₪طبق متميز₪amanas_88 تعالى صورتلك عمايل الكفته البانيه والبطاطس الكروكيت 2024.

ازيكن بنوتات
من فترة كنت نزلت موضوع عنوانه شوفتوا عزومتى ؟
شوفتوا عزومتى ؟
وطلبت منى الأخت amanas_88 طريقة الكفتة البانية والبطاطس الكروكيت وأنا كتبتهملها لكن ماكانش فيه صور للطريقة والنهاردة عملتهم تانى وقلت لازم حتما ولابد أصورلها الطريقة ، يللا اندهولها تشوف طلباتها أوامر

الكفتة :
أولا اللحم المفروم حطينا عليها البصل المفروم والنعناع المفروك

بعدين قلبناهم وحطينا بيضاية وشوية بقسماط وطبعا ملح وفلفل

وكده الكفتة جاهزة للتصبيع

وآدى الكفتة بعد ماتصبعت فى الصينية ولاحظوا فيه كفتات صغننين ودول بأه اللى حانستعملهم فى حشو البطاطس الكروكيت

البطاطس الكروكيت :
آدى البطاطس بعد ماسلقناها

وقشرناها

وهرسناها وحطينا عليها ملح

وآدى أول دوريايه

وحطينا جواها الكفتة الصغننة اللى قلتلكم عليها

وقفلناها كويس

وآدى بعد مارصيناها فى الصينية والمدورة دى مش محشية لزوم النباتيين

وبعدين كله فى الدقيق والبيض والبقسماط وهب تحمير فى الزيت وبالهنا