ازيكم يا بنات، ان شاء الله هاعمل لكم شاورمة الدجاج اللي كلنا بنحبها و هنحبها أكثر لما نعملها بايدينا
المقادير:
4 صدور دجاج مخلية و مقطعة شرائح.
بصلة متوسطة مفرومة.
1 طماطم جامدة تخلى من البذور و تقطع مكعبات صغيرة.
2 معلقة كبيرة بقدونس مفروم.
2 معلقة صغيرة خل.
2 معلقة كبيرة زيت.
ملح ، فلفل ، بهار.
الطريقة:
نخلط كل المقادير مع بعضها و نغطيها و ندخلها الثلاجة حوالي 4 ساعات.
نحط المقادير في صينية بايركس و نغطيها بالفويل و ندخلها فرن متوسط الحرارة.
نرفع الفويل من وقت للآخر و نقلب الشاورمة و بعدين نغطيها تاني.
لما تستوي نشيل الفويل و نسيبها شوية في الفرن عشان تتحمر.
نقدمها مع سلطة الطحينة و السلطة الخضراء.
و بالهنا و الشفا
هذي الشاورما
صراحة شكلها يغري وان شاءالله اجربها
شكرا يا nor 4 يا حبيبتي ويا رب تجربيها و تعجبك
ان شاء الله أجربها
الشاورمة فعلا لذيذة و لو جربتيها هتعجبك ان شاء الله