بسم الله الرحمن الرحيم
كيفكم يا صبايا شو الاخبار
انا اليوم تفاجئت مفاجئة عمري اول مره بعرف انها الدقه يعني مش الزعتر
الفلاحين عنا بحكو للزعتر دقه بس الظاهر انها الدقه ما فيها زعتر ابداااااااااااا
المهم هاي الدقه ومقاديرها وكتيررررررررررررررررررر زاكيه عجبة بنتي اكتر من الزعتر
2 كاس قضامه محمصه
1 كاس عين جراده محمصه
1 كاس يانسون محمص
2 كاس سمسم محمص
3 ملاعق كبار سماق
2 ملعقه كبيره ملح ليمون
1 ملعقه كبيره فلفل احمر مطحون حراق
2 ملعقه كبيره فلفل احمر حلو
نصف كاس كمون محمص
نصف كاس كزبره محمصه
الكل بكون حب مش مطحون عند التحميص
كل شيء موجود عند العطار
نطحن كل نوع على حدا من المكونات ما عداااااااااااااااااا السمسم ما بنطحن ابدا
بنخلط كل المكونات معا +السمسم
هون ما بنضيف ملح لانه السماق مالح والقضامه كمان
انا طحنت كل شيء على طاحونة القهوه الصغيره
والله ريحته بتشهىىىىىىىىىىىىى
صار عندي نوع زعتر اخر باللون البني
والف شكرررررررررررررررررررررررر
ريتها صحه وهنا يارب
أنا لما نزلتى طريقه الزعر وقولتى عنه دُّقَـــة
قلت أكيد دقتهم غير دقتنا لان أحنا دقتنا غير عن الزعتر
وهاى أكيد دقه الضفه ودقه غزه غير هههه
لخبطت الدنيا
وأكيد دقتك طيبه
انا كنت بعرف طريقه انها بالقمح أول مره أعرف أنها بالقضامه
واعملى منها مناقيش وشوفى ما أطيبها
و يلى خلطيه زعتر ودقه صار (زعتر مدقدق)
كتير طيب تسلم ايدك يارب وصحه وهنا
يسلموا ايديكي توتو
انا حتى علمت جوزي ياكلها هوه مصري رغم انه عمره ماعرفها وصار يخلصها ومانعرف من وين نجيب هيك سهلتي علينا الموضوع بس فعلا اول مرة اعرف انه فيها قضامه الله يسعدك يارب
تسلم ايديك والف شكر ياغاليه
كتبت بواسطة lonle 
ريتها صحه وهنا يارب
أنا لما نزلتى طريقه الزعر وقولتى عنه دُّقَـــة
قلت أكيد دقتهم غير دقتنا لان أحنا دقتنا غير عن الزعتر
وهاى أكيد دقه الضفه ودقه غزه غير هههه
لخبطت الدنيا
انا كنت بعرف طريقه انها بالقمح أول مره أعرف أنها بالقضامه
واعملى منها مناقيش وشوفى ما أطيبها
كتير طيب تسلم ايدك يارب وصحه وهنا
اهلا لونلي حبيبتي شايفه لخبطي الدنيا بصراحه اول مره اعرف شو الدقه
كل فكري انها الدقه هي الزعتر نفسه طلع اشي مختلف تماما
ومحسوبتك على العطار رمح احكيلي شو هي ومن شو مصنوعه واعطاني المقادير والله اعلم
بس صدقا انها زاكيه وعجبتني كتير
القضامه كتير زاكيه فيها وفي الزعتر مرات بنحطها بدل القمح
كتبت بواسطة *عاشقة الاقصى* يسلموا ايديكي توتو
الله يسلمك يا قمر الف شكر حبيبتي
يعني يلي بزرع باب الدار اوفق ما بتطلب من زوجها هههههههه
كتبت بواسطة wbaby انا حتى علمت جوزي ياكلها هوه مصري رغم انه عمره ماعرفها وصار يخلصها ومانعرف من وين نجيب هيك سهلتي علينا الموضوع بس فعلا اول مرة اعرف انه فيها قضامه الله يسعدك يارب
تسلم ايديك والف شكر ياغاليه
القضامه طعمها في الدقه لسا ازكى من القمح جربي
انا اول مره اعرف الطريقه من العطار نفسه
الله يسلمك يا قمر الف شكر حبيبتي
كتبت بواسطة omroro-4 الله يسلمك يا رب
كتبت بواسطة لولوة عنيدة الله يسلمك يا رب
كتبت بواسطة om ayoub الله يعافيكي حبيبتي الف شكرررررررررررررررر
ما شاء الله رووعــــــــــة..ودقة اهل الحجاز غيررررررر..
تسلم الايــــــــــــــــااادي..
لكـ من مـــــ90ـــشاعركل الحب والــــــــود..
تسلمين ..