السلام عليكم ورحمة الله وبركاته
بسم الله الرحمن الرحيم
الفطور وجبة أساسية بيوم الإنسان
والتنويع بوصفات الفطور جيد ومفيد للأولاد
يجعلهم يتناولون الفطور بشهية أكبر
من فترة شفت بسطرمة بالسوبر ماركت
وتذكرت كيف كان والدي الله يشفيه ويمد بعمره بالخير يعمل لنا منها وصفات جميلة
وقررت كرر نفس الوصفات لابني
والحمد لله طلعت متذكرة وصفات والدي ما شاء الله عليه
وعملت هالطبق وزبط معي ولله الحمد
وعفكرة من كثرة ما كنت حب البسطرمة كنت أشتريها
سندويش من محل بالشام موجود بالصالحية
كل ما دخلت على الصالحية لازم مر على هالمحل وأشتري منه يمي يمي ما بنسى هديك الأيام
بسطرمة بالبيض
المقادير:
ملعقة طعام مملوءة سمنة
ملح – بهارات (حسب الاختيار)
4 حبات بيض
شريحتي بسطرمة (حوالي 150غ)
حبة بطاطا مسلوقة ومقشرة ومقطعة لقطع صغيرة
فليفلة خضراء (حسب الاختيار)
الطريقة:
نقلب البسطرمة قليلاً بالسمنة في مقلاة
ثم نضع فوقها البيض ونوزع فوق البيض كل من البطاطا والفليفلة الخضراء
نترك المقلاة على نار هادئة حتى ينضج البيض
بالإمكان قلب محتوى المقلاة على طبق ثم على المقلاة
لنشوي وجه البيض قليلاً
لكن بالنسبة لي وضعت المقلاة بالفرن وشويت البيض من فوق
يعني لك الخيار في أي من هذه الطريقتين
وطلع الطبق بهالشكل الرائع
يقدم مع البندورة المقطعة ويؤكل بالخبز اللبناني
وصحة وعافية على قلوبكم
مع تحياتي ودعائي لكن بالخير حبيباتي
أختكم
أم محمد خير وبشرى الخير
بس شو البسطرمة ؟ ومن وين أخذها ؟
يلا شكلي رح انصح ع ايد ماما تغريد وعاشقة الحلويات
مع اني انا بهرب من ريحتها بس الوالد عنا بحبها جدا
وانا كمان بنطر روح عالشام مشان مر على الصالحية واكل سندويش بسطرمة مع كاسة لبن عيران بالصالحية
ريتو صحة وهنا
دي حمله لدعوة الامهات تشجيع ابنائها على الافطار وخصوصا في الصيف
بماذا تنصحيني للبسطرمة يعني افضل نوع مثلا
انت في الشارقة وانا في ابوظبي وبيني وبينك اشارة مرور وسالك والقطار السريع نسيت اسمة واصدقائه ))))))))))))))
تسلم الايادى على الطبق الجميل
وريته ألف صحه وهنا