السلام عليكم
صباحكم / مساكم ورد وفل
اليوم جايبة لكم طبخة من مطبخي … واهي ورق عنب بصبار " تمر هندي " ودبس الرمان …
اول شي نبتدي مع مكونات الحشو …
نحتاج زجاجة ورق عنب – – ربع كوب دبس الرمان – بصلة كبيرة مقطعة صغار -2 فص ثوم مهروس – طماطة كبيرة مقطعة صغار – شدة شبنت وشدة بقدونس مفرومة – كوب وربع عيش " رز " – ملعقة كبيرة بهارات مشكلة – ملعقة صغيرة فلفل اسود مطحون – ملعقة صغيرة ملح – 2 ملعقة كبيرة زيت زيتون- بطاط مقطع دوائر لقاع الجدر …
الطريقة …
نحط زيت الزيتون ونحمس معاه البصل وبعدين الثوم .
نضيف لهم الطماط والشبنت والبقدونس .
بعدين نضيف العيش " رز " والبهارات والملح والفلفل .
نضيف لهم الطماط والشبنت والبقدونس .
بعدين نضيف العيش " رز " والبهارات والملح والفلفل .
هذا شكل الحشو …
نجهز الجدر ونحط في قاعته شوي زيت زيتون وبعدها نرص البطاط المقطع دوائر …
وهذا شكله …
نجهز ورق العنب ونحط في كل وحدة مقدار ملعقة كبيرة او على حسب حجم الورقة …
انا عن نفسي استخدمت آلة شريتها من السوق عجيبة بالشغل وتسهل عليج اللف ..
وهذا شكلها …
نرص ورق العنب فوق طبقة البطاط …
وهاذي اول طبقة …
ونلف باقي ورق عنب حتى تنتهي الكمية …
وهاذا الشكل النهائي بعد لف كل الكمية …
نجهز الصلصة ….
مكوناتها عبارة عن …
نص كوب دبس الرمان – علبة تمر هندي " صبار " مذوب في كوبين ماي – علبة معجون طماط – ملعقة كبيرة سكر – رشة ملح ..
هاذي صورة بعض المكونات … تمر هندي " صبار " – دبس رمان – زجاجة ورق العنب …
نبتدي بنقع الصبار في ماي وبعدين نشخله من الشوائب حتى يصير عندنا سائل صافي .. ونضيف له باقي المكونات ..
من الممكن زيادة السكر او تقليل بعض المكونات .. على حسب الذوق ..
ومن الممكن زيادة الماي على حسب الحاجة …
نصب الصلصة على جدر ورق العنب اللي لفيناه …
وهاذي صورتهم …
نحطه على نار عالية بالبداية حتى يبتدي بالغليان …
بعدين نحطه على نار هادية حتى يستوي او يبتدي الماي ينشف …
بالاخير نغرفة في طبق .. وبالعافية …
هاذي صورة شكله النهائي …
تبون الصرااااحه طعمه عجيب وحاااااامض حلو …
الشكر لاختي اللي ساعدتني بهالطبخة ….
سامحوني اذا التصوير مو واضح …
قوقولي اشراايكم … لا تحرموني من ردودكم الحلوه ..
تحيااتي …
[/url] ننتظر مشاركة جديدة بوصفة جديدة يا غالية
بارك الله فيك
يسلموا ايديكي اختي
الله يسلمكم منوربن ..
مممم
الحمض راكز والورق لذيذ
الحمض راكز والورق لذيذ
يسلموا الايادي يا رمانة
بانتظار المزيد من اطباقك الشهية