كان نفسى اعمل الكنافة النابلسية بعد مااكلتها فى مطعم سورى بس مش عارفه اجيب منين الجبنه النابلسية او الحلوم فجت فى دماغى المثل اللى بيقول الشاطرة تغزل ب0000000000000 اكيد عارفين
ماعلينا
فقلت مافيش غير الموتزاريلا هى اقرب طعم
المقادير
نص كيلو كنافة
جبنه موتزاريلا
سمن سايحة
الشربات
3 كوب سكر
كوب ونصف ماء
نصف ليمونه
فانيليا
الطريقة
نعمل الشربات بندوب السكر فى الماء على النار وقبل مايغلى نضع الليمون ولما يغلى نطفى ونضع الفانيليا ونتركه يبرد
نيجى للكنافة ندهن الصينية سمن ونقطع الكنافة صغير جدا ونضع عليها سمن كتير وبعدين نضع نصف الكميه فى الصينيه ورشه سمن ثم نضع الجبنه الموتزاريلا بس بعيد عن الحواف ثم نضع النصف الاخر ونضغط عليها جامد ونرش سمن وضعها فى الفرن او ماتحمر نطلعها ونضع عليها الشربات
والف هنا يارب تعجبكم زى ماعجبت كل اللى كلها
ملحوظة ممكن ننقع الجبنه الموتزاريلا فى ماء لمدة ساعة او اقل لو كانت مالحه شويه
كان نفسى اضيف الصورة بس مش عارفه انزلها
أطلعي غاليتي على هذا الرابط سيساعدكِ
طريقة كتابة موضوع في المنتدى وإدراج صورة فيه ..خطوة خطوة مدعم بالصور