السلام عليكم
بصراحة انا دايما احب اسمع تجارب الحريم مع رجالهم وتجارب الرجال مع حريمهم لأن الحياة معاملة ولأني احب زوجي واتمنى أكون أحسن مما كان يتمنى ولأنه لا الجمال وحده ولا المال وحدة تخلي الرجال يعشق زوجته او تخلي الحرمة تغرم في زوجها
يعني ودنا نستفيد من تجاربنا نتكلم عن كل شي ممكن نستفيد منه ونطبقه في حياتنا بغض النظر عن المكان إللي نعيش فيه أو الظروف إللي حولنا
وراح ابدأ أنا
تجربة ناجحة مريت فيها
بعد ما تملكت _ أيام الخطوبه _ كلمت زوجي بالتلفون ستة شهور وكان يزورني في بيت اهلي أحياناً المهم أنا عصبية بطبعي يعني إذا عصبت ما اقدر اسيطر على نفسي 
بس شوي وازعل من نفسي واندم واحاول اصلح إللي هببته 
المهم من البداية فهمت زوجي عن هذي الخصلة السيئة إللي فيني وشرحت له بالتفصيل الممل إني أعصب شوي وبعدين أندم وووووووو المهم قلت له كلام حلو أنا نسيته بس هو دايما يذكرني فيه قلت أقدم لك إعتذاري مقدما عن أي تصرف ممكن يبدر مني إذا عصبت لأنك تهمني والأن اكلمك وانا متأكدة من كلامي عشان كذا إذا شفتني معصبة أنحاااااش وأتركني لحالي…..ذكريات المهم هو صار إذا عصبت يقول لي لاتقعدين تنافخين علينا عطينا فرصة ننحاش وفعلا اذكر كلامي له واضحك من نفسي وشوي شوي بديت اقدر اسيطر على نفسي في وقت الغضب
يعني بالمختصر المفيد كونوا صريحين مع بعض من البداية ولا تدعون المثالية عشان ما تتورطون بعدين
تجربة فاشلة مريت فيها
أنا زوجي يدخن الله يفكه من هالبلوى _ ادعو له _ المهم على بالي بكرهه في الدخان فصرت أقول اف ريحة دخان رح غسل وفرش أسنانك وأكح كح كح وبعد فترة حسيت ان الرجال ماعاد يحب يجلس معي وان جلس معي راح في الكنبة البعيدة عني وشوي شوي صار يحب يطلع من البيت اكثر من أول إما في كوفي مع ربعة أو في استراحة المهم قل وجوده في البيت فقلت لا أكيد فيه إنا وأخيراً عرفت انه ما يبي يضايقني بريحة الدخان عشان كذا غيرت اسلوبي وما عاد كحيت ابداً
وسلامتكم يالله ابي اشوف تجاربكم الصح وتجاربكم الغلط
أنا عضوة جديدة صح بس عطوني شوية تفاعل
وينكم وإلا مافيكم متزوجة إلا أنا
شكلي بصير خطابة………..
هههههاي
بايخة بس عاد وش اسوي ما أحد رد قلت أرد على نفسي…….
أخ خ خ
هلا وغلا بالحلوه
وحياك الله ياغلاي في نافذتنا الحبيبة
فكرة موضوعك رائعه جداً
ولي عودة للتعليق ياغلاي بإذن الله
والبنات ماراح يقصرون إن شاء الله
لكِ مني أعذب تحية …..
كتير محتاجينو
ياريت البنات مايبخلو عشان نتعلم منهم
اناماعندي شي لسة لاني خاطبة ماتزوجت
بس الي بقدر اقولو انو الكلمة الحلوة الصادقة بتسحر الرجال والدلع بالوقت المناسب بتخليه يلف حوالين حالو من الحب
يعني لوتخانقتو وكنتي غلطانة والحق عليكي
صالحيه بس انو كيف هيك خديه من نقطة ضعفو الي هية حبك
الرجال لمايكون بحب مرتو بتكون نقطة ضعفو ولابتهون عليه
يعني احكيلي(معقول اهون عليك؟مش انت بتموت علي؟اتزكر الايام الحلوة..الي عشاناه سوى)
اكسري بخاطرو يعني وانت زي المساكين
وشوفي شوراح يعمل
راح يسيح ويحري عليكي جراي
اتمنى الكل يفيدنا بتجاربو
مع حبي
راح يجري
الصمت والصبر لهما معي حكاية ……..
صحيح أنها من الصفات المطلوبه في الزوجة لتكون مثالية
ولكن حذاري ….. فكما هي صفة حميدة فهي مذمومه عندما تكون في غير أوانها
تجربة ناجحة مريت فيها
تعويد نفسي على الصبر والسكوت عن الرد على زوجي في حالة غضبه
فقد أثر ذلك فيه كثيراً مع الوقت
حتى اصبح يضبط أعصابه لحظات غضبه ولله الحمد والمنة
إكراماً لي ولمواقفي السابقة معه وتحلمي وقت إنفعاله…
تجربة فاشلة مريت فيها
الصمت عن المطالبة بأي حق من حقوقي سواء في صلة رحم أو غيره
ظناً مني أن مطالبة زوجي بأي شيء من حقي
لم يتكرم به من نفسه
فيه إهانة لكرامتي وفيه تنغيص لحياتنا معاً
وبسكوتي عن حقي أضعت الكثير على نفسي ….
وأدركت أخيراً …
أنه لكي تكوني زوجةً مثالية فكما تقومين بواجبات زوجك
فبيني له حقوقك عليه ولاتفرطي في حق نفسك حتى لايفرط هو بك
وأن الصمت ليس محموداً دائماً…….
من تجربتي مع زوجي ان مثل ماتعاملين الزوج وتتنازلين احيانا عن حقوقك اذا كان مشغول
فهو راح يبادلك بنفس المستوى
مثلا:
ماتلطعينه وتروحين بيت اهلك وتتعشين وتجين في الليل تقوليتله انا شبعانه
لاتزعلين اذا قال بروح اتعشى مع ربعي.
حسسيه انه انسان مهم اراه دائما صائبه راح يحسسك ان انتي اهم شي في حياته.
دائما خليه يحس انه هو رقم واحد في حياتك.
انشالله اكون افدت