بلد تانية ابعتي برضه للشركة واعرفي منها ايميل او تليفون الوكيل ده واساليه اذا كان بيبيع لفلان ده فعلا ولا لأ ؟؟
بجد لو مش عاوزة يتضحك عليكي لالالالالالازم تعملي كده خافي علي نفسك ومتصدقيش كلام اي حد بجد تجار وكوافيرات كتير الضمير مااااااااات عندهم وشغالين في المضروب ودلوقتي ناس متخصصة في صناعة المضروب والتقليد وماليين البلد بس في نفس الوقت تقدري تتأكدي من المنتج بمنتهي البساطة واعتقد مفيش اسهل من كده بس حذار تصدقي واحدة تطلع تكتب انها بعتت وتأكدت بنفسها وتكسلي انتي لأ لان كل واحد متفقله مع كام واحدة بتدخل تعمله دعاية ده غير ان التجار دول نفسهم مسجلين معانا وبيدخلوا يشاركوا علي انهم بنات عشان يعملوا لنفسهم دعاية
وربنا يهدي الجميع الي مايحب ويرضي ويوفقنا لما فيه الخير يااااااااااااااااااااارب
كتبت بواسطة ورده في البستان 
الله يوفقنا جميعا الي مايحبة ويرضاه ويرزقنا الحلال الطيب
مشكورة عالمرور الطيب حبيبتي وكل عام وانتم بخير وصحة وسلام
بس ممكن اوي تشتري من صيدليه العزبي و دا بيكون مضمون 100 % 100
و بلاش تخلي الكوافير يجبهولك
انتي روحي اشتري و روحي للكوافير يعملهولك علطول و بكدا بتشتري بسعره يعني حتي الكوافير مش هيزود فلوس علي سعره و مش هياخد غير فلوس عمله ليكي بس
كتبت بواسطة manal sa3d بس ممكن اوي تشتري من صيدليه العزبي و دا بيكون مضمون 100 % 100
و بلاش تخلي الكوافير يجبهولك
انتي روحي اشتري و روحي للكوافير يعملهولك علطول و بكدا بتشتري بسعره يعني حتي الكوافير مش هيزود فلوس علي سعره و مش هياخد غير فلوس عمله ليكي بس
ياجميلة الصيدليات بما فيهم العزبي وغيره مش متخصصين في استيراد علاج وفرد الكيراتين ياما بياخدوا من تجار او عادة بتدفعي عربون ويجيبولك المنتج بعدها بفترة ومعروف جدا انهم بيكسبوا اضعاف السعرالاصلي للمنتج غير انهم غير متخصصين يعني اي منتج بيجيبوه عادي مش بيعرفوا ايسه الافضل ولا السوأ لكنه باللنسبة لهم بيع زي اي منتج تاني بيبعوه لكن كويس ولا لأ يناسب اي طبيعة شعر؟ ده مكش تخصصهم ولا شغلهم واعتقد الحل اللي قدمته سهل جدا مجرد ايميل لاي شركة عاوزة تشتري منتجهم في ثواني تكتبيه وتبعتيه والرد يوصلك خلال ايام قليلة جدا وكده كده طالما بتتواجدي عالنت يبقي مفيش اي مشقة بالعكس
كتبت بواسطة pink.girl تسلمي ياقلبي
كتبت بواسطة roff جزانا واياكم كل الخير يارب