يعطيكم العافية صبايا
اليوم جايبتلكم اكلة كتير طيبة يخنة البازيلا مع الخضار واللحم
نيجي للمقادير
نص كيلو بازيلا مع جزر مفرزة
نص كوب او ربع كوب ذرة حسب الرغبة
حبة بطاطا وسط مقسمة مربعات ومقلية
بصلة صغيرة مقسمة بالطول ريش يعني
بنحطهم كلهم بطبنجرة فيها شوية زيت ماعدا البطاطا
بنقلبهم لحتى يستوو
اخر شي بنضيف عليهم الملح والبهارات المطحونة حسب الرغبة
وبس نطفي عليهم بنحط البطاطا المقلية
وهاد شكلهم بعد الاستواء
بنكون سالقين اللحمة مع بصلة وبهارات صحيحة وملح
انا استخدمت لحمة من رقبة الخاروف
بس تستوي بنصفيها من البهارات والبصل
بنضيف مرقة اللحمة عالخضار وبنحط عليهم معلقة ماجي
ورب البندورة
وبنخليهم على نار هادية يتسبكو منيح
اخر مرحلة بنضيف التومة المفرومة والمقلية بشوية زيت زيتون
بنقدمها مع الرز
وهاي صورة اقرب
قدمت معها مكبوس الفليلفة الحلوة والحرة ممم
وان شاء الله قريبا بدي انزل طريقتا
بتمنى طبختي تعجبكم
واعزروني صبايا لاني امبارح نزلت الموضوع من دون صور
بس كان في خراب من الجهاز
في امان الله
شكلها شهي جدا
تسلم ايديكِ
تسلم ايدك يارب
وريتها الف صحه وهنا عليكم حبيبتي
كتبت بواسطة جبال الثلج 
شكلها شهي جدا
تسلم ايديكِ
واديكي حبيبتي جبولة
كتبت بواسطة أم مــــالــــك تسلم ايدك يارب
وريتها الف صحه وهنا عليكم حبيبتي
واديكي ياعمري
كتبت بواسطة بحيرة البجع واديكي حبيبتي ام انس
تسلم الأيادي يا قمر بتشهي
الله يسلم الأيادي