عندي كمية من الحبية اللي هي نوع من انواع الحبوب
بس ما اعرف شنو نوع الطبخات اللي تصير
اذا ممكن واحدة من الخوات تسعفني قبل ما تتلف
وشكرا مقدما
راح اكتبلك طريقه عندي شهيه جدا اولا تغسلين الحبيه ثم تفوريها دقيقه عالنار بعدين تشيليها من النار و تخلين القبغ مال الجدر فد ساعه و تكون جاهزه للطبخ
هسه تجيبين لحم غنم او عجل بس يكون شويه دهين يطلع اطيب تحمسين اللحم مع راس بصل عالنار بعدين تضيفين ماء و ملح طبعا و دعي اللحم يستوي و قبل ما يستوي كلش تضيفين الحبيه و تخليهم يستوون و تضيفين الصبغه الصفراء حتى يطلع اصفر طبعا الطبق النهائى يؤكل مثل الرز مع سلطه خيار و طماطه و بصل و تكون شويه حامضه و الف عافيه
ما تزعلى خلاص بس سامحينى شو يعنى الحبية ما فهمت ما إلها اسم تانى؟ بلكى أكون بعرفلى شى وصفة فيها
سلام يا قمر
لا ولا يهمك
بس ما اعرف اسمها الثاني شنو
لكن اكيد انتي تعرفيها بس الاسم اللي يخون لأنها موجودة بكل مكان وتصوري انا اعيش ببلاد اوربية وشفتها عندهم وانا كنت احسب انه بس العرب يعرفوها
على العموم شكرا على رغبتك للمساعدة
عراقية بغدادية
شكرا رح اجرب طريقتك
بس الصبغة الصفرة تقصدين بيها الكاري لو صبغة الزعفران؟
واذا انتي من العراق مو هي هاي الاكلة اللي بالموصل يسموها كشكا ؟
صحيح لو غلطانة؟
وشكرا جزيلا مرة ثانية
وراح انتظر ردج يا اختي و اتمنى تعجبكم لان اني اموت عليها بس اني اسويها شويه دهينه زايد تقدرين تستعملين دهن زيت طبعا.
و الحبيه هي حبوب الحنطه على ما اعتقد
عموماً بنسأل ونشوف يا قمر.
تحياتى لك وللأخت عراقية بغدادية
سلام
الحبية هي القمح الكامل بدون جرش
عراقية بغدادية
ربنا يعطيك الخير ويوسع رزقك بتعرفي كان نفسي اعملها بس كنت مترددة لاني ما بعرف الطريقة
ومن كم سنة وانا مشتهيتها..
كانت جارتنا العراقية الله يذكرها بالخير كل ما سوتها تبعث لي صحن مخصوص
تسلمي وتسلم الاخت شمس اللي سألت.
اختي وعود الله يفرحك مثلما فرحتيني فقد سعدت لاني ساعدتك و ان شاء الله تعجبك …شكرا على ردك يا اختي
شموسه هاي وينج ????شصار من الحبيه??
تدرين عراقية آني زوجي من الموصل بس آني بعيدة عن اهلة يعني همة بالعراق وآني ببولندة لذلك ما علموني هاي الاكلة بس سمعتها من زوجي
ومن انتي علمتيني اياها رحت ركض وتناوشت الحبية والجدر وطاخ على طيخ
وهوب صارت الطبخة ومضبوطة بس شوية معجنة وكلت مرة ثانية اقلل المي
على العموم شكرا
بس انتي وين عايشة هسة؟حتى ادزلج ماعون
وشكرا مرة ثانية
