يارب تكون الهمه واخداكم زيى كده وبتوضبوا حاجات علشان رمضان كل سنه وانتن طيبات
المهم انا جهزت صينية جلاش بالجبن والزيتون وقلت أوريهالكن برغم إنى عارفه إنها أكيد موجوده فى الوصفات هنا قبل كده بس أهو زيادة توكيد
المقادير :
1/2 لفة جلاش
250 جم جبنة فيتا
حوالى 3 ملاعق كبيرة حليب
زيتون شارئح حسب الرغبة
سمن سائح
الطريقة
الأول خلطت الخلطة مع بعضها اللى هيا الجبنة والحليب والزيتون لحد مابقت كريمى وسهلة الفرد
وبعدين رشيت شوية سمن فى أرضية الصينية
وابتديت أحط طبقات الجلاش وبين كل طبقه وطبقة رشة سمن
وبعدين حطيت طبقة ومارشيتش عليها سمن علشان أفرد عليها الحشوة
ورحت فارده الحشوه عليها ووزعتها كويس
وبعدين رصيت بقية الطبقات وبرضه سمن بين كل واحده والتانيه بس على خفيف علشان مايبقاش دسم أوى
لغاية ماخلصت الطبقات ورحت مقطعاها مربعات ورشيت سمن على الوجه وعلى الفريزر
وكده يادوب أطلعها يوم ماأحتاجها وأحطها فى الفرن مع كباية حليب وبيضه مضروبين مع ملح وفلفل وتطلع أحلى صينية جلاش بالجبن وبالهنا
الله يسلم ايدينك ويعافيييك يالغلا (:
