اخواتى فى الله
اعذرونى عالعنوان ده والله بكتبه وانا عماله اضحك
بس فعلا هى دى الحقيقه
اعذرونى حبيت اليوم اكتب موضوع طريف نخرج به من الروتين اليومى والمشاكل
حتقولولى ازاى
؟؟؟؟؟؟؟؟؟؟؟؟؟؟؟؟؟
حقول لكم
طبعا اغلب البنات والاخوات فى المنتدى
ده لو مكنش كلهم بيعتبروا منتدانا شغلهم الشاغل او من اهتمامات يومهم
لانه المتنفس الوحيد لأغلبنا اليس صحيح؟؟؟؟؟؟؟
يعنى انا مثلا فى غربه ولا اعرف احد والحياه هنا عمليه لاقصى درجه ولذلك وجدت راحتى فى هذا المنتدى بالذات لانى لمست فيه الاحترام والثقافه
وطبعا كل واحده عندها سبب لاشتراكها فى المنتدى والتواصل فيه
وهنا بقى لب موضوعى
ايه شعور زوجك عندما يجدك تجلسين امام الكمبيوتر هل يغار من المنتدى
بصراحه اللى شجعنى اكتب الموضوع ده هى زوجى ومشرفتنا نوران
لانها فى احد الردود قالت ان زوجها بيعتبر المنتدى ضرته
وافتكرت احدى الاخوات مره قالت لى لما بخرج مع زوجى واولادى بره للتنزه اول حاجه بعملها لما ارجع للمنزل هو فتح الكمبيوتر وصفحه المنتدى ويكون تعليق زوجها
ان الغربه صعبه يقصد غربتها عن المنتدى
وبالنسبه لى زوجى اليوم اول مره يكشر عن أنيابه فعلا مع انه من زمان كان مبسوط انى لما تركت العمل وجدت حاجه محترمه تفيدنى وتهون عليا الغربه وهى المنتدى
على فكره الحمد لله الحمد لله انا لا اقصر فى واجباتى الزوجيه وواجبات الامومه بشهاده زوجى نفسه ولكن اليوم الموضوع اتقلب
لسبب تافه وجدته كشر عن انيابه وقال لى المنتدى واخد كل وقتك وووووووووووووووووو
كلام كتير بصراحه
وانا من جوايا عماله اضحك فعلا بس طبعا مش امامه علشان ميزعلش
فقلت اسألكم ياترى ايه شعور ازواجكم لما بيشوفوكوا كتير امام شاشه الكمبيوتر
ياريت كل واحده تقول لنا بيحصل لها ايه
وياريت المشرفات نسمع رأيهم لاننى اعتقد انهم اكتر مننا فى التواجد عالكمبيوتر نظرا لظروف الاشراف
وكلمه اقولها بمنتهى الامانه حقيقه استفدت كتييييييييييييييييييييييييييييييييييير من المنتدى سواء من النافذه او قسم المطبخ
اخواتى
منتظره ردودكن
وجزاكى الله كل خير
بس أهلي >> وخاصة أمي يتضااايقووون كثييييير لما أجلس عالنت
مع أنه المتنفس الوحيد لي
ومع كذا أعاند وأدخل هههه
مشكورة أختي noorelhoda
على موضوعك المهم
بارك الله فيك
بس لو حصل وكان موجود وانا اعدة على النت يعد يقول انا اللى جبتة لنفسى هههههههههه وووووو طبعا بيعاقب نفسة لانة هو عامل كل دة علشانى علشان مزهقش وانا لوحدى لان شغلة طول اليوم بس بحاول على اد مقدر مقعدجش وهو موجود علشان المشاكل بس لانة المرة الجاية هيكسرة خخخخخخخخخخخ
حلو الموضوع انا تعلقت بالمنتدى بسبب سفر زووجى غبتالى معندش مشكله دلؤقتى معاه بس لما يرجع اعتقد هيكون فيه حااااااااااجات ومحتاجااااااااااات ههههههههههههههههههههههههههههه
بس فعلا اللى بغارو من قعدتى على النت بناااااااااااااااتى مع انى مش مقصره بس عاوزنى معاهم على طول حتى فى وقت النووووووووم الله المعين
كتبت بواسطة amal250 
وجزاكى الله كل خير
شكرا لتفاعلك اخت امال وطبعا فى كتير مثلك كده زوجهم بيرجع متاخر فبالتالى الجلوس عالنت مش بيحصل غير فى الاوقات اللى بيبقى فيها بره
و انا كنت اعرف صديقات كتير هنا على المنتدى وجودهم قل جدا لان ازواجهم شعروا بالغيره و بان المنتدى واخد كل وقتهم
انا بقى مش متزوجه لكن بابا و ماما هم الى بيغيروا من المنتدى
لانه تقريبا واخد كل وقتى من يوم ماعرفته
و لما كان اصدقائى موجودين هنا – انا اتعرفت عليهم عن طريق المنتدى – كانوا نعم الصحبة الصالحة و كنا دايما نكلم بعض كل يوم
و ده طبعا كان بيخلى بابا و ماما حاسين انه واخدنى من البيت
ده غير لما تقعدى تضحكىىىىىى فجأه – اكيد بابا قال البنت اتجننت – مفيش فايده فى خفة الدم المصرية
ربنا يجمعنا دايما على خير
فكرتينى
بصى يا اختى
انا جوزى بيتفرج على الافلام وانا مش عايزه اتفرج على التلفزيون من اصله
قمت واخده اللاب توب وقاعده جنبه
اتاريه واخد باله
انا بكتب ايه
تانى يوم
قالى المنتدى ده هو الى مغيرك
واحنا نسأل شيخ هل يجوز تدخلى على منتديات ولا لا
الراجل طلع بيغير منه
وكل اما بيلاقينى
قاعده قدامه ييجى يتمحلس لى(مع انى مش عارفه معناها بس مش مشكله)
بس انا مبسوطه انه بيغير منه
تقريبا الرجاله متعودين من زوجاتهم انهم كل حياتهم
فلما يلاقوها فى عالم تانى(انا بنسى نفسى قدام النت) بيغيروا
بس انا بحاول اقلل منه لما يكون موجود
عشان ميطلعش فى دماغه يقطعه
شكرا على الموضوع الجميل
او برة البيت لاني ما احب احسسة اني مشغولة عنة
حتى ما يحصل اي تقصير مني
ومشكووووووووووووووورة