بصراحة استغربت الساعة حوالي التاسعة و النصف ليلا و لكن الام تجيب بشكل طبيعي و الخال "زوجي" لم يعلق… بعد قليل نزل العم الذي يعيش معهم في نفس البناية .. و زوجته و جلسنا معا و بعد فترة سال ايضا عن الفتاة و سمع نفس الجواب من اخ الفتاة.
مرة أخرى.. لا تعليق.
وصلت الفتاة قبل الحادية عشرة بقليل.. لاحظوا اتكلم عن اوقات بالليل .. و هم يسكنون في منطقة صغيرة لا تصلها المواصلات ليلا الا نادرا و لا تصلها بعد التاسعة ابدا…
السؤل الوحيد الذي وجهته الام لابنتها: مين وصلك ؟ فاخبرتها بان صديقتها اوصلتها للبيت.. ثم اخذت تحدثنا عن الاصناف التي حضرتها الصديقة المضيفة و غير ذلك..
الام و الاخ و العم و الخال و الخالة "و هي ايضا زوجة العم" … و انا .. زوجة الخال.. لم يقل اي احد منهم للفتاة لماذا تأخرت … ؟؟ و لا لماذا لم تطلبي من احد منا ان يأتي لايصالك… كلنا جلسنا نستمع كأن الطبيعي و العادي و المألوف جدا ان تدخل علينا البنت في تلك الساعة لتخبرنا بفعاليات السهرة …
الفتاة انا اعرف انها مؤدبة و انها لا تسيء التصرف .. و هي ما شاء الله جميلة، و في الثالثة و العشرين.. و لكن علق ببالي سؤال كبييير .. "الحق على مين" ؟؟
على الاب المغترب الذي يأتي بالسنة مرة ليرى اولاده الذين اصبح اصغرهم مراهقا؟؟ مع علمي الاكيد بان وجود الاب في جلسة كجلسة الامس ما كان ليغير منها شيئا يذكر.
أم على الأم التي سمحت لابنتها ان تتأخر الى هذا الوقت، و ربما اطول منه في اوقات لا نكون فيها موجودين؟؟
أم العم، الذي يعتبر المسؤول عن ابناء اخيه في غياب الاخ ؟؟ و الذي لم يقل للفتاة كلمة واحدة و لو تعبر انه مستاء من تأخيرها؟؟؟؟؟
أم الخال، الذي اعرف ان الفتاة و اخوتها يحبونه و لو قال كلمة حق في ذلك الموضع لربما غيرت في الامر شيئا؟
ام الاخ، الذي لم تحركه غيرته التي من المفروض ان تكون طبيعية، على اخته، التي دخلت امامه من الباب في هكذا وقت، و هو "رجل البيت" في غياب والده.. و هو ليس صغيرا فهو في الحادية و العشرين,, بل اسمعها تعليقا حول لون الثياب التي ترتديها بقصد المزاح…
أم البنت .. التي تعي و تعلم ان الموقف الذي كانت فيه خاطيء و يسيء اليها ، و لكنها ايضا تعرف ان احدا لن يلومها ..؟؟
أم انه المجتمع الذي نعيش فيه، و الذي جعل الجميع يرى الامر كانه طبيعي … و ان "البنات كلهم بيعملوا هيك" و ان "الدنيا أمان و البنت عاقلة" .. ام .. ام … ؟؟؟
بصراحة الوضع ضايقني و بالتأكيد لم أتكلم بوجود كل هؤلاء اصحاب السلطة الفعلية .. و لكنهم فرطوا في سلطتهم و اضاعوها و ار جو ان اعرف فعلا .. من المخطيء في هكذا موقف؟؟
على فكره يا اختي انا الصراحه على قولتك قبل فتره مش قصيره كنت في الاردن ومش عارفه
اول مانزلت على عمان انصدمت كثير الصراحة كنت مش نازلةعليها الي 7 سنوات بس لمارحت
انصدمت بالناس الشباب والشابات خفت على حالي وعلى جوزي يعني ما بتفرقي بين ولد والا بنت
الشباب مربيه شعرها وحاطين حلقان ولابسين بلايز محزق وملزق زي مابقولوا
والبنات زيهم وادهى كمان – انا ما بقصد الكل بس هذا اللي شفته طول المده اللي جلسناها هناك
حتى اضحكي علي كنت بدي اشتري هدية لاخي بلايز رحت ادور على اشي طويل ومحتشم بالموت تالقيت اشي حلو صرعات صارت الدنيا عندهم
حتى في النا قرايب رحنا نزورهم على قولتك بناتهم اصغر لسه 14 -15 سنه وبيطلعن هن وصاحباتهن على المطاعم او زيارات وعادي انا لما شفت هيك الصراحه مش عارفه شو احكي
اي ماما ماكانت تخليني اروح عند صاحباتي الا تعرف مين هي ومين عيلتها وابوها وامها واصلها وفصلها وبعديها تشرط علي لازم اروح العصر وارجع قبل صلاة المغرب وتودي اخوي يوخذني ويجيبني
جيل اليوم غير شكل يااختي بس مدام بتقولي البنت 23 سنة واعيه ومؤدبه اكيد ممكن هالمرة اتاخرت بس ولو لازم الام تمنع بنتها من هيك شغلات يعني تروح عند صديقاتها بس في اوقات
العصرونيه مش في الليل سهره
يالله الله يهدي الجميع يا اختي وسلاماتي للبيبي
دودو..أنا مش شايفة أي مشكلة بالموضوع يعني أكيد الأم متأكدة من بنتها ومطمنة وإلا ما كانت أخدت الموضوع بهدوء.
أنا إتربيت في بيت ممنوع أتأخر بريت البيت مهما كانت الظروف..لاكن كان الوضع مسموح لو كنت مثلآ عند صديقتي "إيمان" وأهلي عارفين بوجودي عندها.طبعآ لأنهم مطمنيين وعارفين ويين أنا وعند مين.
ورغم اننا كلنا مسلميناً إلى اني وللأسف ألشديد أشوف أختلاف كثير ومافية أي تمسك بي تعاليم
دينناالأسلامي
احمد الله أننا في السعوديه محافظين ومتقيدين بي تعاليم ديننا الاسلامي وعاداتاً وتقاليداً
والموقف هذا إلى طرحتة ولله الحمد وان اتكلم عن مجتمعي إلي أعيشة لايمكن أن يسيرا
لاانه حرام أولاً وعيب ثانياً
والله شيئ محزناً
اسئل الله الهداية لي ولجميع المسلمين
و يبدو ان الأم غير قادرة على السيطرة في غياب الأب …. مسكينة !!
السؤال يجب أن تطرحيه على زوجك , لماذا لم يعلّق وينصح وهو الخال !
وأخبرينا ما رده!
ترى هل سيكون رأيه بان تأخرها عادي !
أو أن أم الفتاة وضعت حدود ولا تسمح لأحد بالتدخل … أو أو !!
لا أدري
ولكن من البديهي جدا أن مثل هذا التصرف مستهجن تماما ,
الشاب في عائلاتنا غير مسموح له بالتأخر في الليل , فكيف بالفتاة !؟
ثم حضرت إلى كندا وكانت صديقاتي بعدد الأصابع، أقربهن كانت ولا تزال أم شهد
لم يكن لنا إلا بعضنا، أمهاتنا وآباءنا أصدقاء وأهلي على ثقة بتربيتهم والحمد لله، ومع هذا كنت أعاني لمدة أسبوع حتى يسمح لي بالذهاب إلى أم شهد.. ولكن أمي كانت تقف دائماً في صفي
هذا وأنا أهل للثقة، ومع رخصة قيادة، ومع هذا كان يوصلني يرجعني أحد من أهلي.
بيوتنا متقاربة، ومع هذا يأتي كذا اتصال من أبي يسأل إن كان يلزمني سرير يرسله لي
((يذكرني أنني تأخرت))…. تتذكري يا سوسو؟ أصبحت الآن أماً وأصبحت أفهم هذه العقلية وأقدرها، فمن الصعب إيجاد أصدقاء خلوقين أهل للثقة.. ولولا معرفة أهلي بأهل أم شهد ما كانوا سمحوا لي أبداً بهذه الزيارات والتي قد تتأخر، وقد كنا نبقى في البيت تحت عيني الخالة… يعني ما في لعب وهمس… إلا شوي
باختصار، أعتقد أن الفتاة لن تفسد أخلاقها إن تأخرت قليلاً عند صديقتها ولكن بشروط:
– أن يعرف الأهل بعضهم ويكونون على دين.
– أن لا يكون المكان بعيداً.
– أن تكون الأم وابنتها على تواصل بالهاتف للاطمئنان عن الأمور.
– أن لا تكون الجلسات مفتوحة وفيها الأخوة والأخوات!!
– وبالطبع السهرة لا داعي أن تكون حتى منتصف الليل… بل الأفضل أن تبدأ الزيارة مبكرة وتنتهي مبكرة.
– خروج الفتاة لا يعني أنها أذنبت، طالما محرم لها أوصلها ومحرم أعادها من وإلى المنزل، والفتاة في زيارة لصديقتها والأم موجودة…. فلا بأس… خاصة أنها ليست طفلة صغيرة..
هنلي ويييييييينك من زمان ما بتبيني؟؟ انا تمام و الحمل ممتاز "بيبي واحد" و ما شاء الله كل خبطة و التانية بحسه بده يشق بطني و يطلع …. يا ريت ..
و الله يا هنون الوضع متل ما حكيتي و اسوأ بهالبلد.. و بالنسبة لموضوعنا، انا معك ان البنت كبيرة و فهمانه.. يمكن تحكوا اني رجعية شوي .. بس انا برأيي بنت بهيك لبس في منطقة ممكن نحكي انها مقطوعة.. و بعدين لا وراها شغل و لا دراسة يعني ما في شي بيمنع تكون الزيارة وقت العصر…
و انا باعتباري زوجة خالها بعرف ان الوضع متكرر و التأخير مستمر .. حتى مرة امها اتصلت بزوجي الساعة 12 قالت له روح جيب فلانة من المكان الفلاني قال مو لاقية تكسي..
اكيد بيرجع لثقة الأم ببنتها .. بس الام يعني واثقة بكل الناس اللي بالشوارع؟؟ و الله المشاكل منتشرة بشكل مو طبيعي …. و لما واحد يشوف بنت ببنطلون قصير و قميص كانت تلبسه من عشرين سنه "يعني ضيق" و ماشية بنص الليل بمنطقة مقطوعة.. لو ما حاول يسبب مشكلة ممكن يفكر او عالاقل الجيران ممكن يكون الهم كلام …
أم شهد و الله انا اللي بنبسط لما اشوف ردودك لانها قليلة بس مركزة
انا متلك و الله مع انه فرق العمر بيني و بين البنت سنتين ,, يعني مو من جيل تاني و لا شي.. بس اهلي كان عندهم مشكلة اسمها زيارات و تأخير.. ما بيحبوها ابدا.. و بيشوفوها سبب للمشاكل.. و انا معك ان الام واثقة من البنت و كمان العم و الخال و الاخ … بس واثقين من الناس كلهم؟؟
بصراحة بحس ان الموضوع ممكن البنت تتمادى فيه ..
مرة كنا عندهم يوم الجمعه و البنت عم تلبس و تتزوق و بدها تطلع.. لما صارت عالباب الام سألتها وين رايحة… قال رايحة اقدم طلب شغل !!
و عادي طلعت و انا بتساءل.. يا ربي هو في مكتب او شركة مداوم تقدم عليه يوم الجمعه؟؟
يعني الثقة الزايدة مهما كان الانسان اكيد في لحظات ضعف -ربنا لا يقدر- بس الحذر ما بيضر…
دانة الدندونة
هو في متل السعودية ؟؟
المشكلة الام متدينة و ملتزمة و ما شاء الله و بتلبس جلباب … لكن لو تشوفي بناتها الله يهديهم.. لبس فاضح بصراحة مرات ما بقدر الا اني اعلق "لزوجي طبعا" و هو بيحكي كلامك مزبوط بس انا ما دخلني .. !
10000 هلا بأم عمر
كيف الحمل معك؟ ان شاء الله ما تكوني متغلبه ..
كلامك صح.. الكلام هاد مو اعتيادي في مجتمعنا .. من تلات سنين و قبل.. لكن هلا صدقيني صار متل قولة مرحبا على رأيهم.. ما في شي بيمنع بنت تطلع و تنزل و تتأخر .. لا و لا تحكي لي عن الشباب.. بعرف عائلات ما بيعرفوا ابنهم وين نام الليل .. و بيحكوا عادي خليه يستقل
بس كون الام غير مسيطرة بغياب الاب .. فالوضع هو هو بوجود الاب و عدمه.. انا مرة انصدمت من تصرفه في احد الاعراس .. كان جالس مع اصدقائه على طاولة و مروا بناته و بنات اخوه من جنب الطاولة .. و طبعا اااااااخر تزويق و لبس و مكياج.. واحد من الرجال اللي معه علق و قال يا سلاااااااااااام شو هالبنات الحلوين …
الاب اخدته الحميه و الغيرة ؟؟؟
لا.. حكاله: شو رأيك بس مو احلى وحدة اللي لابسة أخضر "بنت من بناته"
اما زوجي … فخليها على الله ,, هو بيعرف ان اللي صار خطأ و ما عجبه تأخيرها و لبسها .. لكن مشكله عائلتهم انه ما في عندهم حد يحكي للتاني وين رايح و شو بتعمل .. اذا زوجي من وقت ما تزوجنا لهلا بيحاول يفهمني "لما بدك تروحي مكان ما في داعي تطلبي مني" و مرات بتصل فيه بالشغل بحكي له بدي اروح اجيب الغرض الفلاني متلا و ارجع ..بيضل ساكت بيحكي لي وين السؤال؟؟؟؟؟؟؟؟؟
و العم ……… شرحه..
أمونة ما شاء الله كل الوردات الحلوين بموضوعي … راسي بطل يطلع من الباب
عجبتني جدا كلمة الوالد الله يخليلك اياه … نبعت لك سرير .. و انا اهلي من نفس النوع ما كان يودونا عند صاحباتنا "مع انه انا و دندون عصبة يعني مو قليلين" الا اذا بيعرفوا البنت و اهلها و اهم شي ما عندها اخوان شباب , و من اي بلد و فصيلة الدم .. الخ .
كنا احيانا نتضايق من هالتصرفات و التضييق.. لكن هلا نا عارفة ان كمل اللي عملوه كان صح .. و انه ما نقص قدري و لا عمري و لا وزني لما ارجع عالبيت قبل غياب الشمس و قبل ما تبدا المشاكل و افواج الشباب تنتشر بالشوارع..
صحيح لو البنت تأخرت مرة عادي . لكن انا ما بزورهم الا هالبنت بزيارة او شمة هوا او طالعين يأرجلوا برة … يعني الوضع اللي خلاني اكتب ما اظن انه هو الوضع الطبيعي
الخلاصة من الموضوع..
شكله الحق طلع علي
لا يا دندوشة الغلط مو عليك >>>> مو لأنك في المنتدى لأ لأنك صح
المشكلة انهم عائلة تعتبر انه لكل واحد خصوصياته ومافي أحد له الحق يتدخل!
طيب لو وقعوا في مشاكل ماراح يكونوا مع بعض؟؟ أكيد أما لو كان كل واحد في
جهة فهذا شيء غير معقول!!
الخطأ الأكبر على الأم.. مهما كانت تصرفات العائلة هي لازم يكون لها خصوصياتها
في تربية أطفالها.. يعني أكيد هي كمام ما كانت عايشة في في عايلة فلتانة والدليل انها
محجبة طيب كيف بتضى هذا الشيء لبنتها؟؟ ولا هي ما يوعيها الا لما تشوف البنت
صار فيها شيء لا سمح الله.. مع كذا وضع الأم يحزّن.. يمكن كان السبب في تسامحها
مع البنت ان أبوها بعيد عنهم فلازم تعطيهم اللي يبغوه وهذا هو الخطأ..
بالنسبة لي أستغرب وانت زوجة خالهم انك ما تقدري تحكي اي شيء! عندنا زوجة
خالتي لها سلطة مثل أمي لو كانت امي مو موجودة في المكان اللي انا موجودة فيه
يمكن ما تتكلم كثير لكنها بتوجهني والحمد لله..
وزوجك طالما انه اولاد اخته بيحبوه ليش ما تقترحي عليه ينصح البنت؟؟ هي كبيرة
وواعية وفاهمة أكيد راح تفهم انه خالها بيخاف عليها من أولاد الشوارع..
انا زوجة خالها مزبوط.. لكني اكبر منها بسنتين يعني اكيد بوجود "العتاولة" كلهم انا مو مفروض احكي … يعني يمكن انا هيك غلطانة .. بس بعرف انهم ما حيتقبلوا مني نصيحة …
و زوجي فعلا لازمه "فركة دان" عشان بكرة ما بدي بناتي او اولادي اكون متشددة معهم و البابا هو اللي بيعطيهم الحرية و انا يصيروا يكرهوني
و الله يهديها و يهدي امها فعلا قبل لا يصير شي لا قدر الله
ازا كخوف عليها لانها لابسة قصير وضيق ممكن
وازا والدتها متدينة ليش ما كلمتها
وبعدين اكيد الي وصلتها وصلتها على باب البيت
مابعرف كيف الاجواء عندكم
بس الحمدالله اهلي ما عندهم اي نوع من انواع التزمت، لانهم مريحين راسهم بنتهم لا بتحب تجي ولا تروح. بس ايام الدراسة كنت اعد عند صاحبتي الي والدتي تعرفت لوالدتها للعشرة ونص 11
وطبعا ما كنت بسوق فكانوا اهلي برجعوني.
والي صديقات بيرجعوا 12 بالليل للبيت من الشغل وكنت استغرب انهم بيرجعوا لحالهم (هي بتسوق) بس الحمدالله 12 الدنيا مابتكون مهجورة ابدا وامان الحمدالله. مع اني مرة قرأت قصة اغتصاب ممثلة على سلم البناية لانها كانت جاية الساعة 1 بالليل
بالمدينة الي انا فيها مافي بنايات طابقين وبس
ولاخت دانة الدنيا انا لسة كنت بقرأ في عالم حواء مشكلة فتاة من السعودية بتقول انو اهلها مستحيل يسمحولها تطلع مكان وردوا عليها بنات من نفس بلدها انهم بضلوا عند صاحباتهم للوحدة مرات
واكيد اخوها راح يروح يجيبها
مافيها شي لو الام قالت للبنت انها بتخاف عليها ومفي شي آمن ويكون اخوها هو الي يجيبها مدام الوقت متأخر
والاهالي مابحبوا بناتهم يتأخروا لانهم بخافوا انو اصحاب البيت ينزعجوا
ومرة زميلة قالتلي نروح السنتر الي قريب نتعشا (5 دقائق بالسيارة وأقل) وكانت 9 ونص
لبست وقلتلهم وطلعت (لاحظي لبست بالاول) لاني بعرف انهم ماراح يمانعوا لانو تزمت على الفاضي راح يكون
لانو السناتر الي عنا معبية امن والشباب بخافوا منها لو حتى ظلما اشتكيتي على احدهم بيحبسوا وازا مش ابن البلد بسفروا لبلدوا بعد يوم بالحبس
واحنا كبار وأهل للثقة
ورجعت وهي البنت متعودة تطلع مع صاحبتها او والدتها دائما هناك للعشا لانو مكان اغلبوا عائلات
بس انا ماحبيت اكرر الفترة لا انا بحب اكل برا ولا الطلعات الليلية البناتية!
اما عن بنتكم فهي قالت انها عند صاحبتها لو قالت بمطعم ولا سينما كان اختلف الموقف!
