بصراحه يا اخواتي العزيزات بالأمس كنا في عشاء مدعوون..وتذوقت محشي طعمه رهيب…
حيث انه فيه طعم حالي..يعني حلو مش مالح..وهالمحشي كان ورق عنب ودولمه(محشي البصل)
فيا ريت من عندها طريقته ومضببوطه ميه في الميه تعطيني اياها..وللعلم المحشي كان ماشاء الله
مش فيه مرق كثير بالعكس نا شف وطري…((يمكن تقولون لي ليش ما سألتي صاحبة العزومه
….بصراحه ما حبيت اسألها … خفت انحرج..)) تدرون بعض الحريم ما يعلمون…ياريت اللي تعرف طريقة هالمحشي تخبرني فيها الله يعطيه العافيه وتقبلوا تحياتي……
اختكم انفال:
وانشاء الله ما تتأخر علينا….
يعني معقول ما في احد ما يعرف الطريقة اللي بغيتها….صار لي يومين
انتظر وما قصرت اختي اربقية …لكن وين الباقي….؟؟؟؟؟؟
لكن معليش ….ما زال عندي امل…..
وانا في انتظاركن…..اختكم انفال
اتمني ان يفيدك
الطريقه عندي وانا بو هندي…….بس كم تدفعين (لا تخافين أضحك..
).وهي بكل بساطه مع الخلطه اللي تطبخين فيها الملفوف( الماء مع الماجي وقليل من البهارات مع الليمون والزيت )………ضعي قليل من السكر ..حسب مقاس قدرك اذا صغير تكفيه ملعقه كبيره واذا متوسط ملعقتين واذاكبير ثلاثه..وهكذا…تحصلين علي الطعم الخطير…حامض حلو.
أما بالنسبه لـ…ناشف وطري …..يمكن تكون الطريقه نفس اللي أسويها ويمكن لأ….
علي العموم يا أنفال طريقتي……… أني أضع ورق العنب في قدر مغلف بالقصدير من
داخل لما أخلص رص الملفوف بالقدر أجمع عليه القصدير اللي تحته واللي فوقه بحيث انه تكون النتيجه الملفوف (ورق العنب ) ملفوف من كل الجهات بالقصدير وموضوع داخل قدر…..
نسيت أقولك…لازم تخرمين القصدير بالشوكه من كل الجهات بس مو كثيرمن قبل ما تفرشينه بالقدر…ثم تصبين عليه خلطة الطبخ وتتركينها تفور كذا مره ثم تقصرين النار عليه الي أن تستوي(تري ياخذ وقت أكثر من العادي شوي) ولما تطلعينها أتركي القصدير مغلق وارفعيه كما هو حتي تنزل القطرات المتبقيه من ماء الطبخ ثم اتركيه حتي يبرد ثم افتحي القصدير .
انشاء الله أكون أفدتك اختي……بس تري من زمان ما سويت هالطبخه…يعني اذا ما ظبطت
معاك…أكون أنا السبب…فمن الحين سمحيني….مقدما.
*****
حفصة000اختي ما يأثر القصدير على الطبخة 00أقصد ان وجود حامض مع القصدير يخليه يتحلل شوية حتى تشوفين لون القصدير متغير 00000 ويمكن بدل القصدير عشان اختصار الوقت تسوينه بقدر الضغط00000 حبيت اعطي رأيي 000 وانت كيفك0000وسلامتك0000
*****
وانا بالانتظار الى ما تردين يابنت النيل
اختي العزيزه حفصه بنت الديره..
..راح اجرب طريقتك…ولاتخافين مسموحه ياختي…وانا متأكده انها تمام…انشاء الله…
وجزاك الله خير..
اختي العزيزه روان…اشكرك على تواصلك…ونجرب بجدر الضغط…لأني تذكرت ان في جدر الضغط..مشخال..ونشوف النتيجه…
والله مشكلة هالمحشي مشكله….
وتقبلوا تحياتي…انفال