ريش الضاني بخلطة الزبادي والنعناع 2024.

السلام عليكم ورحمة الله وبركاته
ازيكن جميعا ان شاء الله بخير

اليوم هاقدم طبخة لسة طازة سخنة من الفرن
ما حدش لسة اكل منها مستنية عيونكن
يعني انتوا اول من يدوقها
يا رب تعجبكن
يلا بسم الله
المقادير
للتتبيلة 4 م ك زبادي
3 فصوص توم مفروم
كبشة يد نعناع اخضراو ناشف
كبشة يد كزبرة خضراء
ملح وفلفل م ك خل

ريش او فخذة لحم ضاني بصل مقطع جوانح وقليل من الفلفل الاخضر

التتبيلة دي مخصوصة فقط للضاني ما جربتهاش في اللحم العادي
وبتبقي اجمل لما تتشوي
الطريقة
تخلط مكونات التتبيلة
وتدعك بها الريش وتنقع لمدة ليلة كاملة في الثلاجة
نقطع البصل ونفرشه في قاع الصينية ونرص اللحم
وننثر قليل من البصل والفلفل الاخضر من اعلي
ندخلها الفرن لمدة ساعة وربع 400 درجة
او حسب اللحمة اللي عندك
ونفتح عليها الشواية لمدة 5 ق
وتقدم بالهنا والشفا
لاكي