اليوم جايبلكم طريقة صالونة الباذنجان …. والطعم ولا اروع
نبدأ بالمكونات :
بصل ، طماطم ، ثوم مطحون أو غير مطحون حسب الرغبة ، فلفل أحمر مطحون ، بهارات ( بزار ، هال ، كمون ، ملح ) ،
ماجي ، فلفل أخضر ، كزبرة ، صلصل ، باذنجان بس نسيت أصوره ، بطاطس حسب الرغبة ….
الطريقة :
1- نقطع الباذنجان والبطاطس ونحطهم بماي وملح شوي عسب مايصير لون الباذنجان أسود يوم يتقلى..
2- قلي الباذنجان لين ما يصير لونه أصفر شوي …
3- قطعي البصل وحمصيه لين مايصير لونه أصفر شوي وحطي باقي المكونات عدا الباذنجان…
4- صبي على المكونات ماي بس مب وايد يعني لين مايصير جذي ولا تنسي تحطي ملح واطعميه لين ما تحسي انه طعمه زين…
5- حطي الباذنجان وصبي شوي ماي…
6- خلي الصالونة على نار هادية لين ما ينشف منها الماي بس مب كله خلي شوي ماي ف الصالونة…
وهذا الشكل النهائي وعليكم بالعافية…
ها شو رايكم؟؟؟
تاج النساء
وشكرا لكل المشرفات القائمات على المنتدى الغالي
ويسلموو ا ايديك على الطبخه
شكلها بيشهي
<<<<< ماتعشت الاخت
بس حبيت اسأل ينفع معاها لحم مفروم ؟؟؟
تحياتي لك …
تسلم الايادي يا قمر
أختي """تاج""" تسلم يداك على الأكلة الرائعة….بتشهي..
يسلموا ايديكي تاج النساء على الطبق الشهي
يسلموا سواد على تصغير الصور