السلام عليكم ورحمه الله وبركاته
هلا فيكم اخواتى الاعزاء
اليوم جايبلكم طرقتى فى السينابون اتمنى تعجبكم
انا عامله مقدار صغير انتى فيكى تزودى
المقادير
كوب لبن
2 ونصف كوب دقيق
بيضه
قطعه زبده حوالى اربع معالق كبيره
فانيلا
2 معلقه كبيره خميره فوريه
نصف كوب سكر
وطبعا قرفه
الطريقه
ندفى كوب اللبن بعدين ناخد منه معلقتين كبار نحط عليهم الخميره الفوريه ومعلقه سكر مش عايزين نحط على الخميره مايه عشان العجينه كلها تكون باللبن ونترك الخميره ترتفع على جنب
وباقى اللبن الدافى نضيف عليه الذبده والسكر والبيضه والفنيلا ونخفقه
بعدين نضيف الخميره لما ترتفع
ونقلب ونضيف الدقيق بالتدريج ونعجن واذا احتاجت دقيق زياده ضيفى بسيط لحد ما العجينه تلف معاكى
كده
بعدين سبتها تخمر ساعه الا ربع
بعدين تبداى تفردى العجينه على سطح مدهون بسيط زبده
بعدين تدهنت سطح العجينه بالذبده على خفيف بعدين رشيت قرفه وسكر
بعدين طبعا لفيته رول
بعدين بدات اقطعه وانا مش بحبه اقطعه بالسكين فى طريقه افضل بالخيط كده متخليش اطراف السينابون اللى فوق واللى تحت تلزق فى بعضها بالشكل ده
بعدين رصيته فى الصنيه وتركته يخمر تانى حوالى نص ساعه كنت مستعجله لوسبتيه اكتر يكون افضل ودخلته الفرن على حراره متوسطه
اثناء هو فى الفرن جهزت الصوص والمكسرات
طبعا لبن مكثف
ومكسرات مجروشه عين جمل ولوز واهم شىء تحمصيهم شويه على النار
والكراميل اللى على شكل ملبس ده فكيته وحطيته عليه معلقتين مايه ودوبته على النار
لحد ماداب خالص معلش نسيت اصور الخطوه دى
اقل من ربع ساعه طلعت السينابون من الفرن ورشيت عليه المكسرات واللبن المكثف والكراميل بزياده عشان بنحبه كده وده شكله النهائى اتمنى يعجبكم
وصوره تانيه
وصوره تالته
اتمنى يارب يعجبكم
طالع من ابدك بجنن وبهوس وشكل الكرامبل والمكسرات روعه
مس بقولك عندك مواهب مدفونه ولازم تظهر
تسلم يديك على الطبق الحلو
تسلم ايديك والله يعطيك العافية ياقمر
ما شاء الله .. تبارك الرحمن
ما شاء الله عليكي حبيبتي
السينابون شكله يجنن و يشهي
تسلم إيديكي و تسلمي و يعطيكي الصحة و العافية
و صحتين
ما شاء الله عليكي حبيبتي
السينابون شكله يجنن و يشهي
تسلم إيديكي و تسلمي و يعطيكي الصحة و العافية
و صحتين
تسلم ايديكي عزيزتي
روعة كثير
يعطيكي الف عافية