وعساكم على القوه
وحبيت اقدم لكم هذى الكيكه اللذيذه والخفيفه
هذى الكيكه انا معتمدتها من سنين وتعودت عليها وماحب اغيرها
لكن دايم اغير في نكهاتها
مره بالحليب ومره بالككاو ومره بالقهوه ومره بالبرتقال وهكذااااااااااااا
هالمره جربت نكهات الجلي
يعني ممكن تسوين اي كيكه انتي تحبينها وتحطين فيها الجلي حتى يعزز من النكهه
كيكة جلي الليمون
تسوين اي كيكه تضبط معاج
وتحطين فيها 4 ملاعق جلي ليمون والقليل من بشر ليمونه
انا كان ودي احط جلي الليمون الاخضر عشان الكيكه تاخذ لون بس مالقيت
وحطيت الاصفر
وادخلينها الفرن لما تستوي
وبعد ما تطلع من الفرن وتبرد اشوي تحطين عليها هذا الشربت
ربع كوب عصير ليمون … 2 او 3 ملاعق شيره … تخلطينهم مع بعض … ممكن تذوقينه وتخففين من حموضة الليمون بالشيره وكلن وذوقه
ملاحظه : لاتحطين كل الشربت يعني كل وحده وكيكتها وارتفاعها
وتحطينه على وجه الكيكه
وطريقة التزين تكون على ذوقج
انا رشيت الجلي على الكيكه وطلع شكله لذيذ وحامض حلوو ولون اصفر مناسب الكيكه
وعليكم بالعافيه
وخلوني اوريكم الحين كيكة جلي الفراوله
نفس الطريقه نسوي اي كيكه مضبوطه معانا
وبعدها نضيف عليها 4 ملاعق جلي الفراوله
ونخبزها لما تستوي بالفرن وبعدها نطلعها ونخليها لما تبرد تماما
والشربت اهني مكون من :
مربى مخفف بالقليل من الماء … وخليه متوسط السيوله يعني مايكون ثقيل ولا خفيف
نقسم الكيكه حق نصين ونشربها بالشربت ونحط فيها الكريمه وبعدها نحط عليها القسم الثاني ونشربه بالمربى وبعدها نزينها بالكريمه … والخطوط سويتهم بالجلي
وكل ما ابردت الكيكه تصير احلى واحلىىىىىىى
وان شاء الله تعجبكم
مقادير الكيكه :
خمس بيضات + خل اشوي حق ريحة البيض
1 ونص كاس طحين
1 ونص كاس سكر ناعم
ثلث كاس زيت
ربع كاس حليب سائل
اشوي فانيلا + 1 م متوسطه بيجن باودر
الطريقه :
نخلط البيض جيدا حتى يبيض لونه
ونضيف له الفانيلا والخل
ونضيف السكر ونخلط جيدا حتى يتجانس تماما
نضيف بعدها الزيت ونخلط
ونضيف بعدها الطحين والبيكن باودر ( نخلي السرعه ابطئ شي )
ولا تكثرين خلط فيها…. ثم نضعها في قالب الفرن بعد دهنه ورشه بقليل من الطحين
وخليها على درجة 160 درجه حتى تنضج
لمدة ساعه الا ربع
هذى الكيكه انا دايم اسويهاااااااااا وتضبط معاي بس اغير من نكهاتها
وتستاهللونها حبيباتي
وتستاهلي والله كل خير
والكيك باين عليه روووووعة
تسلمي ياقمر
وكلك ذوق وإنت أم الكرم وشكرا على هالكيك الحلو وبقى علينا الشاي والعصيرات والقهوة خليها علي
تستاهلين إنت وجميع الأخوات الكريمات.
الركن والله منور بيك وما أستغني عنك أبد..
دمتي غاليتي……….
يبارك في حياتك وتسلميييييييي كلك ذوووووق
لبلبه
هلا حبيبت قلبي
تسلمين على هالكلام الحلو والمشجع
واغمرني كرمكم
وتستاهلون الكيك البسيط هذا
وانتظر الشاي والقهوه منك
و الف الف مبروووووك تستاهلين يا غالية التميز و ان شاء الله دائما متألقة حبيبتي
تسلم الايادي يا غاليه و الف مبروك على التكريم
والله يعطيك العافية لى هدا المجهود وشكل الكبكات روعة
ومشكوره على الكيكه الذيذه