السلام عليكم و رحمة الله و بركاته ازيكم يا بنات وحشتوني أوي معلش أنا غبت عنكم يومين عشان كان عندي عزومتين و الحمد لله عدوا على خير 
و عشان التأخير ده قلت لازم أعمل لكم حاجة حلوة و فضلت أفكر أعمل ايه قلت ما فيش غير البسيمة و يا رب تعجبكم
المقادير:
2كوب دقيق.
1كوب جوز هند.
1كوب سكر.
2بيضة.
فانيليا.
2معلقة صغيرة بيكنج باودر.
نص كوب حليب.
3معالق سمنة.
مقدار من الشراب مكون من (كوب سكر، نص كوب ماء، نص ليمونة صغيرة ، فانيليا،
معلقتين سمنة)
مكسرات مفرية للتجميل.
الطريقة:
نضرب البيض مع الفانيليا ونضيف السكر و السمنة و نستمر في الخفق و بعدين نصب الحليب على الخليط ونقلبه كويس و بعد كده نضيف باقي المقادير و نعجن كويس و نصب العجينة في صينية متوسطة مدهونة و ندخلها فرن متوسط الحرارة و عندما تنضج نسقيها بالشراب و هي ساخنة و نزينها بالمكسرات.
عزيزتي تسلم ايديك على احلى بسيمه……..
بس عندي سؤال انتم ما تستخدمون السميد بدل الطحين في البسيمه….
والله يعطيك الف عافيه….
وحشتيني و وحشتني حلوياتك
في الحقيقة احنا بنعمل البسيمة بالدقيق ولو انتي عندك طريقة للبسيمة بالسميد ممكن توصفيها لي!!
سنفورة ازيك يا حبيبتي يا رب تعجبك البسيمة و ألف هنا و شفا رمضان كريم