السلام عليكم ورحمة الله وبركاته
طبعا انا كنت محتارة شو اكتبلكم لانكم بسم الله ماشاء الله كل واحدة اشطر من التانية
قلت خلينى اقلكم على طريقة عمل المنسف بطريقة غير المعتاد عليها وغير التقليدية
بس طبعا بتطلع بتشهي وانا متاكدة انها راح تعجبكم
نبدا 
المقادير:-
(1) لتر لبن خاثر ( لبن مو حليب)
(1ونص ) ملعقة كبيرة نشا
(2( كوب روب (زبادي)
(1) بيضه)
(1) ملعقةة صغيرة هيل مطحون
راس ثوم مقشر ومقطع دوائر
نعناع ناشف
خبز رقاق أو هش (حسب الرغبة)
لحم عربي او حسب الرغبه
رز (بشاور)
الطريقة: 
أو شي بنسلق اللحم (وعلى فكره عشان تطلع المرقة تبعت اللحم لذيذه دايما اضيفي للحم عند السلق حبة طماطم مقطعة صغير كثير وحبة فلفل اخضر حلو كمان مقطعة صغير + طبعا بهارات اللحم وشوية قرفة وشوية جوزة الطيب والملح والفلفل الاسود وبصله طبعا ومكعب ماجي اذا حبيتى.
اول شي:-
نضع في الخلاط الكهربائي اللبن الخاثر واللبن الروب والهيل والنشا والبيضه ونخلطهم لحد ما يتجانس الخليط.
وبعدين نضع الخليط في طنجره وبتظللى اتحركيه طبعا لحد ما يجمد شوي (يعنى يصير شوي مثل المهلبية شوي)
ثم تضاف مرقة اللحمه على الخليط مع اضافة اللحم طبعا ويترك الى ان يغلي.
ثم يقلى الثوم بزيت زيتون ثم يضاف على الطبخة (اللبن)
ثم نقوم باضافة النعناع الناشف على الطبخة ويترك أن تغلي خمس دقايق. (خلصت الطبخة)
بتطبخي الرز طبعا عادي والافضل ينطبخ بمرقة اللحم اللى سلقتيها.
بصينية كبيرة طبعا :
تقومي بتفتيت الخبز (الرقاق) في الصينية وبعدين تقومي بتشريب الخبز بالمنسف( اللبن المطبوخ) ويترك شوي الى أن يتشربه الخبز
ثم تقومي بوضع الرز فوق الخبز بطريقة مرتبه طبعا
بعدين بتشيلي قطع اللحم وبتوضعيها فوق الرز بالنص طبعا وبطريقة مرتبه.
للتزيين:
تحمصي اللوز والصنوبر وبتوضعيهم على اللحم والرز وبترشي فوقهم شوية نعناع اخضر طازج مفروم (شوي يعنى) او بقدونس (كيفك)
وممكن تسلقي البيض وتحطيه على الجوانب (كمان للزينة)
وبالنسبة للبن المطبوخ يوضع في صحن طبعا غميق
وبينوكل مع الطبخة
وبالهنا والشفا يا صبايا انشاء الله اكون فدتكم بشيء
وجربوها كثير راح تعجبكم وخصوصا في العزايم وطعمها كثييييييييييير زاكيييييييييييييييي 
ومنكم نستفيد
شكرا لك
آه يا روحي منسف فلسطينى جربيه وراح يعجبك كثير
بتعرفي كل منطقة والها طريقتها وهادا مو بالجميد عشان هيك يمكن استغربتيه
لانه في ناس كثير ما بتحب تعمله بالجميد
شكرا حبيبتى على مرورك 
أو شي بنسلق اللحم (وعلى فكره عشان تطلع المرقة تبعت اللحم لذيذه دايما اضيفي للحم عند السلق حبة طماطم مقطعة صغير كثير وحبة فلفل اخضر حلو كمان مقطعة صغير
كانن صاحباتي ايام الدراسه يقولن من الخليل طبعا بيحطوا طماطم مع اللحم مش عارفه يمكن انتي من هناك
سلم هالديات يا اختي
تسلم يدك أختي يعطيك العافيه 
انا من رام الله
واتعلمت موضوع سلق اللحم على هاي الطريقة من اللّحـــام (يعنى اللى بيبيع اللحم)هوه اللى دلنى على هاي الطريقة
يبقا اكيد هوه من الخليل
شكرا على مرورك حبيبتى
سلم هالديات كمان مره
انتي ساكنه في رام الله والا مغتربه
طبق لذيذ
وننتظر منك المزيد
تسلم ايدك على المنسف اللذيذ
في طور التنفيذ بمشيئة الله
لا انا عايشه في الكويت
وعموما جربيه وراح تعرفي انه كثير طيبه هاي الطريقة
احاسيس صحتين وعافية وجربيه وما راح تخسري