مراحب على الحلوين
حبيت نزل اليوم مقبلات انا بموت فيها من شغل ايدين الماما الله يخليلي ياها
هيه المسيلوقات والكبيبات اكلة سورية من اللادقية واهل بانياس بيقولوا للكبيبات
كذابات <<< هيك رفيقتي قالتلي
طبعا فرخ البط عوام يعني انا كمان بعرف اعملهم بس اكيد من تحت ايدين الغالية
بيكونوا اطيب
اول شي المكونات طبعا حسب النظر لانه ما شاء الله على الماما بتشتغل هيك
برغل ناعم + طحين + كمون + ملح
بنجبلهم بماء لحتى يتماسكوا ويصيروا متل جبلة الكبة
وبعدين بنعمل الحشوة العادية : لحمة ناعمة +بصل +بهارات وملح
وبنعملهم كبة عادية
وبعد ما بنعملهم بنكون حضرنا ماء بطنجرة وبتكون عم تغلي وبنزل فيها
المسيلوقات لحتى يستوا وينسلقوا منيح وبعد هيك بنشيلهم وبنحضر الصلصات
يتبـــــــــــــــــــــــــــــــــــــــــع
اول صلصة صلصة الطحينة :
طحينة + شوية لبن + ملح + حامض + شوية توم مدقوق + جوز مفروم
شوية فليفلة حمراء
الصلصة التانية صلصة الفليفلة :
فليفلة حمراء + توم + ملح
بنقلب فيهم المسيلوقات وهنه سخنين وبنحط على الوجه زيت زيتون
وبنزينهم ببقدونس
يتبـــــــــــــــــــــــــــــــــــــــــــــــ ـــــــــــــــــــــــــع
طريقة الكبيبات او الكدابات
نفس الجبلة تبعت المسيلوقات بنعمل البرغل دعابيل صغيرة طبعا من دون حشوة
بعد ما بندعبلهم بنحطهم بصينية فيها رشة طحين منشان ما يلزقوا
و الدعبولات ههههههههههههههههه بنسلقهم بماء متل الطريقة اللي قبل
وبس يستوا بنشيل قسم من الطنجرة وبنحط عليهم صلصة الفليلفة وبقدونس
وزيت زيتون
بنخلي قسم بالطنجرة بعد ما بنكون شلنا شوي من الماء
وبنحط عليه دبس رمان + شوية حامض + فليفلة حمراء معجون + ملح
واذا كانت مريئة ممكن نضيف شوي طحين لحتى تمسك
وبنزين بزيت الزيتون والبقدونس
وصحة وميــــــة هنا يارب يكونوا عجبوكم والله يبلغنا رمضان واياكم بالصحة والعافية
ألف شكر
كتبت بواسطة حنان(البحرين) 
يسلملي مرورك الحلو وانت بخير ويارب ينعاد عليكم بالصحة
كتبت بواسطة sumayya وايديك يارب شرفني مرورك
كتبت بواسطة ●•°BaSmA°•● ألف شكر
وايديك يارب الشكر لمرورك
ربي يحفظ ويبارك
سلامات لست الحبايب
كتبت بواسطة سمسماية ربي يحفظ ويبارك
سلامات لست الحبايب
وايديك يارب والسلام وصل وتسلمي على الدعوة الحلوة متك