كل ست فينا تعرف تعمل ليموناضة … صح
عصري شوية ليمونات و اخلطيهم مع سكر و ماء
طيب يا ترى في عيار ممكن أحفظه لحتى يطلع معي الليموناضة مظبوط دائما ؟؟
اليوم رح أحطلكم طريقة أمي الغالية , و هذا الموضوع اضافة لموضوع وعودة
: قشور الليمون :
الصورة النهائية :
رح تعجبك الليموناضة بهذه الطريقة إن شاء الله نخش على الطريقة :
المقاير كتير سهلة احفظيها
:
كاسة سكر
كاسة ماء
كاسة و نصف عصير الليمون
بشر ليمونتان
أهم شي أنك تبدئي تحضير الليموناضة بتذويب الماء و السكر على النار .
إذا دوبتي السكر في الماء الغالي رح يضمن لك عدم ظهور حبيبات السكر في الليموناضة .
حطي السكر و الماء في وعاء صغير و سخنيهم على النار لحتى يذوب السكر بالكامل .
في هذه الاثناء جهزي عصير الليمون , رح يلزمك من6 إلى 8 ليمونات تقريباً لتحضير كوب و نصف من العصير .
بعد ما يذوب السكر في الماء , ابعدي الوعاء عن النار و اضيفي عصير الليمون .
حطي الكل في خلاط العصير مع بشر الليمون و اخلطي , استخدمنا البشر لاضفاء طعمة لذيذة لليموناضة و ممكن تستغني عنه إذا بتحبي ,
رح تلاحظي أن لون المزيج تغير بعد الخفق
بعدها اضيفي 4 أو 5 أكواب من الماء البارد و حركي الكل .
و أخر الشي حطي الليموناضة في البراد
أنا بحط الليموناظة في قناني عصير صغيرة ,, لحتى أخلي الاولاد يشربوه عوض العصير الجاهز أو الكولا .. يعني بخدعهم 
أما للضيوف قدميها في كاسات مزينة بشرحات ليمون مع مكعبات الثلج
هذا كل شي و إن شاء الله تجربوا الليموناضة و يعجبكم 
بجد شهيتني الليموناضة
طريقة جديدة علي وأول مرة أعرفها
ان شاءالله راح أجربها
يسلمو ايديك حبيبتي وايدين الوالدة الله يحفظها ويطول بعمرها يا رب
واقفة على الباب
نورتي يا عمري
و الله يخليلي ياكي على هذه الدعوة الحلوة
مشكورة حبيبتي على المرور
ما هو أنا شميت ريحة الليمون جيت ركض
بجد ريحة الليمون لا تقاوم
والله يخليك منور بوجودك يا عمري
طبعا راح تعجبنا
ليش في شيء من حلب ما بيعجبنا
وخاصة لما يكون من تحت ديات منمن..
سلمت يداك ويدا الوالدة الغالية
و أحلة كوب عصير لمنى
تحياتنا لها
الله يعطيك العافيه
..
طريقة حلوة وسهلة واهم شي مفيدة للكبار والصغار
بارك الله فيكي حبيبتي
بتجنننننننننن يامنمن
قال تعجبنا قال
انا راق دمي وصارت عال العالي من النظر فقط
جد روعه يسلمو ايديكِ
والله يطول لك بعمر ست الحبايب
انا بحب عصير الليمون كثير
وبجرب طريقة امك الله يحفظها اكيد
أنا نفسي هاليومين بكاس ليمون والآن بعد الموضوع مابتردد