دجاج زاد من العزومة . شوفو شو ممكن نعمل منو مقبلات 2024.

مرحبا اخواتي العزيزات
كلنا بعد العزايم يزيد اجزاء من الدجاج اللي مااحد لمسها
ونتحسر عليها وماندري شو نعمل فيها

اليوم جبتلكم طرق بالصور مشان نستفيد منهم
اليوم انا هيك عملت

اول شي الدجاج بننسله و بنفصله عن العظم بهذه الطريقة:

الوصفة الأولى: الدجاج التايلاندي

المقادير
الدجاج اللي عملنا من شوي
2 حبة جزر مقطع
1 فلف لرومي مقطع
صحن صغير ملفوف احمر مقطع
صحن صغير ملفوف ابيض مقطع
صوص صويا (3 ملاعق كبار)
بصلة صغير مقطعة ناعم مع نصف فلفل اخضر حراق مقطع ناعم
ملعقة سماق
ملعقة بهار
القليل من الملح والفلفل الاسود
القليل من الماء (او مرقة)

الآن نقلب البصل والفلفل الاخضر والفلفل الرومي والجزر على نار هادئة بالقليل من الزيت او السمن

وعندما نحس انو ذبل نضيف الملفوف

بنضيف الدجاج (طبعا هو مستوي) لما نحس انو الملفوف تقريبا استوى

ونضيف البهارات والصويا والملح والفلفل الاسمر وشوية ماي او مرقة عشان يستوو منيح وبنهدي عليهم النار

وهذه هي صورة للتايلاندي بس خلصناها

وصحة وهنا

الوصفة الثانية: كبة الدجاج بالخضار

المقادير:
الدجاج اللي حكينا عنو
مكعبات بطاطس مسلوقة
شرائح جزر مسلوق
بهارات
ملح
بقدونس
بقسماط
بيضة مخفوقة

الطريقة
نسلق البطاطا والجزر في ماء مع القليل من الملح

نصفيهم من الماء ونخلطهم مع باقي المقادير ليصبح لدينا عجينة (باستثناء البيض ومع القليل من البقسماط)

نبدأ ونقطع العجين الى اجزاء ونكببها ونغمرها بالبيض ثم بالبقسماط وننرتبها في طبق

هنا انتهينا من كل المقدار

وبعدها نحمي الزيت ونقليهم في زيت مغمور لحد ميصير لونهم ذهبي ونصفيهم من الزيت

وهذه النتيجة

وبالهنا والشفا

أتمنى تكون اعجبتكم
وماتنسوني من ردودكم الحلوة